((هشیاربن (نێزیكه ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه و فه‌رمووده‌یه‌ك ژ فه‌رمووده‌یێن من دێ بۆ وی هێته گۆتن، ئه‌و ژی دێ بێژیت: د ناڤبه‌را مه و هه‌وه‌دا په‌ڕتووكا خودێیه
ژ میقدامێ كوڕێ مه‌عدیكه‌ریبی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((هشیاربن (نێزیكه ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه و فه‌رمووده‌یه‌ك ژ فه‌رمووده‌یێن من دێ بۆ وی هێته گۆتن، ئه‌و ژی دێ بێژیت: د ناڤبه‌را مه و هه‌وه‌دا په‌ڕتووكا خودێیه، ڤێجا هه‌ر تشتێ مه د وێدا دیت یێ حه‌لاله؛ ئه‌م ژی دێ ب حه‌لال دانین، و هه‌ر تشته‌كێ مه د وێدا دیت یێ حه‌رامه؛ ئه‌م ژی دێ ب حه‌رام دانین، و ب ڕاستی هه‌ر تشته‌كێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) حه‌رام كربیت، وه‌كی وی تشتییه یێ خودێ حه‌رام كربیت)).
«أَلَا هَلْ عَسَى رَجُلٌ يَبْلُغُهُ الْحَدِيثُ عَنِّي وَهُوَ مُتَّكِئٌ عَلَى أَرِيكَتِهِ فَيَقُولُ: بَيْنَنَا وَبَيْنَكُمْ كِتَابُ اللهِ، فَمَا وَجَدْنَا فِيهِ حَلَالًا اسْتَحْلَلْنَاهُ، وَمَا وَجَدْنَا فِيهِ حَرَامًا حَرَّمْنَاهُ، وَإِنَّ مَا حَرَّمَ رَسُولُ اللهِ صَلَّى اللهُ عَلَيْهِ وَسَلَّمَ كَمَا حَرَّمَ اللهُ».
پێغه‌مبه‌ری (صه‌لات و سه‌لامێن خودێ ل سه‌ر بن) ده‌نگوباس ب وێ ئێكێ دایه كو نێزیكه ده‌مه‌ك دێ هێت جۆره‌كێ مرۆڤان تێدا یێ ڕوینشتییه و یێ پالڤه‌داییه ل سه‌ر جهێ خۆ، ڤێجا فه‌رمووده‌یه‌ك ژ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) دێ گه‌هیته وی، ئه‌و ژی دێ بێژیت: ئه‌و تشتێ بابه‌تان د ناڤبه‌را مه و هه‌وه ژێك جودا دكه‌ت؛ قورئانا پیرۆزه، ئه‌و تێرا مه هه‌یه، له‌وا هه‌ر تشتێ مه د وێدا دیت یێ حه‌لاله؛ دێ كار پێ كه‌ین، و هه‌ر تشته‌كێ مه د وێدا دیت یێ حه‌رامه؛ دێ ژێ دویر كه‌ڤین و ناكه‌ین. پاشی پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو هه‌ر تشته‌كێ وی د سوننه‌تا خۆدا حه‌رام كربیت یان پاشڤه‌برن ژێ كربیت؛ د حوكمێ خۆدا وه‌كی وی تشتییه یێ خودێ د په‌ڕتووكا خۆدا (كو قورئانه) حه‌رام كری، چونكی ئه‌و ژی هه‌ر تشتی ژ ده‌ڤ خودێ دئینیت و ڤه‌دگوهێزیت.
...:
مه‌زنڕاگرتنا سوننه‌تێ، هه‌روه‌كی كا چاوا قورئان دهێته مه‌زنڕاگرتن و كار پێ دهێته كرن.
گوهدانا پێغه‌مبه‌ری (صه‌لات و سه‌لامێن خودێ ل سه‌ر بن) گوهدانا خودێیه و سه‌رپێچیكرنا وی؛ سه‌رپێچیكرنا خودێیه.
بنه‌جهبوونا به‌ڵگه‌بوونا سوننه‌تێ و به‌رسڤدانا وان كه‌سێن سوننه‌تێ ڕه‌د دكه‌ن یان (ئینكارا) وێ دكه‌ن.
هه‌ر كه‌سێ پشتا خۆ بده‌ته سوننه‌تێ و بانگه‌شه‌یا وێ ئیكێ بكه‌ت كو قورئان ب تنێ به‌سه؛ ئه‌و ب ڤێ چه‌ندێ یێ پشتا خۆ دده‌ته هه‌ردووكان (قورئان و سوننه‌تێ) و د بانگه‌شه‌یا خۆدا كو دویڤچوونا قورئانێ دكه‌ت ژی دره‌وان دكه‌ت.
ژ به‌ڵگه‌یێن پێغه‌مبه‌رینییا پێغه‌مبه‌ری (صه‌لات و سه‌لامێن خودێ ل سه‌ر بن)؛ ده‌نگوباسدانا وییه ب هنده‌ك ڕویدانان كو دێ ل پاشه‌ڕۆژێ و ده‌مێن داهاتی ڕویده‌ن، پاشی ئه‌و ڕویدان وه‌كی وی ده‌نگوباس پێ داين چێبوون.
زێده‌تر (4)
سونه‌نا ئه‌بو داوودی (7/ 13) (4604).
سونه‌نا تیرمیزی (4/ 399) (2664).
سونەنا ئبن ماجه (1/ 9) (12).
نخب الأفكار في تنقيح مباني الأخبار في شرح معاني الآثار (13/ 154).