«Zĩndi, fo Pekrã sẽn rag gɩd foomã tεka, rẽ poorẽ, rasem-kãensã sã n loog bɩ f so»

Kaadgã (bãagã): yaa zɩɩmã yiib sẽn na n kell n duum ne paga, a haydã rasem-rãmbã sẽn sε poorẽ.

Kaad poak soaba, a geenda a menga t'a yaa Pekr soaba rasem nins yẽ sẽn minim n yãt Haydã alkadre, taoor tɩ bũmb ning sẽn paam yẽndã, b sẽn boond tɩ kaadgã na n ka paam-a wã.

A rasem nins yẽ sẽn da minim n yãtẽ wã sã n looge, rẽnd geendame t'a yaa yɩlgemd n yi Pekre, -baa tɩ kaadg zɩɩm sã n ket n be ne-a-, rẽnd a sooda Pekrã wãagr koom.

Kaad poaka, ka tɩlae ne-a t'a so koom Pʋʋsg fãa gill wakat ye, bala Sahaab poakã soob woto wã (Wẽnd yard be a yĩnga), yɩɩme tɩ yaa nidg pãng sẽn yi yẽ nengẽ, sã n rag n yaa tɩlae, Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) rag n na vẽneg n wilgame.

Kaad poaka yaa tɩlae ne-a t'a yõk koom Pʋʋsg fãa gilli, bala yẽnda rẽgdã yiib yaa sẽn duumdi, ka wãagd ye, a bilg-n-taar yaa wala ned sẽn tar rẽgd tɩ yit a nengẽ wakat fãa, wala rʋʋd sẽnese maa rʋʋd ko-yondo, maa sẽed sẽn yit n duumdẽ.