Encyclopedia of Prophetic Hadiths

« Ned ning sẽn vẽnegda Alkʋrãanã kɑrengo yaa wala ned ning sẽn vẽnegda sãra, la ned ning sẽn solgda Alkʋrãanã karengo, a yaa wala ned ning sẽn solgda sãra maanego».

«Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye».

«Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».

«Wẽenegã bolgda teoog raaga, la a yãkd a yõodã barka».

«Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye».

«Ra kẽ-y neb nins sẽn wẽg b mensã zags ye, sã n ka mikame tɩ y yaa kũnkumbda, tɩ yaa yεεsg tɩ ra wa paam yãmba bũmb ning sẽn paam bãmbã ye». Rẽ poorẽ pĩng y bõn-zombdɩ wã tɩ b yãge, halɩ n loog n bas-ba a poorẽ wã.

«Ned ning sẽn yelga Harɩɩr fuug dũni kaanẽ, a ka na n yeelg-a yaoolem raarã ye»

Tɩ Weoogẽ laarab n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n wa yeel-a: wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore» la a yeel yã: m wẽen ne mam yõorã sẽn be Naab ning nugẽ wã, m ka na n paas baa fʋɩ woto zug ye, la a sẽn wa n loogã, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «ned ning sẽn wa n nong n rat n na n ges arzãn neda, bɩ a ges yãwã».