الحدِيد

ﯦ

الحدِيد is chapter 57 of the Quran and has 29 verses. This page presents it in full in the Uthmani script, with a verse-by-verse translation of its meaning.

29 Ayahs Surah No. 57

بِسْمِ ٱللَّهِ ٱلرَّحْمَٰنِ ٱلرَّحِيمِ

57 : 1

سَبَّحَ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

Timasbih kanu Allah su dalem nu manga langit endu lupa, endu sekanin (Allah) i mapulu a mataw sa endadayta.

57 : 2

لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۖ وَهُوَ عَلَىٰ كُلِّ شَيۡءٖ قَدِيرٌ

Lekanin (Allah) su manga langit endu su lupa endu banguyag a bangimatay, endu kagaga nin su langun na enggaga-isa.

57 : 3

هُوَ ٱلۡأَوَّلُ وَٱلۡأٓخِرُ وَٱلظَّٰهِرُ وَٱلۡبَاطِنُۖ وَهُوَ بِكُلِّ شَيۡءٍ عَلِيمٌ

Sekanin (Allah) i danden endu mawli, mapayag-masulen, endu sekanin na langun na enggaga-isa na katawan nin.

57 : 4

هُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۖ وَهُوَ مَعَكُمۡ أَيۡنَ مَا كُنتُمۡۚ وَٱللَّهُ بِمَا تَعۡمَلُونَ بَصِيرٞ

Sekanin (Allah) i minaluy kanu manga langit endu lupa sa naka-nem gay, mawli na pigkahanda nin su Arsh, katawan nin ibeludep sa lupa endu su belyu, endu su pakatulun ebpun sa langit endu su pakapulu lu sa langit, sekanin na salta sa apya endaw kanu makendaw, endu su Allah na katawan nin, gailay nin i langun na manga galebek nu.

57 : 5

لَّهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَإِلَى ٱللَّهِ تُرۡجَعُ ٱلۡأُمُورُ

Endu sekanin (Allah) na gamilikan nin su manga langit endu su lupa, endu lu bun sa lekanin i kadsunudan u langun nu pakarajan nin.

57 : 6

يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِۚ وَهُوَ عَلِيمُۢ بِذَاتِ ٱلصُّدُورِ

Paludepen su magabi kanu malamag, endu paludepen nin su malamag kanu magabi, endu sekanin (Allah) na katawan nin su gatagu kanu laleb nu.

57 : 7

ءَامِنُواْ بِٱللَّهِ وَرَسُولِهِۦ وَأَنفِقُواْ مِمَّا جَعَلَكُم مُّسۡتَخۡلَفِينَ فِيهِۖ فَٱلَّذِينَ ءَامَنُواْ مِنكُمۡ وَأَنفَقُواْ لَهُمۡ أَجۡرٞ كَبِيرٞ

Pangimbenal nu su Allah endu su sinugu nin, endu imbaranggya (enggastu) nu su manga tamuk a inisalig nin sa lekanu, ka su manga bamaginugut sa lekanu a pimbaranggya nilan (su tamuk) na aden sa kanilan i balas a mapulu.

57 : 8

وَمَا لَكُمۡ لَا تُؤۡمِنُونَ بِٱللَّهِ وَٱلرَّسُولُ يَدۡعُوكُمۡ لِتُؤۡمِنُواْ بِرَبِّكُمۡ وَقَدۡ أَخَذَ مِيثَٰقَكُمۡ إِن كُنتُم مُّؤۡمِنِينَ

Da sa lekanu i di kanu mangimbenal sa Allah endu su sinugu nin na bagenggaten kanu nin sa kapangimbenal kanu kadenan nu, endu aden pan inibpasad nin sa lekanu amayka mangimbenal kanu.

57 : 9

هُوَ ٱلَّذِي يُنَزِّلُ عَلَىٰ عَبۡدِهِۦٓ ءَايَٰتِۭ بَيِّنَٰتٖ لِّيُخۡرِجَكُم مِّنَ ٱلظُّلُمَٰتِ إِلَى ٱلنُّورِۚ وَإِنَّ ٱللَّهَ بِكُمۡ لَرَءُوفٞ رَّحِيمٞ

Sekanin (Allah) i papedtulun kanu ulipen nin kanu manga ayat a mapayag, ka endu nin makapalyu kanu malibuteng lu kanu sigay, endu su Kadenan nu na malasem endu malimu sa lekanu.

57 : 10

وَمَا لَكُمۡ أَلَّا تُنفِقُواْ فِي سَبِيلِ ٱللَّهِ وَلِلَّهِ مِيرَٰثُ ٱلسَّمَٰوَٰتِ وَٱلۡأَرۡضِۚ لَا يَسۡتَوِي مِنكُم مَّنۡ أَنفَقَ مِن قَبۡلِ ٱلۡفَتۡحِ وَقَٰتَلَۚ أُوْلَٰٓئِكَ أَعۡظَمُ دَرَجَةٗ مِّنَ ٱلَّذِينَ أَنفَقُواْ مِنۢ بَعۡدُ وَقَٰتَلُواْۚ وَكُلّٗا وَعَدَ ٱللَّهُ ٱلۡحُسۡنَىٰۚ وَٱللَّهُ بِمَا تَعۡمَلُونَ خَبِيرٞ

Endu da sa lekanu i di kanu embaranggya sa lalan sa Allah ka sekanin (Allah) i mawaris kanu dalem nu langit endu lupa, di makapagidsan su mimbaranggya sa da pan makwa (su Makkah) sa mimbunuwa pan, entuba i masla gayd i balas nin kanu mimbaranggya sa ulyan a kinakwa (kanu Makkah) sa mimbunuwa bun, uman isa na pibpasadan nu Allah silan sa surga, su Allah na katawan nin i langun na galebek nu.

57 : 11

مَّن ذَا ٱلَّذِي يُقۡرِضُ ٱللَّهَ قَرۡضًا حَسَنٗا فَيُضَٰعِفَهُۥ لَهُۥ وَلَهُۥٓ أَجۡرٞ كَرِيمٞ

Su taw a pautangen nin sa mapya su Allah, na takepen nu (Allah su balas nin) endu aden balas nin a mapulu.

57 : 12

يَوۡمَ تَرَى ٱلۡمُؤۡمِنِينَ وَٱلۡمُؤۡمِنَٰتِ يَسۡعَىٰ نُورُهُم بَيۡنَ أَيۡدِيهِمۡ وَبِأَيۡمَٰنِهِمۖ بُشۡرَىٰكُمُ ٱلۡيَوۡمَ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ ذَٰلِكَ هُوَ ٱلۡفَوۡزُ ٱلۡعَظِيمُ

Kanu gay a mailay nengka (Muhammad) su mama-babay a manga bamaginugut na belangkap su sigay nilan sa kawanan kasangulan, (edtalun sa kanilan): pakapya nu den su ginawa nu saguna gay ka manga surga a pelagilay kanu kababan na manga ig a dala den kalyu nilan, entu ba a badtugan a masla.

57 : 13

يَوۡمَ يَقُولُ ٱلۡمُنَٰفِقُونَ وَٱلۡمُنَٰفِقَٰتُ لِلَّذِينَ ءَامَنُواْ ٱنظُرُونَا نَقۡتَبِسۡ مِن نُّورِكُمۡ قِيلَ ٱرۡجِعُواْ وَرَآءَكُمۡ فَٱلۡتَمِسُواْ نُورٗاۖ فَضُرِبَ بَيۡنَهُم بِسُورٖ لَّهُۥ بَابُۢ بَاطِنُهُۥ فِيهِ ٱلرَّحۡمَةُ وَظَٰهِرُهُۥ مِن قِبَلِهِ ٱلۡعَذَابُ

(Namba a gay) na gay na madtalu nu manga munafiq a mama-babay kanu manga bamaginugut: ilay kami nu pan ka endu kami makakwa kanu sigay nu, ya edtalun sa kanilan: lu kanu sangul sa taligkudan nu, ka lu kanu ba pangilay sa sigay, a pinageletan silan sa alad a tampal sa ludep kanu manga bamaginugut na limu tampal menem sa kanilan na siksa.

57 : 14

يُنَادُونَهُمۡ أَلَمۡ نَكُن مَّعَكُمۡۖ قَالُواْ بَلَىٰ وَلَٰكِنَّكُمۡ فَتَنتُمۡ أَنفُسَكُمۡ وَتَرَبَّصۡتُمۡ وَٱرۡتَبۡتُمۡ وَغَرَّتۡكُمُ ٱلۡأَمَانِيُّ حَتَّىٰ جَآءَ أَمۡرُ ٱللَّهِ وَغَرَّكُم بِٱللَّهِ ٱلۡغَرُورُ

Edtalun nu manga munafiq: kena ba sekitanu bun lu sa dunya, nya tig nu manga bamaginugut: uway, ugayd na-fitna nu su ginawa nu, endu pagitungan nu sa kabinasa su manga bamaginugut endu minduwa-duwa kanu endu nadulatan kanu na kapeng-gangam, taman sa nawma su kahanda nu Allah, endu nasimpang kanu na manga shaytan kanu simba sa Allah.

57 : 15

فَٱلۡيَوۡمَ لَا يُؤۡخَذُ مِنكُمۡ فِدۡيَةٞ وَلَا مِنَ ٱلَّذِينَ كَفَرُواْۚ مَأۡوَىٰكُمُ ٱلنَّارُۖ هِيَ مَوۡلَىٰكُمۡۖ وَبِئۡسَ ٱلۡمَصِيرُ

Saguna a gay na di nu mapangawn i ginawa nu endu su silan a manga kafir, endu su naraka i walay nu a ngin den i kawag nin.

57 : 16

۞ أَلَمۡ يَأۡنِ لِلَّذِينَ ءَامَنُوٓاْ أَن تَخۡشَعَ قُلُوبُهُمۡ لِذِكۡرِ ٱللَّهِ وَمَا نَزَلَ مِنَ ٱلۡحَقِّ وَلَا يَكُونُواْ كَٱلَّذِينَ أُوتُواْ ٱلۡكِتَٰبَ مِن قَبۡلُ فَطَالَ عَلَيۡهِمُ ٱلۡأَمَدُ فَقَسَتۡ قُلُوبُهُمۡۖ وَكَثِيرٞ مِّنۡهُمۡ فَٰسِقُونَ

Ngintu da pan mawma i waktu kanu manga bamaginugut a kagkalemek nu pusung nilan sa tadem sa Allah, endu su nakatulun a bantang, di silan enggula sa mana su manga taw a nawna sa kanilan a aden kitab nin a migkalendu su timpu nilan sa dunya, na migkategas i manga pusung nilan, na madakel sa kanilan i manga faasiq.

57 : 17

ٱعۡلَمُوٓاْ أَنَّ ٱللَّهَ يُحۡيِ ٱلۡأَرۡضَ بَعۡدَ مَوۡتِهَاۚ قَدۡ بَيَّنَّا لَكُمُ ٱلۡأٓيَٰتِ لَعَلَّكُمۡ تَعۡقِلُونَ

Tuntayi nu su Allah na uyagen nin su lupa kanu ulyan na kinapatay nin, saben-sabenal a inipayag nami sa lekanu su manga ayatan ka endu katagwan na ungangen.

57 : 18

إِنَّ ٱلۡمُصَّدِّقِينَ وَٱلۡمُصَّدِّقَٰتِ وَأَقۡرَضُواْ ٱللَّهَ قَرۡضًا حَسَنٗا يُضَٰعَفُ لَهُمۡ وَلَهُمۡ أَجۡرٞ كَرِيمٞ

Saben-sabenal su mama-babay a midsadaqah, endu pinautang nilan su Allah sa mapya, na takepen sa kanilan (su rizki) endu aden pan balas sa kanilan a mapulu.

57 : 19

وَٱلَّذِينَ ءَامَنُواْ بِٱللَّهِ وَرُسُلِهِۦٓ أُوْلَٰٓئِكَ هُمُ ٱلصِّدِّيقُونَۖ وَٱلشُّهَدَآءُ عِندَ رَبِّهِمۡ لَهُمۡ أَجۡرُهُمۡ وَنُورُهُمۡۖ وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَٰٓئِكَ أَصۡحَٰبُ ٱلۡجَحِيمِ

Endu su manga taw a nangimbenal sa Allah endu su sinugu nin na silan ba i manga siddiq endu manga shuhada lu sa Kadenan nilan, endu aden balas nilan, su manga kafir menem endu napandalbut kanu manga ayatan nami na entu ba i manga taw kigkwan sa naraka jaheem.

57 : 20

ٱعۡلَمُوٓاْ أَنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞ وَزِينَةٞ وَتَفَاخُرُۢ بَيۡنَكُمۡ وَتَكَاثُرٞ فِي ٱلۡأَمۡوَٰلِ وَٱلۡأَوۡلَٰدِۖ كَمَثَلِ غَيۡثٍ أَعۡجَبَ ٱلۡكُفَّارَ نَبَاتُهُۥ ثُمَّ يَهِيجُ فَتَرَىٰهُ مُصۡفَرّٗا ثُمَّ يَكُونُ حُطَٰمٗاۖ وَفِي ٱلۡأٓخِرَةِ عَذَابٞ شَدِيدٞ وَمَغۡفِرَةٞ مِّنَ ٱللَّهِ وَرِضۡوَٰنٞۚ وَمَا ٱلۡحَيَوٰةُ ٱلدُّنۡيَآ إِلَّا مَتَٰعُ ٱلۡغُرُورِ

Tuntayi nu su kabpaguyag sa dunya na kandadalmet bu endu kadsimpang endu kabpalas-palas bu endu kapagandagaya bu endu kapegkadakel sa tamuk endu muli a taw, mana upaman a talyawid a nasugat a ulan su pamulan nin na midsubing mawli na nakuku, na lu sa gay a mawli na upama di kena siksa a mapasang atawaka ampun ebpun sa Allah endu kasuwatan nin, da kanu kapaguyag sya sa dunya a di kena kagkalini a pakadulat.

57 : 21

سَابِقُوٓاْ إِلَىٰ مَغۡفِرَةٖ مِّن رَّبِّكُمۡ وَجَنَّةٍ عَرۡضُهَا كَعَرۡضِ ٱلسَّمَآءِ وَٱلۡأَرۡضِ أُعِدَّتۡ لِلَّذِينَ ءَامَنُواْ بِٱللَّهِ وَرُسُلِهِۦۚ ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ

Egkuya-kuya kanu sa kanu ampun ebpun kanu Kadenan nu, endu surga a mana kawlad na manga langit endu lupa (namba i manawt a surga) inidtatalenga kanu manga bamaginugut sa Allah endu su sinugu nin, sa entu ba limu nu Allah inggay nin kanu pegkyugan nin kanu manga ulipen nin, su Allah i kigkuwan sa limu a masla.

57 : 22

مَآ أَصَابَ مِن مُّصِيبَةٖ فِي ٱلۡأَرۡضِ وَلَا فِيٓ أَنفُسِكُمۡ إِلَّا فِي كِتَٰبٖ مِّن قَبۡلِ أَن نَّبۡرَأَهَآۚ إِنَّ ذَٰلِكَ عَلَى ٱللَّهِ يَسِيرٞ

Dala pembuwat a tyuba sya sa lupa atawaka sya kanu lawas nu a di kena natagu bun sa kitab sa dala pan makambuwat, saben-sabenal su entu ba na malemu gayd sa Allah.

57 : 23

لِّكَيۡلَا تَأۡسَوۡاْ عَلَىٰ مَا فَاتَكُمۡ وَلَا تَفۡرَحُواْ بِمَآ ءَاتَىٰكُمۡۗ وَٱللَّهُ لَا يُحِبُّ كُلَّ مُخۡتَالٖ فَخُورٍ

Ka endu di malidu i ginawa nu kanu dala nu makwa, na da kanu menem magalaw kanu nakwa nu a inenggay nu Allah sa lekanu, su Allah na di nin kalilinyan i masandag endu emamasla.

57 : 24

ٱلَّذِينَ يَبۡخَلُونَ وَيَأۡمُرُونَ ٱلنَّاسَ بِٱلۡبُخۡلِۗ وَمَن يَتَوَلَّ فَإِنَّ ٱللَّهَ هُوَ ٱلۡغَنِيُّ ٱلۡحَمِيدُ

Su silan a manga taw a masingit endu ipedsugu nilan kanu manga taw i kasingit, na su taw a di tumalima sa indawan nu Allah na sekanin (Allah) i kawasa a pebpugin.

57 : 25

لَقَدۡ أَرۡسَلۡنَا رُسُلَنَا بِٱلۡبَيِّنَٰتِ وَأَنزَلۡنَا مَعَهُمُ ٱلۡكِتَٰبَ وَٱلۡمِيزَانَ لِيَقُومَ ٱلنَّاسُ بِٱلۡقِسۡطِۖ وَأَنزَلۡنَا ٱلۡحَدِيدَ فِيهِ بَأۡسٞ شَدِيدٞ وَمَنَٰفِعُ لِلنَّاسِ وَلِيَعۡلَمَ ٱللَّهُ مَن يَنصُرُهُۥ وَرُسُلَهُۥ بِٱلۡغَيۡبِۚ إِنَّ ٱللَّهَ قَوِيٌّ عَزِيزٞ

Saben-sabenal a sinugu nami su manga rasul sa mapayag i napananggit nilan, endu initulun nami sa kanilan i kitab endu su timbangan ka endu makang-gulalan kanu manga taw su bantang, endu initulun nami su putaw a sangat a makagkayd a makambarapantag kanu manga taw, ka endu katawan nu Allah entayn i temabang kanu agama nin endu su sinugu nin, ka saben-sabenal a mabagel su Allah a mapulu.

57 : 26

وَلَقَدۡ أَرۡسَلۡنَا نُوحٗا وَإِبۡرَٰهِيمَ وَجَعَلۡنَا فِي ذُرِّيَّتِهِمَا ٱلنُّبُوَّةَ وَٱلۡكِتَٰبَۖ فَمِنۡهُم مُّهۡتَدٖۖ وَكَثِيرٞ مِّنۡهُمۡ فَٰسِقُونَ

Endu saben-sabenal a sinugu nami si Nuh endu si Ibrahim, endu binaluy nami kanu muli a taw nilan i kanabi endu kitab, aden sa kanilan i natutulu, madakel bun menem i manga faasiq.

57 : 27

ثُمَّ قَفَّيۡنَا عَلَىٰٓ ءَاثَٰرِهِم بِرُسُلِنَا وَقَفَّيۡنَا بِعِيسَى ٱبۡنِ مَرۡيَمَ وَءَاتَيۡنَٰهُ ٱلۡإِنجِيلَۖ وَجَعَلۡنَا فِي قُلُوبِ ٱلَّذِينَ ٱتَّبَعُوهُ رَأۡفَةٗ وَرَحۡمَةٗۚ وَرَهۡبَانِيَّةً ٱبۡتَدَعُوهَا مَا كَتَبۡنَٰهَا عَلَيۡهِمۡ إِلَّا ٱبۡتِغَآءَ رِضۡوَٰنِ ٱللَّهِ فَمَا رَعَوۡهَا حَقَّ رِعَايَتِهَاۖ فَـَٔاتَيۡنَا ٱلَّذِينَ ءَامَنُواْ مِنۡهُمۡ أَجۡرَهُمۡۖ وَكَثِيرٞ مِّنۡهُمۡ فَٰسِقُونَ

Mawli na pinatundugan nami silan kanu manga sinugu nami, endu pinatundug nami si Eisa a wata ni Maryam, endu inenggan nami sekanin sa Injil endu binaluy nami kanu manga pusung nu minunut sa lekanin i kalasam endu kalimu, endu katagak sa dunya a inidtebu nilan, di kena nami ini-faradu sa kanilan, tuntut nilan sa kasuwat nu Allah, ugayd na dala nilan tyakapi sa benal,endu inenggan nami bun silan sa balas, na ya madakel sa kanilan i faasiq.

57 : 28

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَءَامِنُواْ بِرَسُولِهِۦ يُؤۡتِكُمۡ كِفۡلَيۡنِ مِن رَّحۡمَتِهِۦ وَيَجۡعَل لَّكُمۡ نُورٗا تَمۡشُونَ بِهِۦ وَيَغۡفِرۡ لَكُمۡۚ وَٱللَّهُ غَفُورٞ رَّحِيمٞ

Hay sekanu anan a bamaginugut! Ikagilek nu su Allah endu pangimbenal nu su sinugu nin, ka enggan kanu nin sa duwa a balas a mapya ebpun kanu limu nin endu enggan kanu nin pan sa sigay a madselu nu sa titayan, endu ampunen kanu nin, ka su Allah na bangampun a malimu.

57 : 29

لِّئَلَّا يَعۡلَمَ أَهۡلُ ٱلۡكِتَٰبِ أَلَّا يَقۡدِرُونَ عَلَىٰ شَيۡءٖ مِّن فَضۡلِ ٱللَّهِ وَأَنَّ ٱلۡفَضۡلَ بِيَدِ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ

Ka endu katawan nu aden kitab nin i da magaga nilan kanu limu nu Allah, inggay nu (Allah) kanu magkahanda nin, endu su Allah i kigkuwan sa limu a masla.

Previous Surah Next Surah

الحدِيد

Scan to Share