"Nenpòt sa mwen entèdi nou fè, evite li, epi nenpòt sa mwen kòmande nou fè, fè tout sa nou kapab ladan l."

Hadith la se yon prensip pou esplike sa ki obligatwa nan akonpli sa ki kòmande a epi evite sa ki entèdi a.

Sa ki entèdi a, pa gen okenn pèmisyon pou komèt anyen ladan l, epi sa yo kòmande a limite selon kapasite; paske pa fèl la nan kapasite moun, epi fèl la mande kapasite pou reyalize aksyon yo kòmande a.

Entèdiksyon pou poze twòp kesyon an, savan yo divize kesyon an an 2 kategori: Premye a: sa ki fèt nan bi pou aprann sa yon moun bezwen konnen nan zafè relijyon an, e sa a se yon bagay yo mande nou fè, epi se nan kategori sa a kesyon Konpayon yo te ye. Dezyèm nan: sa ki fèt nan bi pou kreye difikilte ak konplike bagay yo, epi se sa a menm ki entèdi a.

Avètisman bay nasyon sa a kont dezobeyisans Pwofèt li a, menm jan sa te rive nan nasyon ki te anvan li yo.

Bagay yo entèdi a gen ladan li tout sa ki piti ak tout sa ki gwo; paske li enposib pouw evitel san ou pa evite ni ti kantite a ni gwo kantite a. Pa egzanp: li entèdi nou fè enterè (riba), donk sa kouvri ni ti kantite ni gwo kantite.

Kite tout sa ki ka mennen nan sa ki entèdi; paske sa fè pati siyifikasyon pou yon moun evite yon bagay.

Moun nan pa ta dwe, lè li tande yon lòd Mesaje a (ke lapè ak benediksyon Allah sou li), poul di: èske li se yon devwa oswa li rekòmande, men li dwe prese fè li ; paske li te di: «fè tout sa nou kapab ladan l».