«قسم په هغه ذات چې د محمد روح یې په لاس کې دی، له دې امت څخه چې هر څوک؛ که هغه یهودي وي یا نصراني، زما په اړه خبره شي، او بیا پداسې حال کې مړ شي چې په هغه څه یې ایمان نه وي راوړی چې زه پرې رالېږل شوی یم، مګر دا چې هغه به له دوزخیانو څخه شي».

ټولې نړۍ ته د رسول الله صلى الله عليه وسلم د پيغام عموميت او د هغه د پيروۍ کولو وجوب، او د هغه په ​​​​شريعت سره د نورو ټولو شریعتونو منسوخېدل.

څوک چې په رسول الله صلی الله علیه وسلم کافر شو، د هغه دا ادعا ورته ګټه نه رسوي چې په نورو پیغمبرانو علیهم السلام یې ایمان راوړی دی.

چا چې د رسول الله صلی الله علیه وسلم په اړه نه وي اورېدلي او د اسلام بلنه ورته نه وي رسېدلې، هغه معذور دی او په اخرت کې یې چاره د الله تعالی سره ده.

اسلام د انسان لپاره ګټور تمامیږي که څه هم له مرګ څخه لږ مخکې وي، ولو که د سختې ناروغۍ پر مهال هم وي، خو مخکې لدې چې روح مرۍ ته نه وي رارسیدلی.

د کافرانو دین سم ګڼل - چې یهود او نصارا هم له دوی څخه دي - کفر دی.