نبراس طالب (2)

Panimula ng Aklat

Ang papuri ay ukol kay Allāh, ang Panginoon ng mga nilalang. Ang basbas at ang pangangalaga ay ukol sa Propeta nating si Muḥammad at ukol sa mag-anak niya at mga Kasamahan niya sa kalahatan. Sa pagsisimula,

Nasa harapan mo, mahal kong mag-aaral, ang Ikalawang Aklat mula sa mga silabus ng Nibras, ang mga pampagtuturong silabus na iyon na naglalayon ng pagtatatag ng isang Islāmikong matatag na edukasyon at pagbuo ng personalidad ng mag-aaral alinsunod sa pang-edukasyong Islāmikong silabus.

Magbubukas tayo ng aklat na ito sa pamamagitan ng pagdakila sa Marangal na Muṣḥaf, ng pagpapakilala rito at sa pamamaraan ng pagtipon ng Qur'ān sa panahon ng Propeta (basbasan siya ni Allāh at pangalagaan) at mga khalīfah niya, at ng paglilinaw sa mga pundasyon ng tumpak na pagbigkas at mga uri ng kamalian sa pagbigkas ng Marangal na Qur'ān upang magsimula ka kapatid kong mag-aaral sa daan ng pag-aaral ng tajwīd ng Qur'ān at praktikal na pagpapatupad niyon.

Kukumpleto tayo ng biyahe ng pagpapakahulugan ng huling juz' (bahagi) ng Muṣḥaf sa pamamagitan ng pagpapakahulugan ng mga sūrah mula sa Sūrah Al-A`lā hanggang sa Sūrah Al-Qadr kalakip ng paghahango ng pinakamahalaga sa mga katuturang pangkaalaman, pang-edukasyon, at pampag-uugali mula sa mga āyah upang ang mga ito ay maging tulong para sa atin sa paggawa ayon sa Marangal na Qur'ān sa pang-araw-araw na buhay natin.

Nakukumpleto ang praktikal na pagpapatupad ng Makatotoong Relihiyon natin sa pamamagitan ng pagtulad sa Propeta (basbasan siya ni Allāh at pangalagaan) at pag-aaral ng Sunnah niya. Alang-alang sa pagsasakatotohanan niyon, mag-aaralan tayo ng siyam sa mga ḥadīth niya (basbasan siya ni Allāh at pangalagaan). Tatalakayin ang mga pundasyon ng pagbubusilak ng sarili, paghubog ng pag-uugali, at pagmamarangal sa Makatotoong Relihiyon natin. Kaya kailangan sa iyo kapatid kong mag-aaral ang magpahalaga sa pagsasaulo sa mga salita ng mga ito, pag-alam sa mga kahulugan ng mga ito, pagsasagawa ng mga katuturan ng mga ito, at pagtuturo ng mga ito sa sinumang nasa paligid mo upang magtamo ka ng pabuya ng kaalaman, paggawa, at pag-aanyaya nang magkakasama.

Dahil ang Paniniwala ay ang pundasyon ng Relihiyon at ang Pananampalataya ay ang kinasasalalayan ng Paniniwala, pag-aaralan natin ang mga haligi ng Pananampalataya na niliwanag sa atin ng Propeta (basbasan siya ni Allāh at pangalagaan) sa napatanyag na ḥadīth ni Anghel Gabriel nang nagtanong ito tungkol sa Pananampalataya sapagkat nagsabi ang Propeta (basbasan siya ni Allāh at pangalagaan): "Na sumampalataya ka kay Allāh, sa mga anghel Niya, sa mga kasulatan Niya, sa mga Sugo Niya, sa Huling Araw, at sa pagtatakda: sa masama nito at mabuti nito." Kaya pag-aaralan natin kung papaano tayong magsasakatotohanan ng Pananampalataya sa pamamagitan ng anim na haliging iyon at mga epekto niyon sa mga gawain ng mga puso at mga pinaggagawa ng mga bahagi ng katawan.

Matapos ng pag-aaral ng mga pundasyon ng pinaniniwalaan, mag-aaral tayo ng mga pundasyon ng pagpapakamananamba kasama ng poste ng Islām at pinakamahalaga sa mga haligi nito: ang ṣalāh. Kaya pag-aaralan natin ang pamamaraan ng pagsasakatotohanan sa mga kundisyon nito, pagpapatupad sa paraan nito, at pagbubukod sa mga haligi nito at mga sunnah nito. Pagkatapos may isang pinaiksing pagpapakilala sa zakāh at pamamaraan ng pagtaya sa mga niṣāb nito at may paglilinaw sa kainaman ng kawanggawa at bigas ng pabuya rito.

Pagkatapos mamumuhay tayo kasama ng ilan sa mga etiketang pang-araw-araw, na napag-aralan natin ang mga detalye ng mga ito mula sa patnubay ng Propeta (basbasan siya ni Allāh at pangalagaan). Kaya pag-aaralan natin ang mga etiketa ng pagkain, pagtulog, pagtitipon, at pagpaalam. Mag-aaralan tayo ng dinadala ng mga etiketang iyon na mga katuturang pampag-uugali at panlipunan. Wawakasan natin ang aklat sa pamamagitan ng pag-aaral ng mga dhikr ng umaga at gabi at mga dhikr ng katapusan ng mga ṣalāh. Maasahan si Allāh na magkaloob sa atin ng mga pabuya ng mga tagapag-alaala sa Kanya at mga tagatulad sa Sugo Niya (basbasan Niya ito at pangalagaan).

Nagsikap nga kami sa pagpapalabas sa mga aklat na ito sa isang anyong umaalinsunod sa mga saligang pangkaalaman at mga sukatang pang-edukasyong makabago. Nagsaalang-alang kami sa paghahanda sa mga ito ng sumusunod:

* Ang pagsisimula ng mga aralin isang pagpapaumpisang pupukaw sa pagpapahalaga mo, magdaragdag ng pagkaaktibo mo, at tatawag ng pansin mo.

* Ang paglalagay ng mga talahanayan, mga pigura, at mga tsart ng mga konsepto na tutulong sa iyo sa pag-unawa ng nilalamang pangkaalaman.

* Ang paglalakip ng mga aktibidad na pampagtuturo na magsasakatotohanan ng mga layong pang-edukasyon alinsunod sa mga estratehiya ng pag-aaral na masigla. Nagsaalang-alang nga kami sa mga ito ng sumusunod:

- Ang integrasyon ng mga ito kasama ng nilalaman sa pagsasakatotohanan sa mga layon ng aralin kasama ng pagkakaugnay ng mga ito sa kalikasan ng asignatura at pagkakakilanlan nito.

- Ang pagpapalago ng mga aspeto ng personalidad mo at sarisaring kasanayan mo.

- Ang pagkasarisari sa pamamaraan ng pagsasakatuparan dito sa pagitan ng pang-individuwal at panlipunan, ang pagkasarisari ng lugar ng pagsasakatuparan dito sa loob at labas ng klase, at ang pagkasarisari ng mga anyo nito sa pagitan ng aktibidad na pansulat, pansalita, pangkilos, at pang-isip.

- Ang paglalagay ng mga tanong ng pagtatasa (assessment) sa katapusan ng bawat aralin upang sulitin ang saklaw ng pagkaunawa mo sa aralin at mga layon nito.

Tunay na kami, yayamang naghain kami sa iyo ng aklat na ito, ay umaasa na ito ay maging isang tagapagsakatotohanan ng pinagpunyagian namin na kadalian ng asignaturang akademiko, kaliwanagan ng paglalahad, pagkaaktibo ng mga aktibidad, at pagkamasaklaw ng pagtatasa (assessment).

Dumadalangin kay Allāh (kamahal-mahalan Siya at kapita-pitagan) na magpakinabang Siya sa pamamagitan ng mga ito sa mga tagapaghanap ng kaalaman at tumanggap Siya mula sa amin, tunay na Siya ay ang Madinigin, ang Maalam.

Basbasan ni Allāh at pangalagaan Niya ang Propeta nating si Muḥammad sampu ng mag-anak niya at mga kasamahan niya sa kalahatan.

Unang Yunit: Ang Marangal na Qur'ān at Pagpapakahulugan Nito

(1) Ang Pagdakila sa Marangal na Muṣḥaf

Ang mga Layong Pampamamalakad:

Inaasahan mula sa iyo, mahal kong estudyante, matapos ng araling ito na:

makapagpakilala ka ng Marangal na Muṣḥaf;

makapag-isa-isa ka ng nilalaman ng Marangal na Muṣḥaf;

makapaglinaw ka ng ilan sa mga anyong pagdakila sa Marangal na Muṣḥaf;

makapagdakila ka sa Marangal na Muṣḥaf;

makapagbigay-babala ka sa mga tao laban sa pagmamaliit sa Marangal na Muṣḥaf.

Aktibidad na Pang-umpisa

Nagkukulang ang marami sa mga Muslim sa pagpapanatili sa pang-araw-araw na bahagi ng pagbigkas ng Qur'ān hanggang sa makakita ka ng ilan sa mga Muṣḥaf na nababalot ng alikabok. Sa opinyon mo, ano ang kadahilanan niyon?

A. Ang Pagpapakahulugan sa Muṣḥaf

Ang Marangal na Qur'ān

Ito ay Salita ni Allāh (napakataas Siya). Ang Muṣḥaf (Muṣḥaf) ay isang pangalan ng aklat na naglalaman ng Marangal na Qur'ān.

Naglalaman ang Muṣḥaf ng 114 sūrah (kabanata), na bumaba nang magkahiwa-hiwalay sa loob ng 23 taon, magmula ng pagpapadala kay Propeta Muḥammad (basbasan siya ni Allāh at pangalagaan) hanggang sa pagpanaw niya. Nagsisimula ito sa sūrah Al-Baqarah at nagtatapos sa sūrah An-Nās.

Nahahati ang mga sūrah na ito sa 20 sūrah na Madanīyah, 82 sūrah na Makkīyah, at 12 sūrah na nagkaiba-iba ng pahayag hinggil sa mga ito.

Nahahati ang Muṣḥaf sa 30 juz' (bahagi). Nahahati ang bawat juz' sa 2 ḥizb (lapian). Sa bawat ḥizb ay may 4 rub` (sangkapat). Ibig sabihin: ang Qur'ān ay nahahati sa 240 rub`.

Ang mga juz', ang mga ḥizb, at ang mga rub` na ito sa kabuuan ng mga ito ay tinakdaan. Ang mga ito ay may mga pagpapahiwatig sa lahat ng mga Muṣḥaf.

B. Ang Pagdakila sa Muṣḥaf at ang Hatol sa Panghahamak Dito

Ang pagdakila sa Marangal na Muṣḥaf ay kinakailangan sa bawat Muslim dahil ito ay naglalaman ng Salita ni Allāh (napakataas Siya).

Ang sinumang nagpitagan sa Marangal na Qur'ān at nagpitagan nga kay Allāh (napakataas Siya) at ang sinumang nagmaliit sa Qur'ān ay nagmaliit nga kay Allāh (kamahal-mahalan Siya at kapita-pitagan).

Nagkaisa ang Kalipunang Islām sa pagkakailangan ng pagdakila sa Qur'ān at pagkakailangan ng paglalayo rito at pangangalaga rito laban sa panghahamak at pangangalikot.

Ang sinumang nanghamak ng Muṣḥaf nang sinasadya ay tumangging ngang sumampalataya kay Allāh (kamahal-mahalan Siya at kapita-pitagan), tulad ng pagtapon nito sa isang maruming lugar o pagsipa nito at tulad niyon.

C. Ang mga Anyo ng Pagdakila sa Muṣḥaf

Ang pagdakila sa Marangal na Muṣḥaf ay may maraming anyo, na kabilang sa mga ito ang sumusunod:

* Ang hindi pagsaling ng Muṣḥaf nang walang ṭahārah:

Ipinagbabawal sa may ḥadath o junub ang pagsaling ng Muṣḥaf batay sa sabi ni Allāh: {walang sumasaling dito kundi ang mga dinalisay,} (Qur'ān 56:79) at batay sa sabi ng Propeta (basbasan siya ni Allāh at pangalagaan): "Walang sasaling sa Qur'ān kundi ang isang dalisay." Nagsalaysay nito si Imām Mālik: 469.

* Ang pag-iwas sa pagpasok sa palikuran nang may dalang Muṣḥaf:

Ipinagbabawal sa Muslim ang magpasok ng Muṣḥaf sa palikuran bilang pagdakila rito malibang kapag nangamba siya na mawala ito sapagkat pinapayagan na pumasok siya dala ito sa kundisyon na ito ay nasa isang lalagyan gaya ng kung ito ay nasa loob ng bag niya.

* Ang hindi pag-unan nito o pagsandal dito:

Ang pag-unan ng Marangal na Muṣḥaf ay ipinagbabawal dahil sa ganito ay may paghamak sa Marangal na Qur'ān at gayon din ang pagtapak dito at tulad niyon na mga anyo ng paghamak.

* Ang pag-iwas sa pagtutok ng mga paa tungo sa Muṣḥaf :

Nararapat ang pag-iwas sa pagtutok ng mga paa tungo sa Muṣḥaf o ang pagtalikod dito o iba pa roon kabilang sa mga gawain na nagpapahiwatig ng kawalan ng pagdakila rito.

* Ang pag-iwas sa paglalagay ng Muṣḥaf sa lapag:

Hindi inilalagay ang Muṣḥaf sa lapag sapagkat baka maapakan ito ng isang tao nang hindi niya nalaman o maitutok dito ng isa sa kanila ang paa niyon. Pinapayagan para sa sinumang nagbabasa sa Muṣḥaf na ilapag ito sa harapan niya kapag nagnais siyang magpatirapa.

* Ang kagandahan ng pagkuha ng Muṣḥaf at pagbibigay nito:

Kabilang sa mga anyo ng pagdakila sa Muṣḥaf ang kagandahan ng pagkuha nito, pag-aabot nito, at pagbibigay nito sa ibang tao kaya naman nag-aabot nito ang Muslim, nagbibigay siya nito sa pamamagitan ng kanang kamay, at umiiwas siyang maghagis nito.

* Ang pag-iwas sa paghahantad ng Muṣḥaf sa pagkasira at ang pagkukumpuni sa anumang nasira sa mga pahina nito:

Nararapat ang pag-iingat sa Muṣḥaf laban sa pagkasira. Iyon ay sa pamamagitan ng pag-iwas sa paghahantad ng Muṣḥaf sa araw sa loob ng kotse o tulad nito. Kapag nasira ang mga pahina nito, pinapayagan ang paglilibing ng mga ito sa isang lugar na dalisay o ang pagsunog ng mga ito o ang pagpunit-punit ng mga ito sa lubhang maliliit na piraso sa paraang hindi na mananatiling hayag ang mga salita.

* Ang pag-iingat ng mga aklat na may mga talata ng Qur'ān:

Tulad ng mga aklat na panrelihiyon o pampaaralan o mga diyaryo na naglalaman ng mga talata ng Qur'ān, hindi pinapayagan ang magtapon ng mga ito sa basūrahan o ang paggamit ng mga ito sa pagbabalot ng mga pagkain at tulad nito o ang kumain sa ibabaw ng mga ito at iba pa roon na mga anyo ng paggamit dahil ang lahat ng ito ay kabilang sa paghamak ng Aklat ni Allāh (kamahal-mahalan Siya at kapita-pitagan).

Ang mga Aktibidad

Aktibidad 1: Magsasaliksik ako at sasagot ako.

Upang madagdagan ka ng pagkakaalam sa Muṣḥaf at mga pagbabahagi nito, magsaliksik ka at sagutin mo ang sumusunod:

Ano ang pinakamahabang sūrah sa Marangal na Qur'ān?

Ang Sūrah Al-Baqarah.

Sa Qur'ān ay may pitong sūrah na tinatawag na Pitong Mahahaba, ano ang mga ito?

(Al-Baqarah - Āl `Imrān - An-Nisā' - Al-Mā'idah - Al-An`ām - Al-A`rāf - Al-Anfāl at At-Tawbah sa pagtuturing sa dalawang ito bilang iisang sūrah.)

Makakatagpo sa Muṣḥaf ng pagtatakda para sa mga āyah na itinuturing na kaibig-ibig ang magpatirapa sa pagkabigkas sa mga ito, ano ang bilang ng mga āyah na ito?

15 āyah.

Magsulat ka ng mga pangalan ng limang sūrah na Makkīyah at limang sūrah na Madanīyah.

Ang mga sūrah na Makkīyah: Al-Muṭaffifīn - Al-Inshiqāq - Al-Burūj - Aṭ-Ṭāriq - Al-A`lā

Ang mga sūrah na Madanīyah: Al-Mumtaḥinah - Al-Jumu`ah - Al-Munāfiqūn - Aṭ-Ṭalāq - At-Taḥrīm - An-Naṣr.

Puna: Ang mga sūrah na ito ay mga halimbawa at hindi isang paglilimita. Matatanggap mula sa estudyante ang alinman sa mga tumpak na halimbawa.

Aktibidad 2: Mag-iisip ako at sasagot ako

Lumaganap sa ngayon ang mga elektronikong Muṣḥaf sa kompyuter at telepono, kaya napasasailalim ba ang mga ito sa patakaran ng Muṣḥaf na papel sa pagsasakundisyon ng ṭahārahat tulad nito?

Alamin sa link na ito.

Ang Pagtatasa (Assessment)

PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng maling pararila sa sumusunod:

Naglalaman ang Muṣḥaf ng 60 ḥizb at 30 juz'. (✓)

Hindi pinapayagan ang pagsunog ng mga papel ng lumang Muṣḥaf. (X)

Itinuturing na kaibig-ibig ang paghalik sa Muṣḥaf at ang pagpapalamuti rito at pagpapabango rito. (✓)

PANUTO 2: Piliin ang tumpak na sagot mula sa nasa pagitan ng mga panaklong:

Ang bilang ng mga sūrah na Madanīyah ay:

(20 - 30 - 40)

Nagpapahiwatig ang sabi ni Allāh: {walang sumasaling dito kundi ang mga dinalisay,} na ang paghipo ng Muṣḥaf ng hindi nakapagsagawa ng ṭahārahay:

(ḥarām (bawal) - makrūh (kinasusuklaman) - mubāḥ (pinapayagan))

Ang hatol sa paglalagay ng Muṣḥaf sa lapag ay:

(ang pagbabawal dahil ito ay kabilang sa paghamak - ang pagpayag dahil ang lapag ay dalisay – ang pagkasuklam dahil sa pagsaway laban doon)

PANUTO 3: Magbigay-liwanag ka ng hatol sa sumusunod:

Ang paghipo ng mga elektronikong Muṣḥaf para sa hindi nakapagsagawa ng ṭahārah.

Ang pag-unan ng Muṣḥaf.

Ang pananadya sa paghamak sa Muṣḥaf.

Ang pag-upo sa mga aklat na panrelihiyon.

PANUTO 4: Sagutin ang dalawang sumusunod na tanong:

Ano ang ibig sabihin ng Muṣḥaf?

Ano ang kaibahan sa pamamagitan ng Muṣḥaf at Marangal na Qur'ān?

(2) Ang Pagtipon ng Qur'ān at ang Pagkatuluyan ng Pagpapaabot Nito

Ang mga Layong Pampamamalakad:

Inaasahan mula sa iyo, mahal kong estudyante, matapos ng araling ito na:

makapaglinaw ka ng mga yugto ng pagtipon ng Marangal na Qur'ān;

makapagbigay-katwiran ka sa kahalagahan ng pagtipon ng Marangal na Qur'ān;

makapagbigay-liwanag ka ng kahulugan ng pagkatuluyan ng pagpapaabot ng Marangal na Qur'ān;

makapagpahalaga ka sa papel ng mga Kasamahan (malugod si Allāh sa kanila) sa pag-iingat ng Qur'ān at pagtipon nito;

makapagsaulo ka ng Marangal na Qur'ān.

Aktibidad na Pang-umpisa

Ang Propeta (basbasan siya ni Allāh at pangalagaan) ay masigasig sa pagsasaulo ng Marangal na Qur'ān. Humango ka ng āyah mula sa Sūrah Al-Qiyāmah na nagpapatunay roon.

{16. Huwag kang magpagalaw ng dila mo kasabay nito upang magmadali ka nito. 17. Tunay na nasa Amin ang pagtitipon nito at ang pagpapabigkas nito. 18. Kaya kapag bumigkas Kami nito ay sumunod ka sa pagpapabigkas nito. 19. Pagkatapos tunay na nasa Amin ang paglilinaw nito.} (Qur'ān 75:16-19)

Nagsigasig ang Propeta (basbasan siya ni Allāh at pangalagaan) at ang mga Kasamahan niya (malugod si Allāh sa kanila) sa pagtipon ng Marangal na Qur'ān. Dumaan iyon sa tatlong yugto.

Ang mga Yugto ng Pagtipon ng Qur'ān at ang Pag-iingat Nito

1. Sa panahon ng Propeta (basbasan siya ni Allāh at pangalagaan).

2. Sa panahon ni Abū Bakr (malugod si Allāh sa kanya).

3. Sa panahon ni `Uthmān (malugod si Allāh sa kanya).

Ang Unang Yugto: Ang pagtipon ng Qur'ān sa panahon ng Propeta (basbasan siya ni Allāh at pangalagaan):

Bumaba ang Marangal na Qur'ān sa Propeta (basbasan siya ni Allāh at pangalagaan) sa loob ng 23 taon. Sa tuwing may bumabang isang āyah, isinasaulo ito ng mga Kasamahan (malugod si Allāh sa kanila) at naikikintal ito sa mga isip nila sapagkat ang mga Arabe ay nagtatamasa ng lakas ng memorya.

Kabilang sa pinakatanyag sa mga tagapagsaulo ng mga Kasamahan: sina `Abdullāh bin Mas`ūd, Sālim bin Ma`qil na tauhan ni Abū Ḥudhayfah, Mu`ādh bin Jabal, Ubayy bin Ka`b, Zayd binThābit, Abū Zayd bin As-Sakan, at Abu Ad-Dardā' (malugod si Allāh sa kanila).

Pumili nga ang Propeta (basbasan siya ni Allāh at pangalagaan) ng isang bilang ng mga kapita-pitagan sa mga Kasamahan (malugod si Allāh sa kanila) para magsulat ng Marangal na Qur'ān. Kabilang sa kanila sina `Alīy, Mu`āwiyah, Ubayy bin Ka`b, at Zayd binThābit (malugod si Allāh sa kanila).

Sa tuwing may bumababa na āyah, nag-uutos ang Propeta (basbasan siya ni Allāh at pangalagaan) na isulat ito at gumagabay siya sa kalalagyan nito sa sūrah nito hanggang sa nabuo ang pagkasulat ng Qur'ān sa mga pahina kasabay ng pagkasaulo rito sa mga isip.

Subalit ang Qur'ān ay hindi tinipon sa nag-iisang manuskrito dahil ang Propeta (basbasan siya ni Allāh at pangalagaan) ay nag-aabang-abang ng pagbaba ng pagkasi sa tuwi-tuwina.

Ang Ikalawang Yugto: Ang pagtipon ng Qur'ān sa nag-iisang manuskrito sa panahon ni Abū Bakr (malugod si Allāh sa kanya).

Noong si Abū Bakr (malugod si Allāh sa kanya) ay naging isang khalīfah ng mga Muslim, naganap sa panahon niya ang labanang tinatawag na Labanan sa Al-Yamāmah na namartir dito ang 70 sa mga tagabigkas ng Marangal na Qur'ān kaya naman nagmungkahi si `Umar bin Al-Khaṭṭāb kay Abū Bakr (malugod si Allāh sa kanilang dalawa) na tipunin ang Qur'ān na nakasulat sa nag-iisang manuskrito nang sa gayon walang mawala na anuman mula sa mga āyah nito matapos ng pagkamatay ng mga tagabigkas.

Sumang-ayon si Abū Bakr (malugod si Allāh sa kanya), pagkatapos nag-utos siya kay Zayd bin Thābit (malugod si Allāh sa kanya) ng pagsasagawa ng misyong ito dahil siya ay kabilang sa mga tagasaulo ng Qur'ān at mga maalam ng mga Kasamahan (malugod si Allāh sa kanila).

Tinipon ni Zayd (malugod si Allāh sa kanya) ang Marangal na Qur'ān sa nag-iisang manuskrito at nanatili ang manuskritong ito sa piling ni Abū Bakr (malugod si Allāh sa kanya), pagkatapos kay `Umar (malugod si Allāh sa kanya), pagkatapos sa anak nito na si Ḥafṣah (malugod si Allāh sa kanya) hanggang sa pagkakhalīfah ni `Uthmān (malugod si Allāh sa kanya).

Ang Ikatlong Yugto: Ang pagtipon ng mga tao ng Qur'ān sa nag-iisang manuskrito sa panahon ni `Uthmān (malugod si Allāh sa kanya).

Sa panahon ni `Uthmān (malugod si Allāh sa kanya) lumawak ang mga bayang Islāmiko at nagkahiwa-hiwalay ang mga tagabigkas doon. Nangyari ang ilan sa mga pagkakaiba-iba sa pagbigkas ng ilan sa mga titik ng Marangal na Qur'ān.

Upang hindi lumawak ang pagkakaibang ito at maingatan ang Marangal na Qur'ān laban sa pagkapilipit at pagkapalit, nag-utos si `Uthmān (malugod si Allāh sa kanya) na kopyahin ang Muṣḥaf na tinipon sa panahon ni Abū Bakr (malugod si Allāh sa kanya) kaya kinuha nila ito mula kay Ḥafṣah bint `Umar bin Al-Khaṭṭāb (malugod si Allāh sa kanya). Pagkatapos nagpakopya si `Uthmān (malugod si Allāh sa kanya) mula rito ng ilang Muṣḥaf. Nagpadala siya sa bawat bayan ng isang Muṣḥaf at nag-utos siya na pagkaisahin ang mga tao rito.

Kabilang sa mga tagapagsagawa ng pagkopya ng mga Muṣḥaf sina Zayd bin Thābit Al-Anṣārīy, `Abdullāh bin Az-Zubayr, Sa`īd bin Al-`Āṣṣ, at `Abdurraḥmān bin Al-Ḥārith bin Hishām (malugod si Allāh sa kanila).

(2) Ang Pagkatuluyan ng Pagpapaabot ng Marangal na Qur'ān

Ganito, mahal kong estudyante, pinag-ingatan ni Allāh (napakataas Siya) ang Marangal na Qur'ān sa pamamagitan ng mga dakilang lalaking ito na nagbigay ng mga malaking pagpupunyagi sa pangangalaga sa Aklat ni Allāh (napakataas Siya) hanggang sa naipaabot sa atin ang Qur'ān nang nagkakatuluyang ligtas sa alinmang pagkapalit o pagkapilipit o pagkalikot. Hindi nagkaiba-iba ang mga Muslim – papuri kay Allāh – sa nag-iisang titik mula rito.

Ang tinutukoy ng pagkatuluyan (tawātur) ay na ang lahat ng mga Muslim ay nagpaabot ng Marangal na Qur'ān sa isang salinlahi buhat sa isang salinlahi nang walang pagpilipit o pagpapalit.

Ito ang nataglay ng Marangal na Qur'ān at hindi nataglay ng iba pa rito na mga aklat. Nagkatotoo ang sabi ni Allāh (napakataas Siya): {Tunay na Kami ay nagbaba ng Paalaala at tunay na Kami rito ay talagang mag-iingat.} (Qur'ān 15:9)

Ang mga Aktibidad

Aktibidad 1: Maghahambing ako.

Maghambing sa pagitan ng Ikalawang Yugto at Ikatlong Yugto ng pagtipon ng Marangal na Qur'ān sa punto ng kadahilanan ng pagtipon, mga tagapag-utos ng pagtipon, at mga nagsagawa ng pagtipon.

Ang Yugto Ang Kadahilanan ng Pagtipon Ang mga Tagapag-utos ng Pagtipon Ang mga Nagsagawa ng Pagtipon

Ang Ikalawang Yugto Ang Kadahilanan ng Pagtipon: Ang pagkamatay ng mga tagabigkas sa Labanan ng Al-Yamāmah. Ang Tagapag-utos ng Pagtipon: Si Abū Bakr (malugod si Allāh sa kanya). Ang mga Nagsagawa ng Pagtipon: Si Zayd bin Thābit (malugod si Allāh sa kanya).

Ang Ikatlong Yugto Ang Kadahilanan ng Pagtipon: Ang pagkakaiba-iba ng mga tao hinggil sa mga pagbigkas.

Ang Tagapag-utos ng Pagtipon: Si `Uthmān (malugod si Allāh sa kanya). Ang mga Tagapagsagawa ng Pagtipon: Sina Zayd bin Thābit Al-Anṣārīy, `Abdullāh bin Az-Zubayr, Sa`īd bin Al-`Āṣṣ, at `Abdurraḥmān bin Al-Ḥārith bin Hishām (malugod si Allāh sa kanila).

Aktibidad 2: Maghuhulo ako ng anyo ng pagpapatunay.

Humango ng patunay ang ilan sa mga may kaalaman sa pamamagitan ng sabi ni Allāh: {Bagkus [ang Qur'ān na] ito ay mga talatang malilinaw na nasa mga dibdib ng mga nabigyan kaalaman. Walang nagkakaila sa mga talata Namin kundi ang mga tagalabag sa katarungan.} (Qur'ān 29:49) Sa kalamangan ng pagkaingat sa Marangal na Qur'ān, magtangka na alamin ang anyo ng pagpapatunay ng āyah.

Ang paglalarawan dito na ito ay nasa mga dibdib ng mga may kaalaman ay isang patunay na sila ay nag-iingat nito.

Ang Pagtatasa (Assessment)

PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng maling pararila sa sumusunod:

Naligtas ang mga makalangit na aklat mula sa pagkapilipit at pagkapalit. (X)

Napatanyag si `Abdullāh bin Mas`ūd (malugod si Allāh sa kanya) sa pagkasaulo ng Marangal na Qur'ān. (✓)

Nagmalasakit ang mga Kasamahan (malugod si Allāh sa kanila) sa pagsaulo ng Qur'ān dahil sa kahinaan ng memorya nila. (X)

PANUTO 2: Piliin ang tumpak na sagot mula sa nasa pagitan ng mga panaklong:

Kabilang sa mga tagasulat ng kasi ng Propeta (basbasan siya ni Allāh at pangalagaan) ay si:

(Mu`āwiyah (malugod si Allāh sa kanya) - Abū Mūsā (malugod si Allāh sa kanya) - Abū Hurayrah (malugod si Allāh sa kanya))

Ang kadahilanan sa pagtipon ng Qur'ān sa Ikalawang Yugto ay:

(ang pagkamatay ng mga tagabigkas - ang pagkakaiba-iba ng mga tagabigkas - ang pagpanaw ng Propeta (basbasan siya ni Allāh at pangalagaan))

Ang kapita-pitagang Kasamahan na lumahok sa bawat yugto ng pagtipon ng Qur'ān ay si:

(`Alīy bin Abī Ṭālib (malugod si Allāh sa kanya) - Ubayy bin Ka`b (malugod si Allāh sa kanya) - Zayd bin Thābit (malugod si Allāh sa kanya)).

PANUTO 3: Papaano mong ipakakahulugan:

ang hindi pagtipon ng Propeta (basbasan siya ni Allāh at pangalagaan) ng Marangal na Qur'ān sa nag-iisang manuskrito?

ang kahalagahan ng pagkakaisa ng mga Muslim sa nag-iisang manuskrito sa panahon ni `Uthmān (malugod si Allāh sa kanya)?

ang pagkaimposible sa isip ng pagkaganap ng pagkapilipit ng Marangal na Qur'ān.

PANUTO 4: Tugunin ang dalawang sumusunod na panuto:

Ano ang ibig sabihin ng pagkatuluyan ng pagpapaabot ng Marangal na Qur'ān?

Magsulat ng limang linya na nagbibigay-liwanag sa mga ito ng ginampanan ng mga Kasamahan (malugod si Allāh sa kanila) sa pagtipon ng Marangal na Qur'ān at pagkaingat nito kalakip ng pagpapahayag sa pagpapahalaga mo roon.

(3) Ang mga Pundasyon ng Tumpak na Pagbigkas ng Qur'ān

Ang mga Layong Pampamamalakad:

Inaasahan mula sa iyo, mahal kong estudyante, matapos ng araling ito na:

makapaglinaw ka ng ibig sabihin ng tajwīd (pagpapahusay) ng pagbigkas ng Marangal na Qur'ān;

makaalam ka sa kaibahan sa pagitan ng disonansiyang hayag at disonansiyang kubli;

makapagpakahulugan ka sa kahalagahan ng pagkaalam sa paghinto at pagsisimula sa pagbigkas;

makapagpatupad ka ng mga halimbawa ng paghinto at pagsisimula;

makapagsadamdamin ka ng panganib ng disonansiya sa pagbigkas ng Qur'ān.

Kinakailangan sa Muslim na bumigkas ng Marangal na Qur'ān sa isang tumpak ng pagbigkas. Naglagay nga ang mga maalam ng mga pundasyon at mga panuntunan para sa tumpak na pagbigkas, na kabilang sa pinakamahalaga sa mga ito ang sumusunod:

Ang mga Pundasyon ng Tumpak na Pagbigkas ng Qur'ān

Ang Pagsisigasig sa Pagpapahusay ng Pagbigkas

Ang Pangingilag Laban sa Pagkakasadlak sa disonansiya

Ang Pagsasaalang-alang sa Paghinto at Pagsisimula

A. Ang Pangingilag Laban sa Pagkakasadlak sa Maling Pagbigkas:

Ang disonansiya ay ang kamalian sa pagbigkas ng Marangal na Qur'ān. Ito ay nasa dalawang bahagi: ang disonansiyang hayag at ang disonansiyang kubli.

Ang Disonansiyang Hayag

Ang Pakahulugan Nito: Ito ay isang kamaliang nagaganap sa pagbigkas ng mga titik ng mga salitang Qur'āniko, nakasira man ito sa kahulugan o hindi nakasira.

Tinawag itong hayag dahil ito ay nakalantad, na nakikilahok ang mga tagabigkas at ang iba pa sa kanila sa pagkakaalam nito.

Ang Hatol Dito: Ang uring ito ay ipinagbawal. Nagkakasala ang tagabigkas kapag sinadya niya ang masadlak dito.

Kabilang sa mga halimbawa nito:

Ang pagpapatinig ng U sa T ng "an`amTA" sa sabi ni Allāh: "ṣirāṭa –lladhīna AN`AMTA `alayhim (ang landasin ng mga biniyayaan Mo,)" (Qur'ān 1:7) sapagkat ito ay isang kamaliang nakasisira sa kahulugan dahil ang T sa sandaling iyon ay naging TU (Ko) samantalang ito sa āyah ay TA (Mo).

Ang pagpapatinig ng U sa H ng lillāH sa sabi ni Allāh: "Alḥamdu LILLĀHI. (Ang papuri ay ukol kay Allāh.)" (Qur'ān 1:2) sa kabila na ito ay hindi nakasisira sa kahulugan subalit ito ay isang maliwanag na kamalian.

Ang Disonansiyang Kubli

Ang Pakahulugan Nito: Ito ay isang kamaliang nagaganap sa pamamaraan ng pagbigkas ng mga salita ng Qur'ān alinsunod sa mga tuntunin ng tajwīd samantalang hindi naman ito nakasisira sa kahulugan.

Ang Hatol Dito: Ang uring ito ay kinasusuklaman dahil sa pagsira nito sa karikitan ng pagbigkas at kagaraan nito.

Ang halimbawa niyon ay ang pagsasaisang-tabi sa ghunnah (tunog na pailong) o ang pagpapaikli ng mahabang patinig o ang pagbanat ng maikling patinig at ganito rin sa nalalabi sa mga patakaran ng tajwīd.

C. Ang Pagsisigasig sa Tajwīd ng Pagbigkas

Ang ibig sabihin ng tajwīd (pagpapahusay) ng pagbigkas ay na magbigay ang tagabigkas sa bawat titik ng karapatan nito at ng karapat-dapat dito na makhraj (labasan ng titik), ṣifah (katangian), ghunnah (tunog na pailong), tarqīq (pagpapanipis ng titik), tafkhīm (pagpapakapal ng titik), at iba pa roon na mga patakaran ng tajwīd;

o sa iba pang kahulugan: ang pagbigkas sa mga salitang pang-Qur'ān na umaayon sa pinakamahusay ng pagbigkas, ang pagbigkas ng Sugo ni Allāh (basbasan siya ni Allāh at pangalagaan). Ang layon niyon ay ang pangangalaga sa dila sa pagkakamali sa pagbigkas ng Marangal na Qur'ān.

Para matutuhan iyon at maipatupad iyon, nararapat ang makinig at ang bumigkas sa tulong ng isang gurong nagpakadalubhasa sa tajwīd ng Marangal na Qur'ān.

Nagpapayo kami sa iyo, kapatid kong mag-aaral, ng pagpapahalaga sa pakikinig sa mga Muṣḥaf na binibigkas ng mga tagabigkas na nagpakadalubhasa. Hinggil naman sa nairekord na pagbigkas ng mga imām sa sandali ng pagsasagawa ng ṣalāh, maaaring nagkukulang ito ng ilang kadalubhasaan.

C. Ang Pagsasaalang-alang sa Paghinto at Pagsisimula

Nararapat sa tagabigkas ng Qur'ān ang makaalam sa mga puwesto ng paghinto at pagsisimula sa pagbigkas nang sa gayon hindi siya titigil sa isang puwestong mauuwi sa isang kahulugang hindi tumpak. Ito ay nangangailangan ng pagkaintindi sa mga kahulugan ng mga āyah at pagkakaalam sa wikang Arabe.

Upang maipatupad ng tagabigkas ang paghinto at ang pagsisimula sa isang tumpak na paraan, kailangan sa kanya ang ilang bagay-bagay, na kabilang sa mga ito ang sumusunod:

Ang pagtigil sa katapusan ng mga āyah.

Ang hindi magpahiwalay ng mga sangkap ng iisang pangungusap. Kaya naman hindi magpapahiwalay sa pagitan ng simuno at panaguri o sa pagitan ng pandiwa at tagagawa nito o sa pagitan ng tagagawa at akusatibo at gayon nga. Halimbwa: ang magsabi ng: "ALḤAMDU... (Ang papuri...)" at tumigil sa sandali ng pagbigkas ng sabi ni Allāh: "ALḤAMDU LILLĀHI, (Ang papuri ay ukol kay Allāh,)" (Qur'ān 1:2)

Ang hindi magpahiwalay ng mga salitang magkakaugnay sa isa't isa. Halimbawa: ang pang-uri (ṣifah) at ang inuuri (mawṣūf) o ang inuugnay (muḍāf) at ang inuugnayan (muḍāf ilayhi). Halimbawa: ang magsabi ng: "ṢIRĀṬ (landasin)" at tumitigil sa sandali ng pagbigkas ng sabi ni Allāh: "ṢIRĀṬ –LLADHĪNA AN`AMTA `ALAYHIM. (ang landasin ng mga biniyayaan Mo.)" (Qur'ān 1:7)

Ang mag-ingat sa pagsisimula ng pagbigkas mula sa bahaging magpapaakala ng kasalungatan ng kahulugan. Halimbawa: ang magsimula sa pagsabi ng: "INNA –LLĀHA (tunay na si Allāh)" sa sabi ni Allāh: "LAQAD SAMI`A –LLĀHU QAWLA –LLADHĪNA QĀLŪ INNA –LLĀHA FAQĪRUN WA-NAḤNU AGHNIYĀ'U SA-NAKATUBU MĀ QĀLŪ... (Talaga ngang nakarinig si Allāh sa sabi ng mga nagsabi: "Tunay na si Allāh ay maralita samantalang kami ay mga mayaman." Magsusulat Kami ng sinabi nila...)" (Qur'ān 3:181)

Ang mag-ingat sa paghinto sa mga bahaging magpapaakala ng kasalungatan ng kahulugan. Halimbawa: ang paghinto sa salitang: "YASTAḤYĪ ()" sa sabi ni Allāh: "INNA –LLĀHA LĀ YASTAḤYĪ AN YAḌRIBA MATHALAM MĀ BA`ŪḌATAN FA-MĀ FAWQAHĀ, (Tunay na si Allāh ay hindi nahihiya na maglahad ng isang anumang paghahalintulad na isang lamok man saka anumang higit dito.)" (Qur'ān 2:26); o sa salitang: "YAHDĪ" sa sabi ni Allāh: "INNA –LLĀHA LĀ YAHDI –LQAWMA –Ḍ̆Ḍ̆ĀLIMĪN. (Tunay na si Allāh ay hindi nagpapatnubay sa mga taong tagalabag sa katarungan.)" (Qur'ān 5:51);

at iba pa roon kabilang sa mga pundasyon ng pagbigkas ng Qur'ān na nararapat sa Muslim ang magsaalang-alang sa mga ito upang mabigkas niya ang Marangal na Qur'ān sa tumpak na anyo at makaantig sa sarili niya at sa mga tagapakinig niya.

Ang mga Aktibidad

Aktibidad 1: Mag-uuri ako at magbibigay-katwiran ako.

Magbigay-liwanag ka sa uri ng disonansiya kalakip ng pagbibigay-katwiran sa sumusunod:

Ang Disonansiya: Ang Uri NIto at ang Pagbibigay-katwiran

Ang pag-iwan sa ghunnah ng nūn sa sabi ni Allāh: "MALIKI –NNĀS (na Hari ng mga tao,)" (Qur'ān 114:2)

[Ito ay disonansiyang] kubli

dahil ito ay kamalian sa tajwīd at hindi naman nakasisira sa kahulugan.

Ang pagbigkas ng A [sa halip na U] sa: "TUNKIḤŪ" sa sabi ni Allāh: "WA-LĀ TUNKIḤU –LMUSHRIKĪNA ḤATTĀ YU'MINŪ. (Huwag ninyong ipakasal [ang kababaihan ninyo] sa mga lalaking tagapagtambal hanggang sa sumampalataya sila.)" (Qur'ān 2:221) [Ito ay disonansiyang] hayag dahil ito nagpapaiba ng kahulugan ng āyah.

Ang pag-iwan sa pagpapahaba ng [huling A sa]: "ASSAMĀ' (langit)" sa sabi ni Allāh: "WA-SSAMĀ'I WA-ṬṬĀRIQ. (Sumpa man sa langit at sa tagapunta sa gabi.)" (Qur'ān 86:1)

[Ito ay disonansiyang] kubli

dahil ito ay kamalian sa tajwīd at hindi naman nakasisira sa kahulugan.

Aktibidad 2: Makikilahok ako at sasagot ako.

Sa pakikilahok sa mga kaklase mo, magsulat ka ng isang patakaran mula sa mga patakaran ng tajwīd kalakip ng paglalahad ng isang halimbawa rito mula sa naisasaulo mo.

Aktibidad 3: Magbubulay-bulay ako at magbibigay-liwanag ako.

Nagsabi si Allāh (napakataas Siya): {WA-QĀLATI –LYAHŪDU YADU –LLĀHi … GHULLAT ... BI-MĀ QĀLŪ BAL …(Nagsabi ang mga Hudyo: "Ang kamay ni Allāh ay nakakulyar." Makulyar nawa ang mga kamay nila at isinumpa sila dahil sa sinabi nila. Bagkus ang dalawang kamay Niya ay mga nakabukas; gumugugol Siya kung papaanong Niyang niloloob.)} (Qur'ān 5:64) Magbulay-bulay ka sa āyah, pagkatapos sumagot ka:

Magbigay-liwanag ka sa magandang paghinto sa āyah at pangit na paghinto.

Ang magandang paghinto sa sabi ni Allāh: "BI-MĀ QĀLŪ (dahil sa sinabi nila)" at ang pangit na paghinto sabi Niya: {"QĀLATI –LYAHŪDU ... (Nagsabi ang mga Hudyo)"}

Magbigay-liwanag ka sa magandang pagsisimula sa āyah at pangit na pagsisimula.

Ang magandang pagsisimula mula sa sabi ni Allāh: "GHULLAT (Makulyar nawa)" at ang pangit na pagsisimula mula sa sabi Niya: "YADU –LLĀHI (Ang kamay ni Allāh)."

Ang Pagtatasa (Assessment)

PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng maling pararila sa sumusunod:

Ang pagkakaalam sa paghinto at pagsisimula ay madali sa bawat tagabigkas. (X)

Sasapat ang pagkakaalam sa wikang Arabe para sa pagpapatupad ng mga patakaran ng tajwīd. (X)

Maaaring mag-iiba ang kahulugan ng āyah dahilan sa paghinto at pagsisimula. (✓)

PANUTO 2: Piliin ang tumpak na sagot mula sa nasa pagitan ng mga panaklong:

Ang pagpapakapal ng mga titik na pinanipis ay kabilang sa mga anyo ng disonansiyang:

(hayag - kubli - kulang).

Kabilang sa mga anyo ng disonansiyang hayag:

(ang pagsasanominatibo ng salitang akusatibo - ang pag-iwan ng ghunnah - ang pagpapaikli ng pinahabang patinig).

Bahagi ng pangit na pagtigil ang pagtigil sa:

(INNA –LLĀHA LĀ YAGHFIRU - INNA –LLĀHA LĀ YAḌ̆LIMU MITHQĀLA DHARRATIN - INNA –LLĀHA LĀ YUKHLIFU –LMI`ĀDA)

Ang hatol sa pananadya ng disonansiyang hayag sa pagbigkas ng Qur'ān ay:

(ang pagpayag - ang pagkasuklam - ang pagbabawal).

PANUTO 3: Ano ang kaparaanan sa bawat isa mula sa sumusunod:

ang tumpak na pagpapatupad ng mga patakaran ng tajwīd;

ang hindi pagkasadlak sa isang paghinto o isang pagsisimula na hindi nagpapaiba sa kahulugan ng āyah.

PANUTO 4: Sagutin ang dalawang sumusunod na tanong:

Papaano kang magpapakahulugan sa kahalagahan ng pagkaalam sa paghinto at pagsisimula sa pagbigkas?

Ano ang kaibahan sa pagitan ng disonansiyang hayag at disonansiyang kubli?

(4) Ang Sūrah Al-A`lā at ang Sūrah Al-Ghāshiyah

Mahal kong mag-aaral, inaasahan mula sa iyo matapos matuto ng araling ito na:

makapagpakahulugan ka ng mga āyah sa isang pinaiksing pagpapakahulugan;

makapaghambing ka sa pagitan ng kalagayan ng mga mananampalataya at kalagayan ng mga tagatangging-sumampalataya sa Araw ng Pagbangon;

makapagpaliwanag ka ng mahahangong katuturan mula sa mga āyah;

makapagdakila ka sa kakayahan ni Allāh (kaluwalhatian sa Kanya) sa paglikha ng Sansinukob;

makatanggap ka ng pangaral at makagagawa ka sa pamamagitan nito ng pagpapabusilak sa sarili mo.

Sūrah Al-A`lā (Qur'ān 87)

{1. Magluwalhati ka sa ngalan ng Panginoon mo, ang Pinakamataas, 2. na lumikha saka humubog, 3. na nagtakda saka nagpatnubay, 4. na nagpalabas ng pastulan, 5. saka gumawa Siya rito na yagit na nangingitim. 6. Magpapabigkas Kami sa iyo [ng Qur'ān] kaya hindi ka makalilimot, 7. maliban sa niloob ni Allāh. Tunay na Siya ay nakaaalam sa lantad at anumang nagkukubli. 8. Magpapadali Kami sa iyo para sa pinakamadali. 9. Kaya magpaalaala ka kung mapakikinabangan ang paalaala. 10. Magsasaalaala ang sinumang natatakot [kay Allāh] 11. at umiiwas dito ang pinakamalumbay, 12. na masusunog sa Apoy na pinakamalaki. 13. Pagkatapos hindi siya mamamatay roon at hindi mabubuhay. 14. Nagtagumpay nga ang sinumang nagpakabusilak [sa kasalanan] 15. at bumanggit sa ngalan ng Panginoon niya saka nagdasal. 16. Bagkus nagtatangi kayo ng buhay na pangmundo 17. samantalang ang Kabilang-buhay ay higit na mabuti at higit na nananatili. 18. Tunay na ito ay talagang nasa mga unang kalatas, 19. na mga kalatas nina Abraham at Moises.}

Ang Paglilinaw at ang Pakahulugan

Nagsisimula ang marangal na Sūrah sa pag-uutos ng pagpapawalang-kinalaman kay Allāh, ang Pinakamataas, at paglilinaw ng ilan sa mga aspeto ng kakayahan Niya sa paglikha sapagkat nagsabi Siya (napakataas Siya):

{1. Magluwalhati ka sa ngalan ng Panginoon mo, ang Pinakamataas,} Magpawalang-kapintasan ka sa kay Allāh (napakataas Siya) laban sa anumang hindi nababagay sa Kanya,

{2. na lumikha saka humubog,} na lumikha sa bawat bagay saka nagpaganda sa paglikha Niya,

{3. na nagtakda saka nagpatnubay,} na lumikha sa bawat bagay ayon sa panukat, pagkatapos nagpatnubay sa bawat nilikha sa naaangkop dito,

{4. na nagpalabas ng pastulan,} na nagpalabas ng halaman at pinapastulan ng mga hayop.

Pagkatapos nagpatiwasay si Allāh (napakataas Siya) sa Propeta Niyang si Muḥammad (basbasan Niya ito at pangalagaan) sa pamamagitan ng pag-iingat ng Qur'ān sa puso nito at nag-utos Siya (napakataas Siya) dito ng pagpapatuloy ng pagpapaalaala sa mga tao at pangangaral sa kanila, saka nagsabi Siya (napakataas Siya):

5. saka gumawa Siya rito na yagit na nangingitim. Gumawa siya sa halaman na maging durog na natuyo matapos ng pagkaluntian nito. {6. Magpapabigkas Kami sa iyo [ng Qur'ān] kaya hindi ka makalilimot,} Ibig sabihin: hindi ka makalilimot sa ikinasi Namin sa iyo.

{maliban sa niloob} Ito ay isang pagpapasubali na tinutukoy rito ang kakayahan ni Allāh sa paggawa ng anumang niloloob Niya.

{7. Tunay na Siya ay nakaaalam sa lantad at anumang nagkukubli.} Nakaaalam sa ipinahahayag ng nilikha na mga ginagawa at mga sinasabi at anumang kabilang sa mga ito.

{8. Magpapadali Kami sa iyo para sa pinakamadali.} Magtutuon Kami sa iyo sa pinakamagaang daan.

{9. Kaya magpaalaala ka kung magpapakinabang ang paalaala.} Mamalagi ka sa pagpapaalaala at pangangaral hanggat ang paalaala ay naririnig.

{10. Magsasaalaala ang sinumang natatakot [kay Allāh]} Tatanggap ng ipinaaalaala ang sinumang nakaaalam sa halaga ni Allāh at natatakot sa Kanya.

{11. at umiiwas dito ang pinakamalumbay,} Walang iiwas sa ipinaaalaala kundi ang malumbay.

{13. Pagkatapos hindi siya mamamatay roon at hindi mabubuhay.} Mananatili siya bilang tagapamalagi sa Impiyerno.

{14. Nagtagumpay nga ang sinumang nagpakabusilak [sa kasalanan]} Magtatagumpay nang totohanan ang sinumang nagpakadalisay mula sa mga pagsuway at mga kasalanan ng puso.

{15. at bumanggit sa ngalan ng Panginoon niya saka nagdasal.} Nag-ugnay Siya sa pagbubusilak sa paggawa ng pagsamba at pagkapit sa utos na pambatas.

{18. Tunay na ito ay talagang nasa mga unang kalatas,} Ito ay ang pinababa ng mga kasulatan at mga pasugong sinauna.

{19. na mga kalatas nina Abraham at Moises.} Ibig sabihin: ang mga kalatas ni Abraham at ang Torah ni Moises (sumakanilang dalawa ang pangangalaga).

Sūrah Al-Ghāshiyah (Qur'ān 88)

{1. Nakarating ba sa iyo ang sanaysay ng Tagalukob? 2. May mga mukha sa Araw na iyon na nagpapakataimtim, 3. na gumagawa, na nagpapakapagal, 4. na masusunog sa isang apoy na napakainit, 5. na paiinumin mula sa isang bukal na pagkainit-init. 6. Wala silang pagkain maliban sa mula sa isang matinik na halaman, 7. na hindi nagpapataba at hindi nakatutugon sa gutom. 8. May mga mukha sa Araw na iyon na nagiginhawahan, 9. na dahil sa pinagpunyagian ng mga ito ay nalulugod, 10. sa isang harding mataas, 11. na hindi sila makaririnig doon ng isang satsat. 12. Doon ay may bukal na dumadaloy. 13. Doon ay may mga kamang nakaangat, 14. may mga kopang nakalagay, 15. may mga almohadon na nakahanay,16. at mga alpombrang ikinalat. 17. Kaya hindi ba sila tumitingin sa mga kamelyo kung papaanong nilikha ang mga ito, 18. at sa langit kung papaanong inangat ito, 19. at sa mga bundok kung papaanong itinirik ang mga ito, 20. at sa lupa kung papaanong inilatag ito? 21. Kaya magpaalaala ka; ikaw ay isang tagapagpaalaala lamang. 22. Hindi ka sa kanila isang tagapanaig. 23. Ngunit ang sinumang tumalikod at tumangging sumampalataya 24. ay pagdurusahin siya ni Allāh ng pagdurusang pinakamalaki. 25. Tunay na tungo sa Amin ang pag-uwi nila. 26. Pagkatapos tunay na sa Amin ang pagtutuos sa kanila.}

Ang Paglilinaw at ang Pakahulugan

Naglalarawan ang marangal na sūrah na ito ng kalagayan ng mga tagatangging-sumampalataya at mga mananampalataya sa Araw ng Pagbangon sapagkat nagsasabi Siya (napakataas Siya):

{1. Nakarating ba sa iyo ang sanaysay ng Tagalukob?} Nakarating ba sa iyo, O Sugo, ang sanaysay ng Pagbangon [ng mga patay] na lulukob sa nilikha ng mga hilakbot nito?

{2. May mga mukha sa Araw na iyon na nagpapakataimtim, 3. na gumagawa, na nagpapakapagal,} May mga mukha sa Araw na iyon na magiging hamak na sa mga ito ay mga tanda ng hirap at pagod.

{4. na masusunog sa isang apoy na napakainit,} May tatama sa mga ito na isang apoy na matindi ang pagsunog.

{5. na paiinumin mula sa isang bukal na pagkainit-init.} Iinom sila mula sa daluyan ng mga tubig na matindi ang pagkainit.

{6. Wala silang pagkain maliban sa mula sa isang matinik na halaman,} Ang pagkain nila ay ang mga tinik, wala nang iba pa.

{7. na hindi nagpapataba at hindi nakatutugon sa gutom.} na hindi nakahahadlang sa pagkagutom nila at hindi lumilitaw ang epekto nito sa mga katawan nila.

{8. May mga mukha sa Araw na iyon na nagiginhawahan, 9. na dahil sa pinagpunyagian ng mga ito ay nalulugod,} May mga mukha sa Araw na iyon na sa mga ito ay may mga bakas ng kaginhawahan, na nalulugod sa ginawa nila sa Mundo na pagtalima.

{10. sa isang harding mataas, 11. na hindi sila makaririnig doon ng isang satsat.} Sa isang harding mataas ang tirahan, na hindi makaririnig doon ng isang kabulaanan sa sinasabi.

{12. Doon ay may bukal na dumadaloy. 13. Doon ay may mga kamang nakaangat, 14. may mga kopang nakalagay,} Doon ay may mga ilog na dumadaloy, mga kamang mataas, at mga kopang inihanda para sa kanila.

{15. may mga almohadon na nakahanay, 16. at mga alpombrang ikinalat.} Doon ay mga unan na nakahanay at mga karpet sa lapag.

Pagkatapos nagpapaalaala sa atin si Allāh (napakataas Siya) ng mga katunayan ng paglikha Niya at nag-uutos Siya sa Propeta Niyang si Muḥammad (basbasan Niya ito at pangalagaan) ng pag-aanyaya at pagpapaalaala sa mga tao hinggil sa Panginoon nila sapagkat nagsasabi Siya (napakataas Siya):

{17. Kaya hindi ba sila tumitingin sa mga kamelyo kung papaanong nilikha ang mga ito, 18. at sa langit kung papaanong iniangat ito,} Kaya hindi ba sila nagpapagana ng mga isip nila upang magbulay-bulay sila sa pagkalikha sa mga kamelyo at pagkaangat ng mga langit at na ang mga ito ay isang patunay sa Tagalikha (kaluwalhatian sa Kanya),

{19. at sa mga bundok kung papaanong itinirik ang mga ito, 20. at sa lupa kung papaanong inilatag ito?} kung papaanong itinirik ang mga bundok at ang anumang nasa mga ito na karingalan at karikitan, at kung papaanong inilatag ang lupa at inihanda para sa paninirahan, pagsasaka at iba pa sa mga ito.

{21. Kaya magpaalaala ka; ikaw ay isang tagapagpaalaala lamang.} Kaya magpaalaala ka sa pamamagitan ng Qur'ān sapagkat ito ay mensahe mo para sa mga nilalang.

{22. Hindi ka sa kanila isang tagapanaig.} Hindi ukol sa iyo na mamilit ka ng isa man sa pagsampalataya.

{25. Tunay na tungo sa Amin ang pag-uwi nila. 26. Pagkatapos tunay na sa Amin ang pagtutuos sa kanila.} Tunay na sa Amin ang pagbabalik nila upang makipagtuos Kami sa kanila sa [mga gawang] ipinaunan nila.

Ang mga Katuturan at ang mga Paghinuha

Si Allāh ay ang nagtataglay ng pagpapadali ng mga kadahilanan at kapatnubayan sa mga tao para naaangkop sa kanila.

Ang Aklat ni Allāh (napakataas Siya) ay pinag-iingatan laban sa pagpapalit at pagpapaiba.

Ang pagbubusilak ay landas ng tagumpay sa Kabilang-buhay at ito ay sinasamahan ng paggawa ng pagsamba at pagsunod sa utos ng Batas ng Islām.

Ang Araw ng Pagbangon ay isang araw na magbubunyag sa mga kalagayan ng mga tao sa Mundo mula sa pagtalima at pagsuway at pananampalataya at kawalang-pananampalataya.

Ang pag-aanyaya sa pamamagitan ng magandang pangaral ay kabilang sa mga kalakaran (sunnah) ng mga propeta at landas para sa pagsasaayos sa mga tao.

Ang pag-iisip-isip sa pagkakalikha ni Allāh (napakataas Siya) ay isang kaparaanan para sa pagsasaalang-alang at pagkakaalam sa karingalan ni Allāh at karikitan Niya sa bawat nasasaksihan.

Ang mga Aktibidad

Aktibidad 1: Mag-uugnay ako ng isang ḥadīth at isang āyah.

Ibigay mula sa Sūrah Al-A`lā ang mga āyah na umaayon sa mga ḥadīth na nasasaad sa sumusunod na talahanayan gaya ng sa halimbawa.

Ang Ḥadīth Ang Āyah

Nagsabi ang Propeta (basbasan siya ni Allāh at pangalagaan): "Hindi matitigil ang dila mo na basa dahil sa pag-alaala kay Allāh." Nagsalaysay nito si Imām At-Tirmidhīy: 3375 at Imām Ibnu Mājah: 3793. {1. Magluwalhati ka sa ngalan ng Panginoon mo, ang Pinakamataas,}

Nagsabi ang Propeta (basbasan siya ni Allāh at pangalagaan): "Tunay na ang kauna-unahan sa gawaing tutuusin dahil dito ang tao sa Araw ng Pagbangon mula sa gawain niya ay ang pagdarasal niya. Kapag umayos ito, nagtagumpay at pumasa nga siya;..." Nagsalaysay nito sina Imām Abū Dāwud: 864, Imām At-Tirmidhīy: 413, at Imām An-Nasā'īy: 465. {14. Nagtagumpay nga ang sinumang nagpakabusilak [sa kasalanan] 15. at bumanggit sa ngalan ng Panginoon niya saka nagdasal.}

Nagsabi ang Negus: "Tunay na ito – ang Qur'ān – at ang inihatid ni Moises ay talagang lumalabas mula sa iisang lampara." Ibig sabihin: mula sa iisang pinagmulan. Nagsalaysay nito si Imām Aḥmad: 22498. {18. Tunay na ito ay talagang nasa mga unang kalatas, 19. na mga kalatas nina Abraham at Moises.}

Aktibidad 2: Magsasagawa ako ng pagtatasa (assessment) sa kamalian.

Basahin ang marangal na āyah, pagkatapos magsagawa ka ng pagtatasa sa kamalian sa mga pararila na sumusunod dito:

Nagsasabi si Allāh (napakataas Siya): {Mag-anyaya ka tungo sa landas ng Panginoon mo sa pamamagitan ng karunungan at pangaral na maganda, at makipagtalo ka sa kanila ayon sa siyang pinakamaganda. Tunay na ang Panginoon mo ay higit na maalam sa sinumang naligaw palayo sa landas Niya. Siya ay higit na maalam sa mga napatnubayan.} (Qur'ān 16:125)

Basahin ang marangal na āyah, pagkatapos magsagawa ka ng pagtatasa sa kamalian sa mga pararila na sumusunod dito:

May isang taong nag-aanyaya sa mga tao sa pagdarasal sa isang magaspang na mabagsik na paraan.

May isang taong nag-aanyaya sa mga maralita sa pagkakawanggawa at nag-aanyaya naman sa mga mayaman sa pagpapasarap sa kamunduhan.

May isang taong nagsisigasig sa pagwawagi sa bawat diskusyon.

May isang taong hindi nagpapayo sa mga tao at hindi nag-aanyaya sa kanila sa paggawa ng kabutihan.

Ang Pagtatasa (Assessment)

Ang papel ng mga dā`iyah (tagapag-anyaya) ay ang mangaral sa mga tao at mamilit sa kanila sa Islām. () PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng pararilang hindi tumpak:

Ang pagtugon sa payo ay isang patunay sa pangingilag magkasala kay Allāh (napakataas Siya). ()

Ang kadakilaan ng nilikha ay nagpapatunay sa kadakilaan ng Tagalikha. ()

Ang tagatangging-sumampalataya ay walang pagkain at walang inumin sa Impiyerno. ()

Nagsisikap ang mananampalataya sa para sa pagbubusilak ng sarili niya at pagsasaayos ng mga kaasalan niya.

PANUTO 2: Isulat ang mga āyah na nagpapatunay sa mga sumusunod na parirala:

Hindi makaririnig ang mananampalataya sa Paraiso kundi ng kaaya-ayang pananalita.

Si Allāh (napakataas Siya) ay nagtutuon sa Propeta Niya (basbasan Niya ito at pangalagaan) tungo sa pinatuwid sa mga daan.

Nag-iimbot ang mga tao ng mga ipinagbabawal na natatamasa sa Mundo samantalang ang nasa ganang kay Allāh ay higit na mabuti at higit na mamamalagi.

PANUTO 3: Magbigay-linaw ka sa mga sumusunod na āyah:

{2. na lumikha saka humubog, 3. na nagtakda saka nagpatnubay,}

{14. Nagtagumpay nga ang sinumang nagpakabusilak [sa kasalanan] 15. at bumanggit sa ngalan ng Panginoon niya saka nagdasal.}

{8. May mga mukha sa Araw na iyon na nagiginhawahan, 9. na dahil sa pinagpunyagian ng mga ito ay nalulugod,}

{21. Kaya magpaalaala ka; ikaw ay isang tagapagpaalaala lamang. 22. Hindi ka sa kanila isang tagapanaig.}

PANUTO 4: Maghambing ka sa kalagayan ng mga mananampalataya at mga tagatangging-sumampalataya sa Araw ng Pagbangon.

PANUTO 5: Ang pagtanggap ng payo at pangaral ay may kaaya-ayang epekto sa Mundo at Kabilang-buhay. Ipaliwanag mo iyon ayon sa liwanag ng natutuhan mo sa aralin.

PANUTO 6: Magbigay-linaw ng dalawang katuturan mula sa natutuhan mo sa mga āyah.

(5) Ang Sūrah Al-Fajr (Qur'ān 89) at ang Sūrah Al-Balad (Qur'ān 90)

Ang mga Layon

Mahal kong mag-aaral, inaasahan mula sa iyo matapos matuto ng araling ito na:

makapagpakahulugan ka ng mga āyah sa isang pinaiksing pagpapakahulugan;

makapaghulo ka ng lipunang Muslim kung paanong nailarawan iyon ng Sūrah Al-Fajr;

makapagbigay-liwanag ka ng mahahangong katuturan mula sa mga āyah;

makapag-anyaya ka tungo sa paggugol sa landas ni Allāh sa oras ng mga kalamidad;

makadama ka ng pagmamalaki sa mga katuruan ng Islām at pag-aaruga nito sa mga mahina.

Sūrah Al-Fajr (Qur'ān 89)

{1. Sumpa man sa madaling-araw, 2. sumpa man sa Sampung Gabi, 3. sumpa man sa tukol at gansal, 4. sumpa man sa gabi kapag naglalakbay ito; [talagang gagantihan nga kayo.] 5. Sa gayon kaya ay may panunumpa para sa may pang-unawa? 6. Hindi mo ba napag-alaman kung papaano ang ginawa ng Panginoon mo sa [liping] `Ād, 7. na [lipi ni] Iram na may mga haligi, 8. na hindi nilikha ang tulad ng mga iyon sa bayan; 9. at sa [liping] Thamūd na pumutol ng mga malaking bato sa lambak; 10. at kay Paraon na may mga tulos? 11. [Silang lahat ay] ang mga nagmalabis sa bayan, 12. saka nagparami sila sa mga iyon ng katiwalian, 13. kaya nagbuhos sa kanila ang Panginoon mo ng isang hagupit ng pagdurusa. 14. Tunay na ang Panginoon mo ay talagang nasa pantambang. 15. Kaya hinggil naman sa tao, kapag sumubok dito ang Panginoon nito saka nagparangal Siya rito at nagpaginhawa Siya rito, nagsasabi ito: "Ang Panginoon ko ay nagparangal sa akin." 16. Hinggil naman sa kapag sumubok Siya rito saka naghigpit Siya rito sa panustos dito, nagsasabi ito: "Ang Panginoon ko ay humamak sa akin."17. Aba'y hindi! Bagkus hindi kayo nagpaparangal sa ulila 18. at hindi kayo naghihimukan sa pagpapakain sa dukha. 19. Kumakain kayo ng pamana nang pagkaing masidhi. 20. Umiibig kayo sa yaman nang pag-ibig na labis. 21. Aba'y hindi! Kapag dinurog ang lupa nang durog na durog, 22. at dumating ang Panginoon mo at ang mga anghel nang hanay-hanay, 23. at ihahatid sa Araw na iyon ang Impiyerno. Sa Araw na iyon ay magsasaalaala ang tao, at paano ukol sa kanya ang paalaala? 24. Magsasabi siya: "O kung sana ako ay nagpauna [ng kabutihan] para sa buhay ko." 25. Kaya sa araw na iyon ay walang magpaparusa ng pagdurusang dulot Niya na isa man 26. at walang gagapos ng paggapos Niya na isa man. 27. "O kaluluwang napapanatag, 28. bumalik ka sa Panginoon mo nang nalulugod na kinalulugdan, 29. saka pumasok ka sa mga lingkod Ko, 30. at pumasok ka sa Paraiso Ko."

Ang Paglilinaw at ang Pakahulugan

Nagsisimula ang marangal na sūrah sa panunumpa ni Allāh (napakataas Siya) sa limang dakilang bagay. Ang mga ito ay may mga katuturang panrelihiyon at pangmundo na kapita-pitagan. Nagpapatunay ang mga ito sa kalubusan ng kakayahan ni Allāh (kamahal-mahalan Siya at kapita-pitagan) sapagkat nagsabi Siya (kaluwalhatian sa Kanya):

{1. Sumpa man sa madaling-araw, 2. sumpa man sa Sampung Gabi,} Sumusumpa ang Panginoon natin sa pagsikat ng madaling-araw at sa sampung unang araw ng buwan ng Dhulḥijjah.

{3. sumpa man sa tukol at gansal, 4. sumpa man sa gabi kapag naglalakbay ito; [talagang gagantihan nga kayo.]} [Sumumpa rin Siya] sa bawat pares at bawat namumukod-tangi at sa kasanhian Niya sa pag-inog ng gabi.

{5. Sa gayon kaya ay may panunumpa para sa may pang-unawa?} Harinawa ang panunumpang ito ay makahikayat sa mga may isip kabilang sa mga mamayan ng Makkah at iba pa sa kanila para sumampalataya sila kay Allāh (napakataas Siya) nang sa gayon hindi sila masalang sa pagdurusa tulad ng ilan sa mga pangkat ng mga tao bago nila.

Pagkatapos bumanggit Siya (kaluwalhatian sa Kanya) ng mga halimbawa ng pinababa Niya na pagdurusa sa mga pangkat ng mga tao na nagpasinungaling bago nila sapagkat nagsabi Siya (napakataas Siya):

{6. Hindi mo ba napag-alaman kung papaano ang ginawa ng Panginoon mo sa [liping] `Ād,} Tumingin ka kung papaano nagpahamak si Allāh sa lipi ng `Ād matapos na nagpasinungaling sila sa propeta ni Allāh na si Hūd.

{7. na [lipi ni] Iram na may mga haligi,} Ang Iram ay pangalan ng lipi ng `Ād, na namukod sa nalalabi sa mga tao dahil sa lakas ng mga katawan at kadambuhalaan ng mga estruktura.

{9. at sa [liping] Thamūd na pumutol ng mga malaking bato sa lambak;} Ang Thamūd ay lipi ng propeta ni Allāh na si Ṣāliḥ, na pumuputol noon ng mga malaking bato at gumagawa mula sa mga ito ng mga bahay para sa paninirahan.

{10. at kay Paraon na may mga tulos?} Si Paraon ay hari ng Ehipto, na nagmay-ari ng mga kasangkapan ng paghahari gaya ng mga sundalo at lakas.

{11. [Silang lahat ay] ang mga nagmalabis sa bayan, 12. saka nagparami sila sa mga iyon ng katiwalian,} Nagpakamaniniil sila sa lupain at nanira sila dito dahil sa kawalang-pananampalataya nila kay Allāh at kawalang-katarungan nila sa mga tao.

{13. kaya nagbuhos sa kanila ang Panginoon mo ng isang hagupit ng pagdurusa. 14. Tunay na ang Panginoon mo ay talagang nasa pantambang.} Kaya nagpababa si Allāh (napakataas Siya) sa kanila sa Mundo ng isang matinding pasakit sapagkat si Allāh (kaluwalhatian sa Kanya) ay nagmamatyag sa mga gawain ng kabutihan at kasamaan at gumaganti sa mga ito at walang nakawawaglit sa Kanya na anuman.

Yayamang ang mga kalipunang ito ay mga tagapagtaglay ng mga biyaya, kasaganahan, at lakas, naglinaw ang mga āyah na ang mga biyayang ito ay hindi patunay sa pagkalugod ni Allāh sa kanila sapagkat nagsabi Siya (napakataas Siya):

{15. Kaya hinggil naman sa tao, kapag sumubok dito ang Panginoon nito saka nagparangal Siya rito at nagpaginhawa Siya rito, nagsasabi ito: "Ang Panginoon ko ay nagparangal sa akin."} Kaya ang kalikasan ng tao ay na siya, kapag sumubok sa kanya ang Panginoon niya sa pamamagitan ng biyaya at kaāyahan ng buhay, ay nagpapalagay na ito ay isang parangal na naging karapat-dapat siya rito at nagsasabi: "Ang Panginoon ko ay nagparangal sa akin."

{16. Hinggil naman sa kapag sumubok Siya rito saka naghigpit Siya rito sa panustos dito, nagsasabi ito: "Ang Panginoon ko ay humamak sa akin."} Kapag sumubok sa kanya si Allāh kaya naman ginipit siya sa panustos, nagpapalagay siya na iyon ay isang panghahamak mula kay Allāh sa lingkod nito kaya nagsasabi siya: "Ang Panginoon ko ay humamak sa akin."

{17. Aba'y hindi! Bagkus hindi kayo nagpaparangal sa ulila 18. at hindi kayo naghihimukan sa pagpapakain sa dukha.} Ang usapin ay hindi ganoon; bagkus ang pagpaparangal ay sa pagtalima kay Allāh at ang panghahamak ay sa pagsuway sa Kanya. Hindi kayo nagpaparangal sa ulila, ang batang namatayan ng ama at hindi nag-uudyok ang isa't isa sa inyo sa pagpapakain sa maralitang nangangailangan.

{19. Kumakain kayo ng pamana nang pagkaing masidhi. 20. Umiibig kayo sa yaman nang pag-ibig na labis.} Ang panghahamak, gayon din, ay sa pagkain ng mana nang walang karapatan at ang pagkahumaling na matindi sa yaman kaya hindi kayo gumugugol mula rito ng anuman sa landas ni Allāh.

Matapos na bumanggit ang mga āyah ng ilan sa mga pangit na gawain nila sa Mundo, bumanggit ang mga ito ng magiging mga kalagayan nila sa Araw ng Pagbangon.

{21. Aba'y hindi! Kapag dinurog ang lupa nang durog na durog,} Hindi nararapat na ito ay maging gawain ninyo. Alalahanin ninyo kapag sumapit ang Araw ng Pagbangon at niyanig ang lupa sa isang matinding pagyanig hanggang sa mawasak ang lahat ng narito.

{22. at dumating ang Panginoon mo at ang mga anghel nang hanay-hanay,} Darating ang Panginoon mo, O Sugo, para magpasya sa pagitan ng mga lingkod Niya, at darating ang mga anghel sa mga hanay.

{23. at ihahatid sa Araw na iyon ang Impiyerno. Sa Araw na iyon ay magsasaalaala ang tao, at paano ukol sa kanya ang paalaala? 24. Magsasabi siya: "O kung sana ako ay nagpauna [ng kabutihan] para sa buhay ko."} Ihahatid ang Impiyerno bilang parusa sa mga tagatangging-sumampalataya. Sa sandaling iyon ay magsasaalaala ang tao sa pagpapabaya niya at pagkukulang niya. Hindi magdudulot ng katuturan sa kanya ang pagbalik sa katotohanan sa oras na iyon. Magmimithi siya na kung sana nagpauna siya ng mga mabuting gawain habang nasa Mundo, na magpapakinabang sa kanya sa natitirang buhay niya sa Kabilang-buhay.

{25. Kaya sa araw na iyon ay walang magpaparusa ng pagdurusang dulot Niya na isa man 26. at walang gagapos ng paggapos Niya na isa man.} Kaya sa araw na iyon ay walang makakakayang isa man na magparusa ng tulad sa pagpaparusa ni Allāh sa mga tagasuway, walang makagagawang isa man na gumapos ng tulad ng paggapos ni Allāh, at walang makaabot na isa man sa maaabot Niya roon.

Matapos na bumanggit si Allāh ng ganti sa mga tagatangging-sumampalataya, bumanggit Siya ng ganti sa mga mananampalataya sapagkat nagsabi Siya (napakataas Siya):

{27. "O kaluluwang napapanatag, 28. bumalik ka sa Panginoon mo nang nalulugod na kinalulugdan, 29. saka pumasok ka sa mga lingkod Ko, 30. at pumasok ka sa Paraiso Ko."} Darating ang parangal para sa mga mananampalatayang tumalima sa panawagan ni Allāh (napakataas Siya) sa kanila: "O kaluluwang napapanatag sa pagtalima, na pinarangalan laban sa mga panghahamak, bumalik ka kay Allāh nang nalulugod na kinalulugdan sa Paraiso ng Kaginhawahan."

Sūrah Al-Balad (Qur'ān 90)

{1. Talagang sumusumpa Ako sa bayang ito 2. habang ikaw ay napahihintulutan sa bayang ito. 3. Sumpa man sa isang nag-anak at sa inanak niya, 4. talaga ngang lumikha Kami sa tao sa isang pagpapakahirap. 5. Nag-aakala ba siya na walang nakakakaya sa kanya na isa man? 6. Magsasabi siya: "Umubos ako ng isang tambak na yaman." 7. Nag-aakala ba siya na walang nakakita sa kanya na isa man? 8. Hindi ba Kami gumawa para sa kanya ng dalawang mata, 9. isang dila, at dalawang labi? 10. Nagpatnubay Kami sa kanya sa dalawang daanan. 11. Ngunit hindi kasi siya sumugod sa matarik na daan. 12. Ano ang nagpabatid sa iyo kung ano ang matarik na daan? 13. [Ito ay] isang pagpapalaya sa isang alipin, 14. o pagpapakain sa isang araw na may taggutom15. sa isang ulilang may pagkakamag-anak 16. o sa isang dukhang may paghihikahos. 17. Pagkatapos naging kabilang siya sa mga sumampalataya at nagtagubilinan ng pagtitiis at nagtagubilinan ng pagkaawa. 18. Ang mga iyon ay ang mga kasamahan sa dakong kanan. 19. Ang mga tumangging sumampalataya sa tanda Namin ay ang mga kasamahan sa dakong kaliwa. 20. Sa ibabaw nila ay may apoy na nakataklob.}

Ang Paglilinaw at ang Pakahulugan

Tumatalakay ang marangal na sūrah ng ipinagdudurusa ng tao sa Mundong ito na mga kapaguran at na kailangan sa kanya ang mag-iwan ng daan ng kasamaan at ang maghanap ng daan ng kabutihan at pananampalataya. Nagsisimula ang sūrah sa panunumpa sa ilang bagay bilang pagpaparangal sa mga ito sapagkat nagsabi Siya (napakataas Siya):

{1. Talagang sumusumpa Ako sa bayang ito} Ang tinutukoy ay ang Bayang Pinakababanal, ibig sabihin: ang Pinarangalang Makkah.

{2. habang ikaw ay napahihintulutan sa bayang ito.} Habang ikaw ay residente ng Bayang Pinakababanal.

{3. Sumpa man sa isang nag-anak at sa inanak niya,} Ibig sabihin: si Adan (sumakanya ang pangangalaga) at ang ipinanganak mula sa supling niya.

{4. talaga ngang lumikha Kami sa tao sa isang pagpapakahirap.} Lumikha Kami sa tao sa isang pakikipagpunyagian sa sarili niya at hirap sa buhay niya.

{5. Nag-aakala ba siya na walang nakakakaya sa kanya na isa man?} Nagpapalagay ba ang tao na si Allāh ay hindi makakakaya sa kanya at hindi makikipagtuos sa kanya sa pagsuway niya?

{6. Magsasabi siya: "Umubos ako ng isang tambak na yaman."} 6. Magsasabi siya: "Umubos ako ng maraming yaman.

{7. Nag-aakala ba siya na walang nakakita sa kanya na isa man?} Nagpapalagay ba siya na si Allāh ay hindi nakakikita sa kanya at hindi nagmamasid sa mga gawain niya at hindi gaganti sa mga ito?

{8. Hindi ba Kami gumawa para sa kanya ng dalawang mata, 9. isang dila, at dalawang labi? 10. Nagpatnubay Kami sa kanya sa dalawang daanan.} Nagpakilala Kami sa kanya sa daan ng kabutihan at daan ng kabulaanan.

{11. Ngunit hindi kasi siya sumugod sa matarik na daan.} Ngunit bakit hindi siya lumampas sa matarik na daan at pahirap na makikita niya sa Kabilang-buhay.

{12. Ano ang nagpabatid sa iyo kung ano ang matarik na daan?} Ano ang nagpaalam sa iyo, O Sugo, tungkol sa matarik na daang ito at sa paraan ng paglampas dito?

Pagkatapos ipinaliwanag ng mga āyah ang mga gawain na nakatutulong sa paglampas sa matarik na daan ng Kabilang-buhay at pagtamo ng Paraiso sapagkat nagsabi Siya (napakataas Siya):

{13. [Ito ay] isang pagpapalaya sa isang alipin, 14. o pagpapakain sa isang araw na may taggutom} [Ito ay] pagpapalaya sa isang alipin mula sa pagkaalipin o pagpapakain sa mga oras ng kalamidad at mga kagutom

{15. sa isang ulilang may pagkakamag-anak 16. o sa isang dukhang may paghihikahos.} sa isang ulilang kabilang sa mga kamag-anak o sa isang dukhang matindi ang pangangailangan.

{17. Pagkatapos naging kabilang siya sa mga sumampalataya at nagtagubilinan ng pagtitiis at nagtagubilinan ng pagkaawa.} Siya noon ay kabilang sa mga sumampalataya na nagtagubilinan ng pagtitiis at pag-aawaan sa mga tao.

{18. Ang mga iyon ay ang mga kasamahan sa dakong kanan.} Ang mga tagapagtaglay ng mga katangiang ito ay ang mga maninirahan sa Paraiso, na mga tatanggap ng talaan nila sa pamamagitan ng kanang kamay nila.

{19. Ang mga tumangging sumampalataya sa tanda Namin ay ang mga kasamahan sa dakong kaliwa. 20. Sa ibabaw nila ay may apoy na nakataklob.} Ang mga tumangging sumampalataya ay ang mga kasamahan ng kaliwa na mga malumbay. Ang ganti sa kanila ay apoy na ipinatong sa kanila sa Araw ng Pagbangon.

Ang mga Katuturan at ang mga Paghinuha

Sumusumpa si Allāh (napakataas Siya) sa anumang niloob niya mula sa nilikha Niya ayon sa paraan ng pagdakila at pagpaparangal.

Gumawa si Allāh (kaluwalhatian sa Kanya) sa pagpapahamak ng mga maniniil at mga mapagmalaki bilang tanda para sa mga tao upang makaalam sila na ang lakas ay kay Allāh sa kalahatan.

Ang pagpaparangal sa ganang kay Allāh ay hindi sa dami ng mga biyaya bagkus sa pagkakatuon sa paggawa ng mga pagtalima.

Ang pagbabalik-loob at ang pagsisisi ay hindi magpapakinabang sa tao sa Kabilang-buhay kaya kailangan sa kanya na magdali-dali sa mga ito sa Mundo.

Ang dangal ng Makkah Mukarramah at ang pagdakila sa Bahay [ni Allāh] na Pinakababanal.

Kailangan sa tao ang magpagod at ang makipagpunyagian nang sa gayon mabuhay siya nang marangal sa Mundo at magsakatotohanan ng pagpapakatuwid hanggang sa makalampas siya sa mga matarik na daan ng Kabilang-buhay.

Ang kainaman ng paggugol ng yaman at ang epekto nito sa kaligtasan sa Araw ng Pagbangon.

Ang mga Aktibidad

Aktibidad 1: Gagawa ako at magsisikap ako.

Bumanggit ang Propeta (basbasan siya ni Allāh at pangalagaan) sa sampung unang araw ng buwan ng Dhulḥijjah na sumumpa si Allāh sa mga ito sapagkat nagsabi siya (basbasan siya ni Allāh at pangalagaan): "Walang anumang mga araw na ang maayos na gawa sa mga iyon ay higit na kaibig-ibig kay Allāh kaysa sa sampung araw na ito." Nagsalaysay nito si Imām Al-Bukhārīy: 969.

Magtakda ka ng lima sa mga gawaing maayos na maaari ang pagsasagawa ng mga ito sa sampung araw na ito.

Aktibidad 2: Magbubukod ako.

Magturo ka sa pamamagitan ng panulat mo sa mga katangian na binanggit ng Sūrah Al-Fajr para sa lipunang Muslim:

(ang pagpaparangal sa ulila - ang pagpapakain sa dukha - ang pagtupad sa mga tungkulin - ang pagsisigasig sa yaman - ang pagpapasalamat sa biyaya sa pamamagitan ng gawa).

Ipaliwanag mo ang mga bunga ng mga kaaya-ayang katangiang ito ayon sa liwanag ng sabi ng Propeta (basbasan siya ni Allāh at pangalagaan): "Hindi ba kayo inaadya at tinutustusan malibang dahil sa mahihina sa inyo?" Nagsalaysay nito si Imām Al-Bukhārīy: 2896.

Aktibidad 2: Mag-uugnay ako at maghuhulo ako:

Sa epidemya ng Corona Virus, tumawag-pansin ang mga nagmamalasakit tungo sa mga katuruan ng Islām sa pagharap sa mga matinding trahedya sa mga lipunan, na kabilang doon ang pagtugon sa mga pangangailangan sa oras ng kalamidad.

- Ipaliwanag mo kung papaano nating ipatutupad ang mga sumusunod na āyah sa pagharap sa mga kagutom sa mga oras ng matinding trahedya sa lipunan.

Ang mga Āyah

Ang mga Praktikal na Pagpapatupad sa mga Ito

13. [Ito ay] isang pagpapalaya sa isang alipin, [Ito ay] isang pagpapalaya sa dalamhati sa isa sa mga Muslim.

14. o pagpapakain sa isang araw na may taggutom:

15. sa isang ulilang may malapit na kaugnayan,

16. o sa isang dukhang may paghihikahos.

17. Pagkatapos naging kabilang siya sa mga sumampalataya at nagtagubilinan ng pagtitiis at nagtagubilinan ng pagkaawa.

Ang Pagtatasa (Assessment)

PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng pararilang hindi tumpak:

Nagpatayo ang lipi ng `Ād ng mga gusali at pamayanan na hindi nakasaksi ang Sangkatauhan ng isang katulad niyon. ()

Ang paggipit sa panustos ay isang palatandaan mula sa mga palatandaan ng panghahamak ni Allāh sa lingkod Niya. ()

Nagtutuon si Allāh sa mga lingkod Niya tungo sa paggawa ng kabutihan sa tuwing nagsisikap sila sa pagtalima sa Kanya.

Natatangi ang "pagkaawa" na tinutukoy sa Sūrah Al-Balad sa ugnayan sa mga kaanak. ()

Ang mga ulila at ang mga maralita kabilang sa mga kamag-anakan ay ang pinakamarapat bigyan sa mga tao.

Ang pag-aarugaang panlipunan ay kabilang sa mga pundasyon ng lipunang Islāmiko. ()

Tinatanggap ang pagbabalik-loob at ang pagsisisi sa Lupain ng Pagtitipunan [ng mga tao] sa Araw ng Pagbangon. ()

PANUTO 2: Magbigay-linaw ka sa mga sumusunod na āyah nang maiksi:

{19. Kumakain kayo ng pamana nang pagkaing masidhi.}

{27. "O kaluluwang napapanatag, 28. bumalik ka sa Panginoon mo nang nalulugod na kinalulugdan,}

{4. talaga ngang lumikha Kami sa tao sa isang pagpapakahirap.}

{11. Ngunit hindi kasi siya sumugod sa matarik na daan.}

PANUTO 3: Maghambing ka sa pagitan ng makatotohanang pagpaparangal at ng hindi makatotohanang pagpaparangal gaya ng iginabay sa iyo ng Sūrah Al-Fajr.

PANUTO 4: Magsulat ka ng isang artikulong may limang linya, na nag-anyaya ka rito tungo sa paggugol sa landas ni Allāh lalo na sa mga oras ng kalamidad, habang humahango mula sa nasaad sa Sūrah Al-Fajr at Sūrah Al-Balad.

PANUTO 5: Magpaliwanag ka ng dalawang katuturan mula sa nahango mo mula Sūrah Al-Fajr at Sūrah Al-Balad.

Ang Sūrah Ash-Shams, ang Sūrah Al-Layl, at ang Sūrah Aḍ-Ḍuḥā

Ang mga Layon

Mahal kong mag-aaral, inaasahan mula sa iyo matapos matuto ng araling ito na:

makapagpakahulugan ka ng mga āyah sa isang pinaiksing pagpapakahulugan;

makapagpaliwanag ka ng mahahangong katuturan mula sa mga āyah;

makaalam ka sa kaibahan ng katangian ng mga gumugugol [sa kabutihan] at kadahilanan ng pagtanggap sa kanila;

makapagdakila ka sa halaga ng Propeta (basbasan siya ni Allāh at pangalagaan);

makapagsanay ka sa sarili mo sa pagkakaloob ng kabutihan sa mga tao.

Sūrah Ash-Shams (Qur'ān 91)

{1. Sumpa man sa araw at sa kaliwanagan nito, 2. sumpa man sa buwan kapag sumunod ito roon, 3. sumpa man sa maghapon kapag naglantad ito niyon, 4. sumpa man sa gabi kapag bumalot ito niyon, 5. sumpa man sa langit at sa pagpapatayo Niya nito, 6. sumpa man sa lupa at sa pagkalatag nito, 7. sumpa man sa isang kaluluwa at sa pagkahubog nito, 8. saka nagpatalos Siya rito ng pagsasamasamang-loob nito at pangingilag magkasala nito; 9. nagtagumpay nga ang sinumang nagbusilak nito 10. at nabigo nga ang sinumang nagparumi nito. 11. Nagpasinungaling ang [liping] Thamūd dahil sa pagmamalabis nito 12. nang sumugod ang pinakamalumbay nito. 13. Kaya nagsabi sa kanila ang sugo ni Allāh: "[Magpaubaya] sa dumalagang kamelyo ni Allāh at pag-inom nito." 14. Ngunit nagpasinungaling sila sa kanya saka kinatay nila ito kaya nagsaklob [ng parusa] sa kanila ang Panginoon nila dahil sa pagkakasala nila saka nagpantay-pantay Siya rito [sa parusa]. 15. Hindi Siya nangangamba sa pinakakahihinatnan nito.}

Ang Paglilinaw at ang Pakahulugan

Nagsisimula ang marangal na sūrah sa panunumpa sa mga bagay na dakila ang pakinabang, na nagpapatunay sa kakayahan ni Allāh at kadakilaan Niya sapagkat nagsabi Siya (napakataas Siya):

{1. Sumpa man sa araw at sa kaliwanagan nito, 2. sumpa man sa buwan kapag sumunod ito roon,} Sumusumpa si Allāh (napakataas Siya) sa araw at pagsikat nito sa oras ng pagkaliwanag nito at sa buwan na sumusunod dito sa pagsikat at paglubog.

{3. sumpa man sa maghapon kapag naglantad ito niyon, 4. sumpa man sa gabi kapag bumalot ito niyon,} [Sumusumpa Siya] sa maghapon kapag pumawi ito ng kadiliman at gabi nang bumabalot ang gabi sa lupa ng kadiliman nito.

{5. sumpa man sa langit at sa pagpapatayo Niya nito, 6. sumpa man sa lupa at sa pagkalatag nito,} [Sumusumpa Siya] sa langit sa pagpapahusay sa pagkapatayo nito at sa lupa sa pagkalatag nito.

{7. sumpa man sa isang kaluluwa at sa pagkahubog nito, 8. saka nagpatalos Siya rito ng pagsasamasamang-loob nito at pangingilag magkasala nito;} [Sumusumpa Siya] sa kaluluwa at sa kalubusan ng pagkalikha rito at sa paglilinaw para rito ng daan ng kasamaan at daan ng kabutihan.

Matapos ng mga panunumpang ito, dumating ang sagot sa panunumpa upang magbigay-diin sa kahalagahan ng pagbubusilak ng kaluluwa mula sa kawalang-pananampalataya at mga pagsuway sapagkat nagsasabi Siya (napakataas Siya):

{9. nagtagumpay nga ang sinumang nagbusilak nito 10. at nabigo nga ang sinumang nagparumi nito.} Sumusumpa Siya na nagwagi nga ang sinumang nagdalisay ng sarili niya at nagpalago nito sa kabutihan at nalugi ang sinumang naglublob ng sarili niya sa mga pagsuway.

Pagkatapos bumanggit si Allāh ng isang halimbawa ng sumuway sa Kanya at tumangging sumampalataya sa Kanya kaya naging karapat-dapat sa pagdurusa. Ito ay ang Thamūd, ang Lipi ni Ṣāliḥ (sumakanya ang pangangalaga).

{11. Nagpasinungaling ang [liping] Thamūd dahil sa pagmamalabis nito 12. nang sumugod ang pinakamalumbay nito.} Umabot nga ang Thamūd sa sukdulan sa pagsuway sapagkat tumindig ang pinakamalumbay ng lipi para katayin ang dumalagang kamelyo na ginawa ni Allāh para sa kanila bilang tanda.

{13. Kaya nagsabi sa kanila ang sugo ni Allāh: "[Magpaubaya] sa dumalagang kamelyo ni Allāh at pag-inom nito." 14. Ngunit nagpasinungaling sila sa kanya saka kinatay nila ito kaya nagsaklob [ng parusa] sa kanila ang Panginoon nila dahil sa pagkakasala nila saka nagpantay-pantay Siya rito [sa parusa].} Nagbigay-babala na ang propeta nilang si Ṣāliḥ (sumakanya ang pangangalaga) laban sa pagsaling nila rito ng isang kasagwaan ngunit kinatay nila ito kaya nagpababa si Allāh sa kanila ng kaparusahan at nagpahamak Siya sa kanila.

Sūrah Al-Layl (Qur'ān 92)

{1. Sumpa man sa gabi kapag bumabalot ito, 2. sumpa man sa maghapon kapag nahayag ito, 3. sumpa man sa pagkalikha sa lalaki at babae; 4. tunay na ang pagpupunyagi ninyo ay talagang sarisari. 5. Kaya hinggil naman sa sinumang nagbigay at nangilag magkasala 6. at nagpatotoo sa pinakamaganda, 7. magpapadali Kami sa kanya para sa pinakamadali; 8. at hinggil* naman sa sinumang nagmaramot at *nagturing na makapagsarili 9. at nagpasinungaling sa pinakamaganda, 10. magpapadali Kami sa kanya para sa pinakamahirap. 11. Ano ang maidudulot para sa kanya ng yaman niya kapag nabulid siya [sa Impiyerno]? 12. Tunay na nasa Amin ay talagang ang pagpapatnubay. 13. Tunay na sa Amin ay talagang ang Kabilang-buhay at ang Unang-buhay. 14. Kaya nagbabala Ako sa inyo ng apoy na naglalagablab. 15. Walang masusunog doon kundi ang pinakamalumbay, 16. na nagpasinungaling at tumalikod. 17. Paiiwasin doon ang pinakatagapangilag magkasala, 18. na nagbibigay ng yaman niya habang nagpapakabusilak [sa kasalanan] 19. at hindi para sa isang mayroon siyang anumang biyayang gagantihan, 20. bagkus dala ng paghahangad sa [ikalulugod ng] Mukha ng Panginoon niya, ang Pinakamataas. 21. Talagang malulugod siya.}

Ang Paglilinaw at ang Pakahulugan

Naglilinaw ang marangal na sūrah ng pagkakaiba-iba ng pagsisikap ng mga tao sa buhay na ito. Nagsisimula ito sa panunumpa roon sapagkat nagsasabi Siya (napakataas Siya):

{1. Sumpa man sa gabi kapag bumabalot ito, 2. sumpa man sa maghapon kapag nahayag ito,} Sumusumpa si Allāh (napakataas Siya) sa gabi kapag bumalot ito sa lupa ng kadiliman nito at sa maghapon kapag pumawi ito ng kadiliman ng gabi sa pamamagitan ng tanglaw nito.

{3. sumpa man sa pagkalikha sa lalaki at babae; 4. tunay na ang pagpupunyagi ninyo ay talagang sarisari.} [Sumusumpa Siya] sa pagkalikha Niya ng lalaki at babae at sa pagkakaiba-iba ng pagsisikap ng mga tao at gawain nila. Pagkatapos bumanggit si Allāh (napakataas Siya) ng ilan sa mga anyo ng pagkakaiba-ibang ito sapagkat nagsabi Siya (napakataas Siya):

{5. Kaya hinggil naman sa sinumang nagbigay at nangilag magkasala 6. at nagpatotoo sa pinakamaganda, 7. magpapadali Kami sa kanya para sa pinakamadali;} Sumusumpa si Allāh na ang sinumang gumugol sa landas Niya, nangilag magkasala sa Kanya (napakataas Siya), at nagpatotoo sa adhikain ng Tawḥīd (Walang Diyos kundi si Allāh) at inireresulta rito na magandang ganti, tunay na si Allāh ay magtutuon sa kanya tungo sa paggawa ng kabutihan.

{8. at hinggil naman sa sinumang nagmaramot at nagturing na makapagsarili 9. at nagpasinungaling sa pinakamaganda, 10. magpapadali Kami sa kanya para sa pinakamahirap. 11. Ano ang maidudulot para sa kanya ng yaman niya kapag nabulid siya [sa Impiyerno]?} Hinggil naman sa sinumang nagmaramot ng yaman niya at nagturing na makapagsarili dahil dito palayo sa ganti ni Allāh at nagpasinungaling sa adhikain ng Tawḥīd, tunay na si Allāh ay hindi magtutuon sa kanya sa mga kadahilanan ng kabutihan at patnubay, bagkus mag-iiwan sa kanya si Allāh sa mga kadahilanan ng kalumbayan at hindi makasasapat sa kanya ang yaman niya sa anuman kapag pumasok siya sa Impiyerno.

{12. Tunay na nasa Amin ay talagang ang pagpapatnubay. 13. Tunay na sa Amin ay talagang ang Kabilang-buhay at ang Unang-buhay.} Tunay na sa Amin ang paglilinaw sa daan ng kabutihan at kasamaan at ukol sa Amin ang paghahari sa Mundo at Kabilang-buhay.

{14. Kaya nagbabala Ako sa inyo ng apoy na naglalagablab. 15. Walang masusunog doon kundi ang pinakamalumbay, 16. na nagpasinungaling at tumalikod.} Kaya nagbigay-babala ako sa inyo ng apoy na nagliliyab na walang babata sa pagdurusang dulot nito kundi ang malumbay na nagpasinungaling sa Sugo ni Allāh (basbasan siya ni Allāh at pangalagaan) at umayaw sa pananampalataya sa Kanya.

{17. Paiiwasin doon ang pinakatagapangilag magkasala, 18. na nagbibigay ng yaman niya habang nagpapakabusilak [sa kasalanan] 19. at hindi para sa isang mayroon siyang anumang biyayang gagantihan, 20. bagkus dala ng paghahangad sa [ikalulugod ng] Mukha ng Panginoon niya, ang Pinakamataas. 21. Talagang malulugod siya.} Maliligtas mula sa Impiyerno ang matindi ang pangingilag magkasala, na nagkakaloob ng yaman niya sa landas ni Allāh at hindi nagnanais ng iba sa kaluguran ni Allāh (napakataas Siya) at talagang magpapalugod sa kanya si Allāh sa pamamagitan ng Paraiso sa Araw ng Pagbangon.

Sūrah Aḍ-Ḍuḥā (Qur'ān 93)

{1. Sumpa man sa kaliwanagan [ng umaga], 2. sumpa man sa gabi kapag lumukob ito; 3. hindi namaalam sa iyo ang Panginoon mo at hindi Siya nasuklam. 4. Talagang ang Kabilang-buhay ay higit na mabuti para sa iyo kaysa sa Unang-buhay. 5. Talagang magbibigay sa iyo ang Panginoon mo kaya malulugod ka. 6. Hindi ba nakatagpo Siya sa iyo na isang ulila kaya kumanlong Siya sa iyo? 7. Nakatagpo Siya sa iyo na isang nalilingat kaya nagpatnubay Siya. 8. Nakatagpo Siya sa iyo na isang naghihikahos kaya nagpasapat Siya. 9. Kaya hinggil naman sa ulila ay huwag kang manlupig. 10. Hinggil naman sa nanghihingi ay huwag kang magtaboy. 11. Hinggil naman sa kaugnay sa biyaya ng Panginoon mo ay magsaysay ka.}

Ang Paglilinaw at ang Pakahulugan

Tumatalakay ang marangal ng sūrah ng pag-aaruga ni Allāh sa Propeta Niya (basbasan Niya ito at pangalagaan) at nagsisimula ito sa panunumpa roon sapagkat nagsasabi si Allāh (napakataas Siya):

{1. Sumpa man sa kaliwanagan [ng umaga], 2. sumpa man sa gabi kapag lumukob ito;} Sumusumpa si Allāh sa oras ng kaliwanagan ng umaga, na simula ng maghapon, at sa gabi kapag tumindi ang kadiliman nito.

{3. hindi namaalam sa iyo ang Panginoon mo at hindi Siya nasuklam. 4. Talagang ang Kabilang-buhay ay higit na mabuti para sa iyo kaysa sa Unang-buhay.}

Si Allāh (napakataas Siya) ay hindi nag-iwan sa Sugo Niyang si Muḥammad (basbasan Niya ito at pangalagaan) at hindi namuhi rito gaya ng inaakala ng mga tagapagtambal. Ang tahanang pangkabilang-buhay ay higit na mabuti para sa kanya kaysa sa Mundo. Bibigyan siya ni Allāh sa Kabilang-buhay ng magpapalugod sa kanya.

{6. Hindi ba nakatagpo Siya sa iyo na isang ulila kaya kumanlong Siya sa iyo? 7. Nakatagpo Siya sa iyo na isang nalilingat kaya nagpatnubay Siya. 8. Nakatagpo Siya sa iyo na isang naghihikahos kaya nagpasapat Siya.} Nakatagpo nga si Allāh (napakataas Siya) sa Propeta Niya (sumakanya ang pangangalaga) na isang ulila, nag-aruga Siya rito, nagpatnubay Siya rito sa pamamagitan ng liwanag ng pagkasugo, at nagturo Siya rito ng hindi dati nalalaman nito. Nakatagpo Siya rito na isang maralita kaya umakay Siya para rito ng panustos,nagpasapat Siya rito buhat sa mga tao, at nagbigay-kasiyahan Siya rito ng itinustos Niya rito.

Kaya hinggil naman sa ulila ay huwag kang manlupig. 10.Hinggil naman sa nanghihingi ay huwag kang magtaboy. 11. Hinggil naman sa kaugnay sa biyaya ng Panginoon mo ay magsanaysay ka.} Huwag kang gumawa ng masagwa sa ulila, huwag kang mambulyaw sa nanghihingi, at magsaysay ka kaugnay sa biyaya ng Panginoon mo sa iyo.

Ang mga Katuturan at ang mga Paghinuha

Ang kasukdulan ng pumapatungkol sa pagbubusilak sa kaluluwa at pagdadalisay nito mula sa mga kasalanan at mga kaasalang masagwa.

Ang pag-iingat laban sa kahihinatnan ng pagpapasinungaling sa mga sugo at ang pagpupumilit sa pagsuway kay Allāh gaya ng ginawa ng liping Thamūd.

Nagtutuon si Allāh (napakataas Siya) sa mananampalataya na nagkakaloob ng kabutihan sa mga tao. Hinggil naman sa nagpupumilit sa kalisyaan, si Allāh ay Walang-pangangailangan sa kanya.

Ang kabutihang-loob ni Allāh sa Sugo Niya (basbasan Niya ito at pangalagaan) ay sukdulan at ang pagpaparangal Niya para rito ay hindi nabibilang.

Ang pagkakailangan ng paggawa ng maganda sa mga ulila, mga mahina, at mga maralita.

Ang pagsasanaysay kaugnay sa biyaya ni Allāh (napakataas Siya) ay daan ng mga propeta at mga maayos na tagapagpasalamat.

Ang mga Aktibidad

Aktibidad 1: Mag-uugnay ako.

Nagsabi ang Propeta (basbasan siya ni Allāh at pangalagaan): "Tunay na ang mga tao, kapag nakakita sila ng tagalabag sa katarungan saka hindi sila pumigil sa mga kamay nito, ay halos na maglahat sa kanila si Allāh ng isang parusa mula sa Kanya." Nagsalaysay nito sina Imām Abū Dāwud: 4338 at Imām At-Tirmidhīy: 3057.

Magkawing ka sa pagitan ng ḥadīth at ng nasaad sa Sūrah Ash-Shams tungkol sa kadahilanan ng pagpahamak sa liping Thamūd.

Makilahok ka sa mga kaklase mo sa pagbanggit ng papel ng Muslim sa lipunan niya sa pamamagitan ng nasaad sa marangal na ḥadīth.

Aktibidad 2: Magbubukod ako.

{17. Paiiwasin doon ang pinakatagapangilag magkasala, 18. na nagbibigay ng yaman niya habang nagpapakabusilak [sa kasalanan] 19. at hindi para sa isang mayroon siyang anumang biyayang gagantihan, 20. bagkus dala ng paghahangad sa [ikalulugod ng] Mukha ng Panginoon niya, ang Pinakamataas. 21. Talagang malulugod siya.}

Humango ka mula sa marangal na āyah ng katangian ng mga tagagugol [sa kabutihan], kundisyon ng pagtanggap sa paggugol, at ganti sa kanya.

Ang katangian ng mga tagagugol ayon sa mga āyah.

Ang kundisyon ng pagtanggap sa paggugol.

Ang ganti sa mga tagagugol.

Aktibidad 3: Mag-uugnay ako ng mga āyah.

Magbigay ka sa mula sa mga āyah ng Sūrah Aḍ-Ḍuḥā ng ipambubuo sa mga kahulugan ng mga āyah na nasasaad sa talahanayan.

Ang mga Āyah

Ang nakikiayon sa mga ito mula sa marangal na sūrah:

{"Huwag kang malungkot; tunay na si Allāh ay kasama sa atin."} (Qur'ān 9:40) = {hindi namaalam sa iyo ang Panginoon mo at hindi Siya nasuklam} (Qur'ān 93:3)

{Anumang sinasabing nakabubuti at pagpapatawad ay higit na mainam kaysa sa isang kawanggawang sinusundan ng isang pananakit. Si Allāh ay Walang-pangangailangan, Matimpiin.} (Qur'ān 2:263) = {9. Kaya hinggil naman sa ulila ay huwag kang manlupig. 10. Hinggil naman sa nanghihingi ay huwag kang magtaboy. 11. Hinggil naman sa kaugnay sa biyaya ng Panginoon mo ay magsaysay ka.} (Qur'ān 93:9-11)

{Tunay na ang mga kumakain ng mga yaman ng mga ulila dala ng paglabag sa katarungan ay kumakain lamang sa mga tiyan nila ng apoy at masusunog sila sa isang liyab.} (Qur'ān 4:10) = {Kaya hinggil naman sa ulila ay huwag kang manlupig.} (Qur'ān 93:9)

Ang Pagtatasa (Assessment)

PANUTO 1: Maglagay ng tanda na (✓) sa harapan ng tumpak na parirala at ng tanda na (X) sa harapan ng pararilang hindi tumpak:

Ang panunumpa ni Allāh sa mga tanda Niya ay nagpapatunay sa kadakilaan ng mga ito at kahalagahan ng pag-iisip-isip sa mga ito. ()

Ang paggawa ng maganda sa mga ulila at mga dukha ay isang patunay sa pasasalamat sa biyaya. ()

Ang pinakamalumbay sa liping Thamūd ay ang pumatay kay Ṣāliḥ (sumakanya ang pangangalaga). ()

Ang pananampalataya at ang pangingilag magkasala ay isang kadahilanan para sa pagtutuon sa tao sa paggawa ng kabutihan. ()

Ang Propeta (basbasan siya ni Allāh at pangalagaan) ay kabilang sa mga maharlika ng Makkah at ang pinakamarami sa kanila sa mga yaman. ()

PANUTO 2: Isulat mo ang mga āyah na nagpapatunay sa sumusunod na pararila:

Nagparusa si Allāh sa lipi ng Thamūd dahil sa pagsuway nila sa utos ng propeta nila.

Ang tagumpay ay nakaugnay sa pagbubusilak ng kaluluwa at pagdadalisay nito.

Ang Impiyerno ay ang ganti sa mga tagapagpasinungaling na tagaayaw kay Allāh at sa Sugo Niya (basbasan Niya ito at pangalagaan).

Isinasabatas ang pagsasaysay kaugnay sa biyaya ni Allāh at kabutihang-loob Niya.

PANUTO 3: Magbigay-linaw ka sa mga marangal na āyah.

{7. sumpa man sa isang kaluluwa at sa pagkahubog nito, 8. saka nagpatalos Siya rito ng pagsasamasamang-loob nito at pangingilag magkasala nito;}

at hindi para sa isang mayroon siyang anumang biyayang gagantihan,} (Qur'ān 92:19)

{12. Tunay na nasa Amin ay talagang ang pagpapatnubay. 13. Tunay na sa Amin ay talagang ang Kabilang-buhay at ang Unang-buhay.}

PANUTO 4: Humango ka mula sa Sūrah Al-Layl ng katangian ng mga tagagugol sa landas ni Allāh at kainaman nila.

PANUTO 5: Magbigay-liwanag ka sa kalamangan ng Propeta natin (basbasan siya ni Allāh at pangalagaan) at pagpaparangal sa kanya sa ganang kay Allāh (napakataas Siya) gaya ng nasaad sa Sūrah Aḍ-Ḍuḥā.

(7) Ang Sūrah Ash-Sharḥ, ang Sūrah At-Tīn, Sūrah Al-`Alaq, at ang Sūrah Al-Qadr

Ang mga Layon

Mahal kong mag-aaral, inaasahan mula sa iyo matapos matuto ng araling ito na:

makapagpakahulugan ka ng mga āyah sa isang pinaiksing pagpapakahulugan;

makapaghango ka ng katayuan ng Propeta (basbasan siya ni Allāh at pangalagaan) gaya ng nasaad sa mga āyah;

makapagpatotoo ka sa pagpapahalaga ng Islām sa kaalaman;

makapagpaliwanag ka ng mahahangong katuturan mula sa mga āyah;

makapagdakila ka sa kalamangan ng Gabi ng Pagtatakda.

Sūrah Ash-Sharḥ (Qur'ān 94)

{1. Hindi ba nagpaluwag Kami para sa iyo ng dibdib mo? 2. Nag-alis Kami palayo sa iyo ng pasanin mo, 3. na nakabigat sa likod mo. 4. Nag-angat Kami para sa iyo ng pagbanggit sa iyo. 5. Kaya tunay na kasama sa hirap ay ginhawa. 6. Tunay na kasama sa hirap ay ginhawa. 7. Kaya kapag nakatapos ka [sa gawain] ay magpakapagal ka [sa pagsamba], 8. at sa Panginoon mo ay magmithi ka.}

Ang Paglilinaw at ang Pakahulugan

Kumukumpleto ang Sūrah Ash-Sharḥ sa nasaad sa Sūrah Aḍ-Ḍuḥā tungkol sa pagpaparangal ni Allāh sa Propeta nating si Muḥammad (basbasan Niya ito at pangalagaan) sapagkat nagsasabi Siya (napakataas Siya):

{1. Hindi ba nagpaluwag Kami para sa iyo ng dibdib mo?} Hindi ba nagpaluwag Kami para sa iyo, O Propeta (sumaiyo ang basbas at ang pangangalaga), ng dibdib mo at nagbigay Kami sa iyo ng mararangal sa mga kaasalan.

{2. Nag-alis Kami palayo sa iyo ng pasanin mo, 3. na nakabigat sa likod mo.} Nag-alis Kami palayo sa iyo ng dala-dala mo na nagpabigat sa likod mo.

{4. Nag-angat Kami para sa iyo ng pagbanggit sa iyo.} Nagpataas Kami ng pagbanggit sa iyo sa mga nilalang sapagkat binabanggit ang pangalan mo sa adhān, iqāamah, at iba pa sa mga ito.

{5. Kaya tunay na kasama sa hirap ay ginhawa. 6. Tunay na kasama sa hirap ay ginhawa.} Tunay na kasama sa kagipitan at kalamidad ay ginhawa at pagpapaluwag mula kay Allāh (napakataas Siya).

{7. Kaya kapag nakatapos ka [sa gawain] ay magpakapagal ka [sa pagsamba], 8. at sa Panginoon mo ay magmithi ka.} Kaya kapag nakatapos sa gawain mo, magpunyagi ka sa pagsamba at maging isang tagapagmithi ka ng nasa ganang kay Allāh habang nagpapakay ng kaluguran Niya.

Sūrah At-Tīn (Qur'ān 95)

{1. Sumpa man sa igos at oliba, 2. sumpa man sa kabundukan ng Sinai, 3. sumpa man sa matiwasay na bayang ito; 4. talaga ngang lumikha Kami sa tao sa isang pinakamagandang paghuhubog. 5. Pagkatapos nagpanauli Kami sa kanya sa pinakamababa sa mga mababa, 6. maliban sa mga sumampalataya at gumawa ng mga maayos sapagkat ukol sa kanila ay isang pabuyang hindi matitigil. 7. Kaya ano ang nagpapasinungaling sa iyo, matapos nito, sa pagtutumbas? 8. Hindi ba si Allāh ay ang pinakahukom ng mga hukom?}

Ang Paglilinaw at ang Pakahulugan

Natuto tayo sa marangal na sūrah na ito na ang halaga ng tao ay nakaugnay sa pananampalataya niya at gawa niya. Nagsisimula ito sa panunumpa sapagkat nagsabi Siya (napakataas Siya):

{1. Sumpa man sa igos at oliba, 2. sumpa man sa kabundukan ng Sinai, 3. sumpa man sa matiwasay na bayang ito;} Sumumpa si Allāh sa igos, oliba, at sa bundok ng Sinai, na kumausap si Allāh (napakataas Siya) kay Moises (sumakanya ang pangangalaga) doon sa isang pakikipag-usap. Pagkatapos sumumpa Siya gayon din sa Makkah Mukarramah.

{4. talaga ngang lumikha Kami sa tao sa isang pinakamagandang paghuhubog. 5. Pagkatapos nagpanauli Kami sa kanya sa pinakamababa sa mga mababa,} Sumusumpa Siya (napakataas Siya) na Siya ay lumikha sa tao sa pinakamagandang anyo. Pagkatapos nagpanauli Siya rito sa kasagwaan ng kahihinatnan sa Impiyerno dahil sa nagawa niya na shirk at mga kasalanan,

{6. maliban sa mga sumampalataya at gumawa ng mga maayos sapagkat ukol sa kanila ay isang pabuyang hindi matitigil.} maliban sa mga sumampalataya sa Kanya at gumawa ng mga maayos sapagkat ukol sa kanila ay isang pabuya sa Paraiso na hindi mapuputol at hindi mapipigil.

{7. Kaya ano ang nagpapasinungaling sa iyo, matapos nito, sa pagtutumbas? 8. Hindi ba si Allāh ay ang pinakahukom ng mga hukom?} Kaya ano ang nagtutulak sa iyo, O tao, sa pagpapasinungaling sa pagbubuhay at pagganti samantalang dumating na sa iyo ang mga patotoo na nagpapatunay kay Allāh at sa mga pasugo Niya? Hindi ba si Allāh ay pinakamabuting hukom yayamang humuhusga Siya at nakikipagtuos Siya matapos ng pagliwanag ng katunayan?

Sūrah Al-`Alaq (Qur'ān 96)

{1. Bumasa ka sa ngalan ng Panginoon mo na lumikha, 2. lumikha sa tao mula sa isang malalinta. 3. Bumasa ka at ang Panginoon mo ay ang Pinakamapagbigay, 4. na nagturo sa pamamagitan ng panulat, 5. nagturo sa tao ng hindi nito nalaman. 6. Aba'y hindi! Tunay na ang tao ay talagang nagmamalabis 7. dahil nakakita siya sa sarili niya na nakasapat. 8. Tunay na tungo sa Panginoon mo ang pagbabalikan. 9. Nakakita ka ba sa sumasaway 10. sa isang lingkod kapag nagdasal ito? 11. Nakakita ka ba kung siya ay nasa patnubay, 12. o nag-utos ng pangingilag magkasala? 13. Nakakita ka ba kung nagpasinungaling siya o tumalikod siya? 14. Hindi ba siya nakaalam na si Allāh ay nakakikita? 15. Aba'y hindi! Talagang kung hindi siya tumigil ay talagang hahablot nga Kami sa bumbunan: 16. isang bumbunan na nagsisinungaling, nagkakamali.17. Kaya tumawag siya sa kapulungan niya. 18. Tatawag Kami sa mga bantay [ng Impiyerno]. 19. Aba'y hindi! Huwag kang tumalima sa kanya, magpatirapa ka, at lumapit ka [kay Allāh].}

Ang Paglilinaw at ang Pakahulugan

Nagsisimula ang marangal na sūrah na ito sa kauna-unahan sa mga āyah ng Qur'ān sa pagbaba sa Propeta (basbasan siya ni Allāh at pangalagaan) sapagkat nagsabi si Allāh (napakataas Siya):

{1. Bumasa ka sa ngalan ng Panginoon mo na lumikha,} Bumasa ka, O Propeta (basbasan ka ni Allāh at pangalagaan), ng pinababa sa iyo ni Allāh mula sa Qur'ān, na nagpapasimula ng pagbigkas mo sa ngalan ng Panginoon mo na namumukod-tangi sa paglikha.

{2. lumikha sa tao mula sa isang malalinta.} Ang lumikha sa tao mula sa isang malalinta. Ito ay isang piraso ng dugong namuo na kumakapit sa sinapupunan ng ina.

{3. Bumasa ka at ang Panginoon mo ay ang Pinakamapagbigay, 4. na nagturo sa pamamagitan ng panulat, 5. nagturo sa tao ng hindi nito nalaman.} Bumasa ka sa ngalan ng Panginoon mo na marami ang pagbibigay at paggawa ng maganda, na nagturo sa tao ng pagsulat sa pamamagitan ng panulat at nagturo rito ng hindi nito dati nalalaman mula sa naaangkop sa pamamagitan niyon ang buhay nito at ang Kabilang-buhay nito.

{6. Aba'y hindi! Tunay na ang tao ay talagang nagmamalabis 7. dahil nakakita siya sa sarili niya na nakasapat.} Sa kabila nito, ang tao ay lumalampas sa mga hangganan ni Allāh (napakataas Siya) kapag nakaramdam siya ng kawalang-pangangailangan [kay Allāh] dahil sa yaman niya o kapamahalaan niya.

{8. Tunay na tungo sa Panginoon mo ang pagbabalikan.} Ang hantungan niya ay tungo kay Allāh (napakataas Siya) para gumanti Siya sa bawat tao ng naging karapat-dapat dito.

{9. Nakakita ka ba sa sumasaway 10. sa isang lingkod kapag nagdasal ito?} Nakakita ka ba ng higit na kataka-taka kaysa roon, na sumasaway sa isang tao kapag nagdasal ito? Ang taong tinutukoy ay ang Sugo ni Allāh (basbasan siya ni Allāh at pangalagaan) at ang sumasaway sa kanya laban sa pagdarasal ay si Abū Jahl.

{11. Nakakita ka ba kung siya ay nasa patnubay, 12. o nag-utos ng pangingilag magkasala?} Ano kung sakaling ang sinasaway ay ang nasa patnubay at siya ay nag-uutos ng pangingilag magkasala, pagtalima kay Allāh, at pag-iwan ng pagsuway kay Allāh?

{13. Nakakita ka ba kung nagpasinungaling siya o tumalikod siya? 14. Hindi ba siya nakaalam na si Allāh ay nakakikita?} Nakakita ka ba kung nagpasinungaling ang tagasaway na ito ng ipinaaanyaya sa kanya at umayaw siya rito? Hindi ba siya nakaalam na si Allāh ay nakakikita sa bawat ginagawa niya?

{15. Aba'y hindi! Talagang kung hindi siya tumigil ay talagang hahablot nga Kami sa bumbunan: 16. isang bumbunan na nagsisinungaling, nagkakamali.} Kapag hindi tumigil ang tagapagtambal na ito ay talagang dadaklot nga Kami sa ulo niya papunta sa Impiyerno sa isang matinding humahamak na pagdaklot: doon sa ulo na nagsisinungaling sa sinasabi nito, na nagkakamali sa mga gawain nito.

{17. Kaya tumawag siya sa kapulungan niya. 18. Tatawag Kami sa mga bantay [ng Impiyerno].} Kaya tumawag siya sa sandaling iyon sa angkan niya na nagpapaadya siya sa kanila kung sila ay sasagot sa kanya subalit walang dadalo sa kanya kundi ang mga anghel ng pagdurusa.

{19. Aba'y hindi! Huwag kang tumalima sa kanya, magpatirapa ka, at lumapit ka [kay Allāh].} Kaya huwag kang tumalima sa kanya, O Muḥammad, magpatirapa ka sa Panginoon mo, at magsikap ka sa pagsamba sa Kanya.

Sūrah Al-Qadr (Qur'ān 97)

{1. Tunay na Kami ay nagpababa nito sa Gabi ng Pagtatakda. 2. Ano ang nagpabatid sa iyo kung ano ang Gabi ng Pagtatakda? 3. Ang Gabi ng Pagtatakda ay higit na mabuti kaysa sa isang libong buwan. 4. Nagbababaan ang mga Anghel at ang Espiritu rito ayon sa pahintulot ng Panginoon Nila kalakip ng bawat utos. 5. Kapayapaan ito – hanggang sa paglitaw ng madaling-araw.} Ang Paglilinaw at ang Pakahulugan

Natatangi ang marangal na sūrah na ito sa paglilinaw sa kainaman ng Gabi ng Pagtatakda at kadakilaan ng halaga nito. Nagsasabi si Allāh (napakataas Siya):

{1. Tunay na Kami ay nagpababa nito sa Gabi ng Pagtatakda. 2. Ano ang nagpabatid sa iyo kung ano ang Gabi ng Pagtatakda?} Tunay na si Allāh (napakataas Siya) ay nagpababa ng Qur'ān sa Sugo Niya (basbasan Niya ito at pangalagaan) sa isang dakilang gabi sa buwan ng Ramaḍān, ang Gabi ng Pagtatakda. Nakaaalam ka ba, O Propeta, kung ano ang nasa gabing ito na kabutihan at pagpapala?

{3. Ang Gabi ng Pagtatakda ay higit na mabuti kaysa sa isang libong buwan.} Ang kalamangan ng pagsamba sa pinagpalang gabing ito ay higit na mabuti kaysa sa pagsamba nang isang libong buwan para sa sinumang nagdasal dito dala ng pananampalataya at dala ng paghahangad ng gantimpala.

{4. Nagbababaan ang mga Anghel at ang Espiritu rito ayon sa pahintulot ng Panginoon Nila kalakip ng bawat utos.} Dumarami ang pagbaba ng mga anghel, na kasama sa kanila si Anghel Gabriel (sumakanya ang pangangalaga), sa Gabi ng Pagtatakda ayon sa isang pahintulot mula kay Allāh (napakataas Siya) kalakip ng bawat bagay na itinadhana ni Allāh (napakataas Siya) sa taon na iyon.

{5. Kapayapaan ito – hanggang sa paglitaw ng madaling-araw.} Gumawa rito si Allāh bilang gabi ng kabutihan at kapayapaan mula sa simula nito hanggang sa pagsapit ng madaling-araw.

Ang mga Katuturan at ang mga Paghinuha

Nagmagandang-loob si Allāh (napakataas Siya) sa Propeta Niya (basbasan Niya ito at pangalagaan) ng isang katayuang mataas at nag-aangat Siya ng pagbanggit dito sa mga nilalang.

Si Allāh (napakataas Siya) ay Maawain sa nilikha Niya; nagtatakda siya kalakip sa kagipitan ng kaluwagan habang nananatili sa Muslim ang pagtitiis at ang pagpapamalagi ng paghiling at paghahangad.

Lumikha si Allāh sa tao sa pinakamagandang anyo at gumawa Siya sa kagandahan ng pagkakalikha rito ng isang tanda at isang pagpapaalaala sa Panginoon nito.

Ang pananampalataya kay Allāh (napakataas Siya) at ang paggawa ng pagtalima sa Kanya ay nag-aangat ng halaga ng tao at ito ay landas ng kaligtasan niya sa Kabilang-buhay.

Nag-anyaya ang Islām tungo sa kaalaman, pagbubulay-bulay, at kagandahan ng pagtingin sa sarili at Sansinukob.

Bahagi ng pag-uugali ng mananampalataya ang pagpapakumbaba sa sandali ng biyaya at ang hindi pagkalinlang sa kakayahan sapagkat ang kabutihan sa kalahatan ay mula kay Allāh (napakataas Siya).

Ang Marangal na Qur'ān ay pinakamainam na pananalita. Bumaba kasama nito ang pinakamabuti sa mga anghel sa pinakamabuti sa mga tao sa pinakamabuting gabi.

Ang Gabi ng Pagtatakda ay kabilang sa mga biyaya ni Allāh (napakataas Siya) sa Kalipunan ni Muḥammad (basbasan Niya ito at pangalagaan). Ang naituon nang totohanan ay ang sinumang nagpanatili ng dasal dito dala ng pananampalataya at dala ng paghahangad ng gantimpala.

Ang mga Aktibidad

Aktibidad 1: Mag-aanalisa ako.

Nagsaad ang Sūrah Ash-Sharḥ ng mga aspeto ng kaangatan ng pumapatungkol sa Propeta (basbasan siya ni Allāh at pangalagaan) at daan ng pagtitiyaga at pag-iingat sa katayuang iyon. Nagpaabot ang Sūrah At-Tīn ng mga aspeto ng pagpaparangal ni Allāh (napakataas Siya) sa tao at daan ng kamalian na nag-aalis sa kanya ng pagpaparangal na ito.

Humango ka mula sa konteksto ng dalawang sūrah ng mga kaparaanan ng pag-abot ng Muslim sa kaluguran ni Allāh (napakataas Siya) at kataasan ng katayuan sa ganang Kanya (kaluwalhatian sa Kanya):

Ang Sūrah Ash-Sharḥ - Ang Sūrah At-Tīn

Aktibidad 2: Matututo ako.

Naglaman ang Sūrah Al-`Alaq ng isang maliwanag na pag-aanyaya tungo sa kaalaman at pagkatuto. Naghalimbawa ito ng paninindigan ng Islām na tagasuporta ng pagtamo ng napakikinabangan mula sa mga agham at mga kaalaman.

Humango ka mula sa Sūrah Al-`Alaq ng mga aspeto ng pag-aanyaya ng Islām tungo sa kaalaman at sigasig dito.

Ano ang halaga ng pag-aanyayang ito sa simula ng mga āyah na bumaba sa Marangal na Sugo (basbasan siya ni Allāh at pangalagaan)?

Aktibidad 3: Magsasaliksik ako at gagawa ako.

Matapos na makaalam ako sa katayuan ng Gabi ng Pagtatakda, magsasaliksik tungkol pinakamahalaga sa mga gawain na magpapakalapit-loob ako sa pamamagitan ng mga ito kay Allāh sa gabing iyon.

Ang Pagtatasa (Assessment)

PANUTO 1: Itumpak ang mga sumusunod na pararila:

Tumalakay ang Sūrah Ash-Sharḥ ng pagkakalikha sa tao sa pinakamagandang anyo.

Ang matiwasay na bayan ay ang Marangal na Quds (Jerusalem).

Ang Sūrah Al-Qadr ay ang unang bumaba mula sa Marangal na Qur'ān.

Bumaba ang Marangal na Qur'ān sa Gabi ng Pagtatakda ng buwan ng Sha`bān.

PANUTO 2: Humango ng patunay sa bawat isa sa mga sumusunod na pararila mula sa mga sūrah ng aralin:

Hindi nararapat para sa mananampalataya na mawalan ng isang pagkaabalahan o isang gawaing napakikinabangan.

Ang kaginhawahan ng Paraiso ay hindi mapuputol at hindi mapipigil.

Ang pag-angat ng Islām sa halaga ng kaalaman at pagkatuto.

Ang pagsamba sa Gabi ng Pagtatakda ay higit na mainam kaysa sa pagsamba nang isang libong buwan.

PANUTO 3: Nasaad sa Sūrah Ash-Sharḥ ang kalamangan ng Propeta (basbasan siya ni Allāh at pangalagaan) at Sūrah Al-`Alaq ang pagtatanggol sa Propeta (basbasan siya ni Allāh at pangalagaan). Hanguin mo iyon at magpahayag ka tungkol doon sa limang linya.

PANUTO 4: Nagpapahalaga ang Islām sa kaalaman at nag-uudyok ito sa pagtamo niyon. Magbigay-liwanag ka niyon ayon sa liwanag ng nasaad sa Sūrah Al-`Alaq.

PANUTO 5: Magbuod ka ng katangian ng Gabi ng Pagtatakda kasama ng paglilinaw sa pinakamahalaga sa mga pagsamba rito.

Ang Ikalawang Yunit: Ang Pampropetang Sunnah