«Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».
Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame:
«Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».
«لَا يَحِلُّ لِامْرَأَةٍ مُسْلِمَةٍ تُسَافِرُ مَسِيرَةَ لَيْلَةٍ إِلَّا وَمَعَهَا رَجُلٌ ذُو حُرْمَةٍ مِنْهَا».
Nabiyaamã (Wẽnd pʋʋsg la A tɩlgr be a yĩnga) vẽnegame n wilgdẽ, tɩ b gɩdga ne lɩslaam poaka t'a sã n na n tog sor sẽn ta yʋng kẽnde, rẽndame tɩ rao sẽn yaa a rog-pẽtsã n be ne-a.
A ɭbn Hagar yeelame (Wẽnd na yols-a): sẽn gɩdg tɩ pag ka tõe n tog sor rẽnda a rog-pẽtbã n be ne-a wã, a yaa bũmb sẽn yaa bãngdbã no-sɩɩre, sã n ka hagiimdã la Ʋmrã wã, la sẽn na n yi kɩfẽnd tẽngẽ, la bee a pʋgẽ sãnda sẽn maan t'a yaa hagiimdã sart-rãmba.
Wilgda sãri wã sẽn pidi la a sẽn tar nong-kεgend ne pag gũubã la a kõ-a pãnga.
Kõ-sɩd ne Wẽnd la yaoolem raarã, a maandame tɩ yaa tɩlae tɩ f gãneg f meng ne Wẽnd sãri wã la f yals a todsẽ wã.
Pag mahramã yaa a sɩda maa ned ning a fur sẽn yaa haraam ne-a lae, tɩ yaa pẽt-n-taar rogem yĩnga, maa yẽseng yĩnga, maa reemd yĩnga, t'a yaa lɩslaam, n yaa baalika, n yaa yam soaba, n yaa bas-m-yam soaba, rẽnd b sẽn rat ne mahramã yaa sẽn na n gũ pagã la yik n yals ne a yεlã.
A Al-bayhaƙiy (Wẽnd na yols-) a yeela togsg ning sẽn wa sorã togb woglemã, pag sẽn ka tõe n wogl t'a sã n ka tar mahramã: sẽn boond tɩ so-toak fãa b gɩdgda paga, zem tɩ yaa rasem a tãabo maa rasem a yiibu, maa raar a yembre, maa sẽn yɩɩde, maa zẽng sẽn ka rẽ, ne a ɭbn Abbaas gomdã sẽn yeele, la yẽ me la a Muslim togs baasga: {Ka segd ne pag t'a tog sore, rẽndame tɩ mahram n be ne-a} La yãwã gũbga bũmb fãa b sẽn boond tɩ sore, la hadiis-kãngã yɩɩme n ra zems masaal-rãmba yidgr la b zĩisẽ.
Ṣahɩɩh Al-Bʋẖaary (2/ 43) (1088).
Ṣahɩɩh Muslim (2/ 977) (1339).
Pɑɑgã (6)
تيسير العلام.
لعبد الله البسام (ص374).
تنبيه الأفهام شرح عمدة الإحكام.
لابن عثيمين (3/ 501).
خلاصة الكلام شرح عمدة الأحكام.
لفيصل آل مبارك (ص178).