Encyclopedia of Prophetic Hadiths

Yap di moun ki te fè Koran an konpayon li: "Resite epi monte nan degre (Paradi a); resite avèk swen jan ou te konn fèl nan mond sa a, paske plas ou (ran ou) se kote dènye vèsè wap resite a fini."

Nou te retounen avèk Pwofèt la (se pou lapè ak Benediksyon Allah kouvril) soti Lamèk pou ale Medin, jiskaske nou te rive bò yon dlo sou wout la. Yon gwoup moun te prese lè lè lapriyè 'Asr la te rive, epi yo te fè ablisyon (Woudou) yo byen vit. Lè nou rive kote yo, talon pye yo te parèt aklè san dlo pat touche yo. Pwofèt la (ke lapè ak Benediksyon Allah kouvril) di: «Malè pou talon pye yo anba dife Lanfè a! Akonpli ablisyon an (Woudou a) yon fason ki konplè.»

«Yon Mizilman, se moun lòt Mizilman pa gen anyen pou yo pè ni nan bouch li (pawòl li), ni nan men li (aksyon li), epi yon imigran (Mouhajir), se moun ki abandone sa Allah entèdi yo.»

«Lavi isiba a se yon byen, epi pi bon nan byen lavi isiba a se yon bon fanm.»

«Nenpòt moun ki touye yon moun ki anba yon akò lapè pap janm pran sant Paradi a, epi sètènman yo ka pran sant li depi nan yon distans 40 ane mache.»

Pataje sa nou konnen nan men mwen, menm si se yon sèl vèsè. Pale sou istwa pitit Izrayèl yo, pa gen okenn pwoblèm nan sa. Men, nenpòt moun ki bay manti sou mwen volontèman, kitel prepare plas li nan dife lanfè a.

«Basen mwen an se distans yon mwa ap mache, dlo li pi blan pase lèt, epi li gen pi bon odè pase misk(Pafen) epi gode li yo tankou etwal ki nan syèl la, moun ki bwè ladan li pap janm swaf ankò.»