Encyclopedia of Prophetic Hadiths

Pwofèt la (Lapè ak benediksyon Allah sou li) te konn pran dlo (fè ablisyon) pou chak lapriyè, mwen te di: «Kòman nou menm nou te konn fè?» Li te di: «Yon sèl ablisyon (Woudou) te sifi pou youn nan nou, toutotan li pat nan eta enpite (salte).»

«Gen 5 aksyon ki nan nati moun (Al-Fitra): sikonsizyon, raze plim nan pati prive, taye moustach, koupe zong, ak rale plim anba bwa».

«Lè nou ale pou nou fè bezwen nou, nou pa dwe bay fas nou nan direksyon Qibla a, ni nou pa dwe bay do nou ba li tou. Men, se pou nou vire nan direksyon lès oswa lwès.» Abu Ayyub te di: Lè nou te rive nan peyi Chanm, nou te jwenn twalèt ki te bati nan direksyon Qibla a. Konsa, nou te konn vire kò nou chanje direksyon, epi nou te mande Allah Trèwo a padon.

Vrè moun ki kenbe lyen fanmi an se pa moun ki annik rann parey la (ou fè pou mwen, m fè pou ou). Men, vrè moun ki kenbe lyen an, se moun ki, menm lè fanmi li koupe relasyon avè l, li menm li kontinye kenbe l (konekte l).

«Nenpòt moun ki mete swa nan lavi sa a, li pap metel nan lòt lavi a.»

«Pa gen okenn fatig, ni maladi, ni enkyetid, ni tristès, ni mal, ni lapenn ki frape yon Mizilman, menm yon pikan ki pikel san ke Allah pa retire nan peche li yo atravè li.»

Mesaje Allah a, (lapè ak benediksyon Allah sou li), te resite vèsè sa a: « Se Li menm ki fè desann Liv la pou ou; gen ladan li vèsè ki klè, ki se fondasyon Liv la, epi gen lòt ki pa klè. Kanta moun ki gen devyasyon nan kè yo, yo swiv sa ki pa klè ladan li yo nan chèche kreye dezòd ak chèche entèprete yo (daprè sa yo vle). Pèsonn pa konnen entèpretasyon yo eksepte Allah Epi moun ki gen konesans ki byen chita yo di: "Nou kwè ladan li, tout soti nan men Seyè nou an." Epi se moun ki gen lespri yo sèlman ki kapab pran konsèy. » (Al-Imran: 7). Li te di: Mesaje Allah a, (lapè ak benediksyon Allah sou li), te di: « Lèw wè moun kap swiv sa ki pa klè ladan li yo, yo se moun sa yo Allah te nonmen yo, donk pran prekosyon avèk yo. »

Te gen yon bedwen (Arab ki rete lwen nan dezè) ki te vin jwenn Pwofèt la (Lapè ak benediksyon Allah sou li), epi li dil: "Montrem yon zèv sim fè li map antre nan Paradi." Li reponn li: "Se pouw adore Allah san ou pa asosye anyen avèk li , se pouw akonpli priyè (Salat) obligatwa yo, se pouw bay charite (Zakat) ki preskri a, epi se pouw fè jèn nan mwa Ramadan an." Nonm nan di: "Mwen fè sèman sou Sila a ki gen nanm mwen nan men Li an, mwen pap ajoute okenn lòt bagay sou sa." Lèl vire do li poul ale, Pwofèt la (Lapè ak benediksyon Allah sou li) di: "Nenpòt moun ki ta kontan wè yon nonm pami abitan Paradi yo, se poul gade nonm sa a."