Surah العَاديَات

وَٱلۡعَٰدِيَٰتِ ضَبۡحٗا

Idsapa ku kanu manga kuda a palalaguy sa malangkas kanu kapendagesin.

فَٱلۡمُورِيَٰتِ قَدۡحٗا

Sa siya kanu kapegkambat nu manga kuba-kuba nu kuda nilan a pedsila.

فَٱلۡمُغِيرَٰتِ صُبۡحٗا

Ya nilan kabpelumpak na magan mapita.

فَأَثَرۡنَ بِهِۦ نَقۡعٗا

Na pakadtapuyak su libubuk.

فَوَسَطۡنَ بِهِۦ جَمۡعًا

Na pebpatilukan nilan su lumpukan nu kuntla.

إِنَّ ٱلۡإِنسَٰنَ لِرَبِّهِۦ لَكَنُودٞ

Saben-sabenal su manusya kanu Kadenan nin na pupus i kasupakin.

وَإِنَّهُۥ عَلَىٰ ذَٰلِكَ لَشَهِيدٞ

Endu saben-sabenal a sekanin a manusya kanu entu a kapedsupakin na gadsaksiyan nin.

وَإِنَّهُۥ لِحُبِّ ٱلۡخَيۡرِ لَشَدِيدٌ

Na endu saben-sabenal na su manusya na sangat i kalilini nin sa mapya.

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Ngintu di nilan katawan amayka balikwaten den su ngani-nganin a nadalem kanu pakuburan?

وَحُصِّلَ مَا فِي ٱلصُّدُورِ

Endu ipayag den su manga nakadalem kanu manga laleb.

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

Saben-sabenal na su Kadenan nilan kanu entuba a gay i mamanudtulan.

العَاديَات