التَّحرِيم is chapter 66 of the Quran and has 12 verses. This page presents it in full in the Uthmani script, with a verse-by-verse translation of its meaning.
يَٰٓأَيُّهَا ٱلنَّبِيُّ لِمَ تُحَرِّمُ مَآ أَحَلَّ ٱللَّهُ لَكَۖ تَبۡتَغِي مَرۡضَاتَ أَزۡوَٰجِكَۚ وَٱللَّهُ غَفُورٞ رَّحِيمٞ
Hay seka a nabi! Ngintu ka ipe-haram nengka su ini-halal nu Allah sa leka, apas nengka bu sa kasuwatan ni kaluma nengka, su Allah i bangampun a malimu.
قَدۡ فَرَضَ ٱللَّهُ لَكُمۡ تَحِلَّةَ أَيۡمَٰنِكُمۡۚ وَٱللَّهُ مَوۡلَىٰكُمۡۖ وَهُوَ ٱلۡعَلِيمُ ٱلۡحَكِيمُ
Saben-sabenal inibpalyugat nu Allah sa lekanu (manga mama) su kaffarah a ka-halal nu sapa nu, endu su Allah i pedtabang sa lekanu endu sekanin i mataw sa endadayta.
وَإِذۡ أَسَرَّ ٱلنَّبِيُّ إِلَىٰ بَعۡضِ أَزۡوَٰجِهِۦ حَدِيثٗا فَلَمَّا نَبَّأَتۡ بِهِۦ وَأَظۡهَرَهُ ٱللَّهُ عَلَيۡهِ عَرَّفَ بَعۡضَهُۥ وَأَعۡرَضَ عَنۢ بَعۡضٖۖ فَلَمَّا نَبَّأَهَا بِهِۦ قَالَتۡ مَنۡ أَنۢبَأَكَ هَٰذَاۖ قَالَ نَبَّأَنِيَ ٱلۡعَلِيمُ ٱلۡخَبِيرُ
Endu aden inisulen (inipagena) nu nabi kanu kaped kanu manga kaluma nin a bityala, na pidtalu nu isa a duwaya kanu ped a duwaya nin, na inipayag nu Allah kanu sinugu nin, na edtalun nu sakataw: entayn i midtalu lun sa leka? Tig nu rasul: pidtalu sa laki nu mataw sa mapayag-masulen.
إِن تَتُوبَآ إِلَى ٱللَّهِ فَقَدۡ صَغَتۡ قُلُوبُكُمَاۖ وَإِن تَظَٰهَرَا عَلَيۡهِ فَإِنَّ ٱللَّهَ هُوَ مَوۡلَىٰهُ وَجِبۡرِيلُ وَصَٰلِحُ ٱلۡمُؤۡمِنِينَۖ وَٱلۡمَلَٰٓئِكَةُ بَعۡدَ ذَٰلِكَ ظَهِيرٌ
Amayka magumbaya kanu duwa (Aisha endu Hafsa) lu sa Allah (na namba i mapya) ka saben-sabenal su pusung nu duwa (pakaniyat sa di kena mapya sabap sa kapangalikud), endu amayka ipayag nu (sa magayun kanu duwa sa satru nu su Muhammad), na saben-sabenal su Allah i tampilin endu su Jibril endu su manga mapya a bamaginugut, endu su malaikat sa ulyan na namba.
عَسَىٰ رَبُّهُۥٓ إِن طَلَّقَكُنَّ أَن يُبۡدِلَهُۥٓ أَزۡوَٰجًا خَيۡرٗا مِّنكُنَّ مُسۡلِمَٰتٖ مُّؤۡمِنَٰتٖ قَٰنِتَٰتٖ تَٰٓئِبَٰتٍ عَٰبِدَٰتٖ سَٰٓئِحَٰتٖ ثَيِّبَٰتٖ وَأَبۡكَارٗا
Ka basi su kadenan i sumambi (sa lekanu duwa) amayka mabelag kanu nin, sa ya pan labi i kapya nin sa lekanu a manga muslimat manga mu’minat, maginugut a manga baratawbat, manga barasimba a matagel tumasbih, bitwanen atawaka laga.
يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ
Hay sekanu anan a bamaginugut dalindingi nu su ginawa nu endu su kaluma nu, wata nu, kanu apuy a belalegan kanu manga kafir endu su manga barahala nilan, aden malaikat a mapasang, da supaken nilan kanu kasuguwan nu Allah i ya nilan galebek na suguwan sa kanilan.
يَٰٓأَيُّهَا ٱلَّذِينَ كَفَرُواْ لَا تَعۡتَذِرُواْ ٱلۡيَوۡمَۖ إِنَّمَا تُجۡزَوۡنَ مَا كُنتُمۡ تَعۡمَلُونَ
Sekanu a manga kafir da kanu den pendawa saguna a gay, ka ya nu bu makwa na su lalaw na galebek nu.
يَٰٓأَيُّهَا ٱلَّذِينَ ءَامَنُواْ تُوبُوٓاْ إِلَى ٱللَّهِ تَوۡبَةٗ نَّصُوحًا عَسَىٰ رَبُّكُمۡ أَن يُكَفِّرَ عَنكُمۡ سَيِّـَٔاتِكُمۡ وَيُدۡخِلَكُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ يَوۡمَ لَا يُخۡزِي ٱللَّهُ ٱلنَّبِيَّ وَٱلَّذِينَ ءَامَنُواْ مَعَهُۥۖ نُورُهُمۡ يَسۡعَىٰ بَيۡنَ أَيۡدِيهِمۡ وَبِأَيۡمَٰنِهِمۡ يَقُولُونَ رَبَّنَآ أَتۡمِمۡ لَنَا نُورَنَا وَٱغۡفِرۡ لَنَآۖ إِنَّكَ عَلَىٰ كُلِّ شَيۡءٖ قَدِيرٞ
Hay sekanu anan a bamaginugut! Edtawbat kanu sa Allah sa benal a kadtawbat, ka malemu kanu Kadenan nu i punasen nin su manga dusa nu, endu paludepen kanu nin sa manga surga a pelagilay sa kababan na ig, kanu gay a di pagkayan nu Allah su manga nabi nin endu su manga bamaginugut a su sigay nilan na sya sa biwang kawanan, ya nilan madtalu: Kadenan nami sampulna ka su sigay nami endu ampun kami, ka seka i pakagaga kanu langun na engagga-isa.
يَٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ
Hay seka a nabi, in-jihad engka su manga kafir endu su manga munafiq endu pakapasangi ka silan, ka ya nilan kambekenan na su naraka jahannam a ngin den a kawag na kadsunudan.
ضَرَبَ ٱللَّهُ مَثَلٗا لِّلَّذِينَ كَفَرُواْ ٱمۡرَأَتَ نُوحٖ وَٱمۡرَأَتَ لُوطٖۖ كَانَتَا تَحۡتَ عَبۡدَيۡنِ مِنۡ عِبَادِنَا صَٰلِحَيۡنِ فَخَانَتَاهُمَا فَلَمۡ يُغۡنِيَا عَنۡهُمَا مِنَ ٱللَّهِ شَيۡـٔٗا وَقِيلَ ٱدۡخُلَا ٱلنَّارَ مَعَ ٱلدَّٰخِلِينَ
Inenggay nu Allah a upaman kanu manga kafir su kaluma nu Nuh endu su kaluma nu Lut, duwa a mama a manga mapya a ulipen nu Allah, ugayd na duwa entu a manga babay na mindupang silan, na da makambarapantag sa kanilan kanu siksa nu Allah apya paydu, ya pidtalu sa kanilan: ludep kanu sa naraka salta kanu pakaludep.
وَضَرَبَ ٱللَّهُ مَثَلٗا لِّلَّذِينَ ءَامَنُواْ ٱمۡرَأَتَ فِرۡعَوۡنَ إِذۡ قَالَتۡ رَبِّ ٱبۡنِ لِي عِندَكَ بَيۡتٗا فِي ٱلۡجَنَّةِ وَنَجِّنِي مِن فِرۡعَوۡنَ وَعَمَلِهِۦ وَنَجِّنِي مِنَ ٱلۡقَوۡمِ ٱلظَّٰلِمِينَ
Endu ini-upama menem nu Allah kanu manga bamaginugut su kaluma ni Fir’awn a ya nin pidtalu: kadenan ku embalayi aku lu sa surga sa walay, endu lepas aku kani Fir’awn endu su galebek nin endu lepas aku kanu manga taw a darwaka.
وَمَرۡيَمَ ٱبۡنَتَ عِمۡرَٰنَ ٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهِ مِن رُّوحِنَا وَصَدَّقَتۡ بِكَلِمَٰتِ رَبِّهَا وَكُتُبِهِۦ وَكَانَتۡ مِنَ ٱلۡقَٰنِتِينَ
Endu si Maryam a wata ni Imran a tinuldu nin su awrat a iniyupan nami kanu ped kanu ngyawa nami, endu nangimbenal kanu manga kadtalu nu Allah endu su manga kitab nin, endu nakuyug kanu pamaginugut (sa Kadenan nin).
