ជាការពិតណាស់ រ៉ស៊ូលុលឡោះ ﷺ លោកចាកផុតពីអ្នកដែលទ្រហោយំ អ្នកកោរសក់ និងអ្នកហែកសម្លៀកបំពាក់។
អំពី អាពូពួរហ្ទះ ពិន អាពូមូសា رضي الله عنه បាននិយាយថា៖
អាពូមូសា មានជំងឺធ្ងន់ធ្ងរ ហើយគាត់បានសន្លប់។ ក្បាលរបស់គាត់នៅលើភ្លៅស្ដ្រីម្នាក់នៃគ្រួសាររបស់គាត់។ ស្ដ្រីនោះបានស្រែកយំយ៉ាងខ្លាំង ហើយគាត់គ្មានលទ្ធភាពទប់ស្កាត់នាងបានឡើយ។ នៅពេលដែលគាត់ដឹងខ្លួនវិញ គាត់បាននិយាយថា៖ ខ្ញុំចាកផុតពីអ្នកដែលរ៉ស៊ូលុលឡោះ ﷺ ចាកផុតពីជននោះ។ ជាការពិតណាស់ រ៉ស៊ូលុលឡោះ ﷺ លោកចាកផុតពីអ្នកដែលទ្រហោយំ អ្នកកោរសក់ និងអ្នកហែកសម្លៀកបំពាក់។
وَجِعَ أَبُو مُوسَى وَجَعًا شَدِيدًا، فَغُشِيَ عَلَيْهِ وَرَأْسُهُ فِي حَجْرِ امْرَأَةٍ مِنْ أَهْلِهِ، فَلَمْ يَسْتَطِعْ أَنْ يَرُدَّ عَلَيْهَا شَيْئًا، فَلَمَّا أَفَاقَ، قَالَ: أَنَا بَرِيءٌ مِمَّنْ بَرِئَ مِنْهُ رَسُولُ اللَّهِ صَلَّى اللهُ عَلَيْهِ وَسَلَّمَ، إِنَّ رَسُولَ اللَّهِ صَلَّى اللهُ عَلَيْهِ وَسَلَّمَ بَرِئَ مِنَ الصَّالِقَةِ وَالحَالِقَةِ وَالشَّاقَّةِ.
អាពូពួរហ្ទះ បានរៀបរាប់ថា ពិតប្រាកដណាស់ ឪពុករបស់គាត់គឺ អាពូមូសា អល់អាស្ហអារីرضي الله عنه បានឈឺធ្ងន់ រហូតសន្លប់។ ក្បាលរបស់គាត់នៅលើភ្លៅស្ត្រីម្នាក់នៃគ្រួសាររបស់គាត់ ហើយនាងបានស្រែកទ្រហោយំ។ គាត់គ្មានលទ្ធភាពទប់ស្កាត់នាងបានឡើយដោយសារតែគាត់សន្លប់។ នៅពេលគាត់ដឹងខ្លួនវិញ គាត់បាននិយាយថា រូបគាត់ចាកផុតពីអ្នកដែលរ៉ស៊ូលុលឡោះ ﷺ ចាកផុតពីជននោះ។ ជាការពិតណាស់ រ៉ស៊ូលុលឡោះ ﷺ លោកចាកផុតពី៖ ស្ត្រីដែលស្រែកទ្រហោយំខ្លាំងៗពេលជួបរឿងអកុសល។ ស្ត្រីដែលកោរសក់ពេលជួបរឿងអកុសល។ ស្ត្រីដែលហែកសម្លៀកបំពាក់ខ្លួនឯងពេលជួបរឿងអកុសល។ ដោយសារទង្វើទាំងនេះជាទម្លាប់របស់មនុស្សនាសម័យកាលអវិជ្ជា(ជើហ៊ីលីយ៉ះ)។ ផ្ទុយទៅវិញ គេបង្គាប់ប្រើឱ្យអត់ធ្មត់ពេលជួបគ្រោះ និងរឿងអកុសល ហើយសង្ឃឹមទទួលផលបុណ្យពីអល់ឡោះជាម្ចាស់។
ហាមឃាត់ការហែកសម្លៀកបំពាក់ កោរសក់ និងស្រែកខ្លាំងៗពេលជួបគ្រោះ ហើយទង្វើទាំងនេះ គឺជាបាបកម្មធំ។
ការកើតទុក្ខ និងយំធម្មតាដោយមិនទួញសោក និងមិនទ្រហោយំខ្លាំងៗ គឺមិនត្រូវបានហាមឃាត់ឡើយ ព្រោះវាមិនផ្ទុយនឹងការអត់ធ្មត់ចំពោះការកំណត់ព្រេងវាសនារបស់អល់ឡោះនោះទេ។ ផ្ទុយទៅវិញ វាជាក្តីមេត្តា។
ហាមឃាត់ចំពោះការមិនពេញចិត្ត ឬខឹងសម្បាចំពោះព្រេងវាសនាឈឺចាប់ដែលអល់ឡោះបានកំណត់ មិនថាតាមរយៈពាក្យសម្តី ឬកាយវិការ។
ចាំបាច់ត្រូវអត់ធ្មត់នៅពេលដែលជួបគ្រោះ ឬរឿងអកុសល។
សហេស អាល់ពូខរី (2/ 81) (1296).
សហេស មូស្លីម (1/ 100) (104).
បន្ថែមទៀត (4)
تيسير العلام شرح عمدة الأحكام.
لعبد الله البسام (ص287).
تنبيه الأفهام شرح عمدة الأحكام.
لابن عثيمين (2/ 371).