الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٖ مُّبِينٖ
Alif-Laam-Ra (su Allah i mataw kanu ma'na nin), su manga ayatan (tanda) u kitab endu su Qur’an a mapayag.
عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
Surah List /
الحِجر
ﮛالحِجر is chapter 15 of the Quran and has 99 verses. This page presents it in full in the Uthmani script, with a verse-by-verse translation of its meaning.
99 Ayahs Surah No. 15
بِسْمِ ٱللَّهِ ٱلرَّحْمَٰنِ ٱلرَّحِيمِ
رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ
Di ebplis na makapanganganay su manga kafir (lu sa naraka) sa u nya ba ka Muslim tanu bu (na di tanu matangen sa naraka).
ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ
Pasagadi ka (Muhammad) i kuman bu endu egkakalini bu silan, endu malimpang silan kanu banganganin nilan, ka di ebplis na katawan nilan bu.
وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٞ مَّعۡلُومٞ
Endu dala bininasa nami a dalpa ya tabiya na aden pan kanilan i kitab a gatawan nilan bun.
مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ
Di mawna su ummat kanu ajalin u nauma endu dili bun makasundul.
وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٞ
Endu pidtalu nilan: huu seka (Muhammad) a tinulunan sa dhikr (Qur’an), na saben-sabenal na seka na buneg ka.
لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ
U namba ka ya nengka pambuwaten sa lekami na malaikat amayka naluyug ka kanu manga taw a benal i kadtalu nin.
مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذٗا مُّنظَرِينَ
(Tig nu Allah): di nami patulunen su malaikat ya tabiya na siksa i makatingguma nin, endu dala den masama kanilan.
إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ
(Tig nu Allah): saben-sabenal a sekami na initulun nami su Qur’an, endu sekami bun i pebparihala lun. (sa di kawmanan-dikakulangan).
وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ
Endu saben-sabenal a sinugu nami bun i nauna sa leka (Muhammad) lu kanu lumpukan nu nangawna (manga taw).
وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ
Da pakawma kanilan a sinugu ya tabiya na bagungaten nilan bu su sinugu.
كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ
Mamba i kinapaludep ami sya kanu manga atay nu manga baradusa (na kapagungat kanu manga sinugo).
لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ
Di silan mangimbenal sa sinugu, endu naypus su pinakaydan nu Allah kanu bininasa nin (na di pon ma-indaw) na dili sumala na binasan nami silan sabap kanu kapedsupak nilan.
وَلَوۡ فَتَحۡنَا عَلَيۡهِم بَابٗا مِّنَ ٱلسَّمَآءِ فَظَلُّواْ فِيهِ يَعۡرُجُونَ
Endu u mana bu ka inukan nami kanu manga (malaikat) i bengawan ebpun sa langit na edsusukelya silan mamanik.
لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٞ مَّسۡحُورُونَ
Edtalun nilan: pinamakaydan ni (Muhammad) su mata tanu, na sekitanu su manga taw a nasugat a sih'r (pantak).
وَلَقَدۡ جَعَلۡنَا فِي ٱلسَّمَآءِ بُرُوجٗا وَزَيَّنَّٰهَا لِلنَّٰظِرِينَ
Endu saben-sabenal a binaluy nami sya ku langit i manga masla a bitun (tampat u senang) endu pibpalasan nami kanu (mata nu) pamakailay.
وَحَفِظۡنَٰهَا مِن كُلِّ شَيۡطَٰنٖ رَّجِيمٍ
Endu pinarihala nami langit (inamba) kanu manga Shaytan a inawa sa kanilan su limu nu Allah (ka endu dili silan makasiken).
إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٞ مُّبِينٞ
Ya tabiya na su banegkaw bakikineg (a shaytan) na pembalantayn kanu matinang a mapayag (tay na bitun- tig nu manga lukes).
وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٖ مَّوۡزُونٖ
Endu su lupa na binelat nami endu binetadan nami sa manga palaw, endu pinatuwan nami sa embalang-balang i palasin a na-ukul i uman isa.
وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ
Endu binaluy nami sa lekanu sya sa lupa i kauyagan nu, endu su manga taw na di kena sekanu i pe-rizki lun.
وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٖ مَّعۡلُومٖ
Endu dala kanu enggaga-isa a di kena sya sa lekami i gunsi nin, endu di nami patulunen u di kena naukul a natawan.
وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءٗ فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ
Endu sinugu nami i sambel a pedsedseg sa dadtem na pinatulun nami ebpun sa langit su ig, na pina-inum nami sekanu, endu di kena sekanu i pedtuganul sa gunsi nin.
وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ
Endu saben-sabenal a sekami i banguyag endu bangimatay, endu sekami (Allah) i makawaris sa dunya endu su dalemin.
وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ
Endu saben-sabenal a natawan nami (Allah) su nangawna sa leka, endu natawan nami su nawli pan sa lekanu.
وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٞ
Endu su Kadenan nengka na buligen in silan, ka su Allah na katawanin i mapayag-masulen.
وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٖ مِّنۡ حَمَإٖ مَّسۡنُونٖ
Endu binaluy nami su manusya ebpun sa libubuk a lupa a mategas a matilak (mana kebing).
وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ
Endu binaluy nami su jin sa unan i Adam sa apuy sa bendes e kayaw nin.
وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن صَلۡصَٰلٖ مِّنۡ حَمَإٖ مَّسۡنُونٖ
Endu labit ka i pidtalu nu Allah kanu manga malaikat i bamaluy aku sa manusya a yanin asal na libubuk a lupa a mategas a matilak.
فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ
Na amayka pinabpalas ku den endu nabetadan ko sa ngyawa (su Adam) na embetad kanu sa sujud kanu (kani Adam)
فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ
Sinumugyud su manga malaikat sa langun nilan.
إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ
Ya bu tabiya (a dala sugyud) na si Iblis, ka nabensi sa makakuyug kanu namedsugyud.
قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ
Tig nu Allah: seka Iblis ngin i nakabangun sa leka ka da ka makuyug kanu manga malaikat a sinumugyud?
قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ
Tig nu Iblis: da aku maaden sa sumugyud sa manusya a binaluy nengka sa ya nin andangan na libubuk a lupa a mategas a matilak.
قَالَ فَٱخۡرُجۡ مِنۡهَا فَإِنَّكَ رَجِيمٞ
Tig nu Allah: liyu ka sa surga, ka saben-sabenal sa leka na inawa sa leka su limu nu Allah.
وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ
Nanget sa leka su mulka ku taman sa gay a mawli.
قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ
Endu tig nu Iblis: Kadenan ku pakalendu ka i umur ku taman sa kambuwat sa kubur.
قَالَ فَإِنَّكَ مِنَ ٱلۡمُنظَرِينَ
Tig nu Allah: kuyug ka den kanu manga lendu i umur in.
إِلَىٰ يَوۡمِ ٱلۡوَقۡتِ ٱلۡمَعۡلُومِ
Taman bu kanu gay a waktu a natawan (kabangkit sa dunya).
قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ
Tig nu Iblis: Kadenan ku kagina ka namulkan aku na ebpiyapiyanan ku kanilan sya sa lupa su kadupangan, endu tadingeng ku silan tanan a manusya.
إِلَّا عِبَادَكَ مِنۡهُمُ ٱلۡمُخۡلَصِينَ
Ya bu tabiya na su manga ulipen nengka a manga ikhlas.
قَالَ هَٰذَا صِرَٰطٌ عَلَيَّ مُسۡتَقِيمٌ
Tig nu Allah: nan su lalan a matidtu a titayan nu sa kasampay sya sa laki.
إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ
Endu saben-sabenal su manga ulipen ku na da bagel nengka kanilan sa katading nilan, ya bu tabiya na su minunut sa leka a sinumibay kanu lalan ku.
وَإِنَّ جَهَنَّمَ لَمَوۡعِدُهُمۡ أَجۡمَعِينَ
Endu benal su naraka (jahannam) i pasad kanilan langun.
لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ
A pitu i bengawanin, uman isa a bengawan na pimbad-bad sa uman i dayt a galebek u taw a kadarwakan.
إِنَّ ٱلۡمُتَّقِينَ فِي جَنَّٰتٖ وَعُيُونٍ
Saben-sabenal su manga taw a magilek sa Allah na lu silan kanu manga surga a manga buwal.
ٱدۡخُلُوهَا بِسَلَٰمٍ ءَامِنِينَ
(Pidtalu kanilan): ludep kanu den lu ba (surga) sa sagyahatra kanu, tumatana kanu.
وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ
Endu inawa nami kanu laleb ilan su kandedengkya, sa edusuled silan, sa bagayan silan kanu manga kantil (katri) a pedsasangula.
لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ
Da magedam nilan a lugat sa surga, endu dala kanilan i makalyu silan sa surga.
۞ نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ
Panudtul ka (Muhammad) kanu manga ulipen ku i saki na bangampun a malimu.
وَأَنَّ عَذَابِي هُوَ ٱلۡعَذَابُ ٱلۡأَلِيمُ
Endu su siksa ku na entu ba i siksa a masakit a mapasang.
وَنَبِّئۡهُمۡ عَن ضَيۡفِ إِبۡرَٰهِيمَ
Endu panudtul ka kanilan su (bisita) nu Ibrahim.
إِذۡ دَخَلُواْ عَلَيۡهِ فَقَالُواْ سَلَٰمٗا قَالَ إِنَّا مِنكُمۡ وَجِلُونَ
Su timpu a kinaludep nilan na yanilan pidtalu na salaam (tig nu Ibrahim): sekami na bangandam kami ebpun sa lekanu.
قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٖ
Tig nilan: da ka bangandam ka pedtalun nami sa leka i kalilinyan nengka, makambata kanu sa wata a mama a madakel i katawan nin.
قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ
Tig nu Ibrahim: panudtulan aku nu sa mapya, na saki na nagaws ako na katuwa (su Ibrahim na 120 i lagun in, su Sarah na 90 lagun).
قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ
Tig nu manga malaikat: tudtulan nami anya na benal, na da ka penggula sa makuyug ka kanu manga taw a nangatebpedan na inam.
قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ
Tig nilan: dala taw a tinebpedin i inamin kanu limu nu Allah ya tabiya na su manga taw a nangatading.
قَالَ فَمَا خَطۡبُكُمۡ أَيُّهَا ٱلۡمُرۡسَلُونَ
Tig nu Ibrahim: ngin i galebek u sekanu a manga sinugu?
قَالُوٓاْ إِنَّآ أُرۡسِلۡنَآ إِلَىٰ قَوۡمٖ مُّجۡرِمِينَ
Ya nilan pidtalu: sinugu kami san sa manga taw anan a manga darwaka.
إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ
Ya bu tabiya na su madadseg (naginugut) kanu Lut, ka lepasen nami silan tanan.
إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ
Ya bu tabiya na si kaluma nin ka inukul den sa maka-amung kanu gangabinasa.
فَلَمَّا جَآءَ ءَالَ لُوطٍ ٱلۡمُرۡسَلُونَ
Guna makawma kanu Lut endu su kadakelin su manga sinugu (malaikat)
قَالَ إِنَّكُمۡ قَوۡمٞ مُّنكَرُونَ
Tig nu Lut: saben-sabenal a sekanu a manga taw na di nami katawan sekanu.
قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ
Tig nilan: ugayd nakawma kami sa leka sa siksa kanu taw nengka sabap kanu kadupang nilan.
وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ
Endu initingguma nami sa leka su benal ka sekami na bangimbenal kami.
فَأَسۡرِ بِأَهۡلِكَ بِقِطۡعٖ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٞ وَٱمۡضُواْ حَيۡثُ تُؤۡمَرُونَ
Paganat ka i kadakel nengka sa di pan mapita, endu lu ka (tampal) sa ulyan nilan, endu di lemengi uman-isa sa lekanu, endu lu kanu ebpawang kanu pedsuguwan sa lekanu (lu sa Shaam).
وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٞ مُّصۡبِحِينَ
Endu ini-wahi nami kanu Lut intuba a suguwan, na benal intu a manga taw (manga darwaka) na di ebplis sa magan mapita i kawma nin (su siksa).
وَجَآءَ أَهۡلُ ٱلۡمَدِينَةِ يَسۡتَبۡشِرُونَ
Endu salta na nakawma (lu kani Lut) su taw nu dalpa a manga darwaka a gangalilini.
قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ
Tig nu Lut: saben-sabenal su silan ba nan na manga bisita ku, na di aku nu mapagkaya.
وَٱتَّقُواْ ٱللَّهَ وَلَا تُخۡزُونِ
Endu ikagilek nu su Allah, endu dili aku nu pabpelusak (papegkaya).
قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ
Tig nilan: kena ba sinapalan nami seka sa endaw i kyug ami na da ka mamung?
قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ
Tig nu (Lut): nan su manga wata ku a manga babay na pangaluma nu silan amayka aden kahanda nu.
لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ
Inidsapa nu Allah kanu uyag-uyag nu (Muhammad) na tidtu den a nadalem sa katadingan su manga taw nu Lut.
فَأَخَذَتۡهُمُ ٱلصَّيۡحَةُ مُشۡرِقِينَ
Na nasugat silan a kilat sa kanu kutika a kapedsebang u senang.
فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةٗ مِّن سِجِّيلٍ
Na binaluy nami su dalpa nilan sa nakelid, endu pina-ulanan nami silan sa watu a lupa bun a midtegas a apuy.
إِنَّ فِي ذَٰلِكَ لَأٓيَٰتٖ لِّلۡمُتَوَسِّمِينَ
Saben-sabenal a lu ba su manga tanda nu Allah sa kapegkagaga nin kanu aden pikiranin.
وَإِنَّهَا لَبِسَبِيلٖ مُّقِيمٍ
Endu benal intu (a dalpa) na lalan na mapayag. (lalan ebpun sa Makkah, pawang sa Syria).
إِنَّ فِي ذَٰلِكَ لَأٓيَةٗ لِّلۡمُؤۡمِنِينَ
Lu ba natagu su manga tanda nu Allah kanu manga mu'min.
وَإِن كَانَ أَصۡحَٰبُ ٱلۡأَيۡكَةِ لَظَٰلِمِينَ
Endu kaaden u kigkuwan (pegkakaleben) sa manga kayu na manga kafir (manga taw sa Madian a kawm nu Shu'aib) na natading nilan su ginawa nilan, sabap kanu kinagkafir nilan kanu Allah, endu su sinugu nin.
فَٱنتَقَمۡنَا مِنۡهُمۡ وَإِنَّهُمَا لَبِإِمَامٖ مُّبِينٖ
Na sinupan (sinuliyan) nami silan (su manga taw ni Lut endu su manga taw nu Shu’aib) endu duwa anan a dalpa na masupeg i pageletan nin, endu aden lalanin a mapayag kanu entayn i mukit.
وَلَقَدۡ كَذَّبَ أَصۡحَٰبُ ٱلۡحِجۡرِ ٱلۡمُرۡسَلِينَ
Endu tidtu a napandalbut sa sinugu su taw nu Hijr (dalpa nu Thamud).
وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ
Endu inenggay nami kanilan i manga ayatan nami, na ya nilan pinggula na pimbalawagan nilan.
وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ
Endu ya nilan galebek na bamesuwan nilan i manga palaw, ka bagumbal silan sa manga walay (ya nilan talima) na tumatana silan (di silan masugat a tyuba).
فَأَخَذَتۡهُمُ ٱلصَّيۡحَةُ مُصۡبِحِينَ
Na nasugat bun silan na kilat sa mapita.
فَمَآ أَغۡنَىٰ عَنۡهُم مَّا كَانُواْ يَكۡسِبُونَ
Na dala makangguna kanilan su nganin a pantiyaliyan nilan a tamuk atawa bagel.
وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٞۖ فَٱصۡفَحِ ٱلصَّفۡحَ ٱلۡجَمِيلَ
Endu dala kanu kinabaluy nami kanu manga langit endu lupa endu su pageletanin, ya tabiya na benal, endu su gay a mawli na di ebplis na makawma, na tigkel ka sa katigkel a matilak.
إِنَّ رَبَّكَ هُوَ ٱلۡخَلَّٰقُ ٱلۡعَلِيمُ
Benal su Kadenan nengka i bamaluy a mataw.
وَلَقَدۡ ءَاتَيۡنَٰكَ سَبۡعٗا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ
Saben-sabenal a inenggay nami sa leka (su Al-Fatihah) endu su Qur’an a masla.
لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ
Di ka edtungangeni su inenggay nami kanilan (a manga kafir) embalangan a limu, endu di ka lumidu i ginawa nengka kanilan (sa di silan bangimbenal) endu embaba ka kanu manga mu'min.
وَقُلۡ إِنِّيٓ أَنَا ٱلنَّذِيرُ ٱلۡمُبِينُ
Endu edtalu ka kanilan: saki na papedsampay aku bu a mapayag.
كَمَآ أَنزَلۡنَا عَلَى ٱلۡمُقۡتَسِمِينَ
Ka mana bun inan su kinapatulun ami (sa siksa) kanu manga taw a nalityala, na migkafir su ped kanu (su Qur’an).
ٱلَّذِينَ جَعَلُواْ ٱلۡقُرۡءَانَ عِضِينَ
Silan na ya nilan pinakaydan (sa Qur’an) na madakel i embalanganin (palityalan su sabad, supaken i sabad).
فَوَرَبِّكَ لَنَسۡـَٔلَنَّهُمۡ أَجۡمَعِينَ
Endu ibet kanu Kadenan nengka (Muhammad) na tidtu a idsan nami silan tanan.
عَمَّا كَانُواْ يَعۡمَلُونَ
Kanu manga galebek nilan.
فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ
Na patalus ka bun (Muhammad) su ipedsugu sa leka, endu embalawagi ka su manga mushrik.
إِنَّا كَفَيۡنَٰكَ ٱلۡمُسۡتَهۡزِءِينَ
Saben-sabenal a pinarihala nami seka kanu bagungat salka.
ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ
A silan na bagumbalan nilan sa tagapeda su Allah, na di ebplis na katawan nilan bu (madsemak nilan) i siksa nilan.
وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ
Saben-sabenal a katawan nami i lidu na ginawa nengka kanu kadtalu nilan sa leka (sa buneg ka, malbut ka, endu ped pan).
فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ
Na tasbih-tadem ka sa pugi nengka su Kadenan nengka, endu pangaden ka sa (isa ka) kanu manga pedsugyud sa Allah.
وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ
Endu simba ka su Kadenan nengka (sa embalangan a simba sa lekanin) taman a makawma den sa leka su kapatay.
Available languages
العربية Qafár af Shqip አማርኛ أنكو Akan অসমীয়া Azərbaycanca Bisaya Bosanski 中文 Hrvatski Nederlands English Français Deutsch ગુજરાતી Hausa हिन्दी Ikirundi Indonesia 日本語 ಕನ್ನಡ ភាសាខ្មែរ Ikinyarwanda كوردی سۆرانی Kyrgyz Lingala lietuvių Македонски Maguindanaon മലയാളം Mõõré oromoo پښتو فارسی Portuguese ਪੰਜਾਬੀ Română Српски සිංහල Soomaaliga Español Kiswahili Tagalog Тоҷикӣ தமிழ் తెలుగు Türkçe اردو ئۇيغۇرچە Ўзбек Việt Nam Yorùbá