Encyclopedia of Prophetic Hadiths

Ō nou menm moun yo, simaye lapè, bay moun manje, kenbe bon lyen ak fanmi nou, epi lapriyè nan mitan lannwit pandan tout moun ap dòmi, konsa nap antre nan Paradi an pè.

«Èskem pa ta dwe endike nou sa Allah itilize pou Li efase peche yo epi elve degre yo?» Yo te reponn: «Wi, O Mesaje Allah.» Li te di: «Akonpli ablisyon an yon fason ki pafè malgre difikilte yo, fè anpil pa pou ale nan moske yo, epi tann yon lapriyè aprè yon lòt; ebyen, sa a se angajman konstan an.»

"Pi bon lajan (dinar) yon moun ka depanse, se lajan li depanse pou fanmi li. Aprèsa, se lajan li depanse pou bèt li (mwayen transpòl) pou sèvi senyè toupwisan an epi se lajan li depanse pou zanmil (konpayon li) kap sèvi nan chemen Allah." Abou Kilaba (yon moun ki tap rapòte pawòl la) di: "Pwofèt la te kòmanse ak fanmi an apremye." Aprè sa, li di ankò: "Ki moun ki ka gen yon pi gwo rekonpans pase yon gason kap depanse lajan li poul pran swen ti pitit li yo, pou Allah ka pwoteje yo, poul fè yo jwenn avantaj, epi poul fè yo pa nan bezwen (mande moun)?"

5 priyè chak jou yo, soti nan yon (priyè) Vandredi pou rive nan yon lòt, epi soti nan yon mwa Ramadan pou rive nan yon lòt, se mwayen ki efase (padone) peche ki fèt ant yo a, ak kondisyon pou moun nan evite gwo peche yo.

«Tout sa ki byen se yon charite.»

«Gen lakrentif pou Allah, Seyè nou an, akonpli 5 priyè nou yo, fè jèn nan mwa nou an, peye zakat sou byen nou yo, epi obeyi moun ki gen otorite sou nou yo; konsa nap antre nan Paradi Seyè nou an.»

Mwen te mande Pwofèt la (ke lapè ak benediksyon Allah sou li): « Ki aksyon Allah pi renmen? » Li reponn: « Fè lapriyè (Salat) nan lè li. » Mwen mande: « Aprèsa, kisa ankò? » Pwofèt la di: « Aprèsa, se onore paran ou. » Mwen mande ankò: « Aprèsa, kisa ankò? » Pwofèt la di: « Lite (Jihad) nan chemen Allah. » Mwen di: « Se sa yo li te rakontem, epi si mwen te mandel plis, li tap dim plis toujou. »

Pa fè kay nou tounen kavo, epi pa fè kavo mwen tounen yon kote pou fèt (oswa yon kote pou moun rasanble regilyèman pou yo selebre). Mande benediksyon (salawat) pou mwen, paske lapriyè nou an ap rive jwenn mwen kèlkeswa kote nou ye.