አጠር ያለ መልእክት ርእሱም:

አጠር ያለ መልእክት ርእሱም:

እንዴት ወደ እስልምና መግባት እችላለሁ?

ተተርጉሟል ወደ…

አዘጋጅ የጌታውን ምህረት ፈላጊ፦

ሀይሠም ቢን ሙሐመድ ሰርሓን

የመስጅድ አን‐ነበዊይ ተቋም ነባር አስተማሪና የሱና ተቋም ኃላፊ

በአላህ ስም እጅግ በጣም ሩኅሩህ በጣም አዛኝ በሆነው።

ጥ 1፡ ወደ እስልምና መግባት ቀላል ነውን?

መ 1: አዎ፤ ምንም አይነት አሸማጋይም ሆነ የተለየ ሥርዓት አያስፈልገውም።

ጥ 2፡ ወደ ኢስላም ለመግባት መፍጠን አለብኝ? ወይስ ምቹ ጊዜ እና አንዳንድ ችግሮቼን እስካጠናቅቅ መጠበቅ አለብኝ ይሆን?

መ 2: መፍጠንህ ግድ ነው፤ ምክንያቱም እስልምናን ከመቀበል መዘግየትህ ለክስረት ሊያጋልጥህ ይችላልና፤ በየትኛው ጊዜ ልትሞት እንደምትችል አታውቅም! በዛ ላይ ወደ እስልምና መግባት ትርፋማ ንግድ ነው፤ በንግድ መስክ ላይ ደሞ ቀድመህ ወደ ገበያው በተቀላቀልክበት ልክ ነው ትርፋማነትህ የሚጨምረው።

ጥ 3: እስልምናን መቀበል የፈለገ ሰው ምን ማድረግ አለበት?

መ 3: አንድ ሰው ሙስሊም ለመሆን የሚጠበቅበት «አሽሀዱ አን ላ ኢላሀ ኢለላህ ወአሽሀዱ አንነ ሙሐመደን ዐብዱሁ ወረሱሉህ» (ትርጉሙም: ከአሏህ በስተቀር በእውነት የሚመለክ አምላክ እንደሌለና ሙሐመድም የአላህ ባርያና መልዕክተኛ መሆናቸውን እመሰክራለሁ) ብሎ በሁለቱ የምስክርነት ቃላቶች ምስክርነቱን መስጠት ብቻ ነው፡፡

ጥ 4፡ ምስክርነቱን የሚሰጠው በምን ቋንቋ ነው?

መ 4: የግድ በዓረብኛ መሆን አይጠበቅበትም መናገር በሚችለው የትኛውም ቋንቋ ሁሉ ምስክርነቱን መስጠት ይችላል።

ጥ 5፡ ትርጉሙንስ የግድ ማወቅ ይጠበቅበታልን?

መ 5: እንዴታ! የሚሰጠውን የምስክርነት ቃል ትርጉሙን ተረድቶ፤ በመልዕክቱ አምኖ በሚያስፈርደውም መስራት ግዴታ ነው።

ጥ 6፡ «አሽሀዱ» ማለት ምን ማለት ነው?

መ 6: ትርጉሙ በልቤ እርግጠኛ ሆኜ አረጋግጣለሁ፤ በአንደበቴ እመሰክራለሁ፤ በአካሌም እተገብራለሁ ማለት ነው።

ጥ 7: «ላኢላሃ ኢለሏህ» ማለት ምን ማለት ነው?

መ 7፡- ትርጉሙም፦ ከአላህ በስተቀር በእውነት ሊመለክ የሚገባው አምላክ የለም።

ጥ 8፡ «ሙሐመድ የአላህ ባሪያና መልእክተኛ ናቸው» ማለት ምን ማለት ነው?

መ 8: ትርጉሙ፡- እሳቸው አምልኮ የማይደረግላቸው ባሪያ እንዲሁም የማይስተባበሉ መልክተኛ ናቸው ማለት ነው።

ይህ የምስክርነት ቃል የሚከተሉትን ያስፈርዳል፡- የተናገሩትን እውነት ብሎ መቀበል፤ ያዘዙትን መታዘዝ፤ የከለከሉትንና ያስጠነቀቁትን መራቅ፤ እንዲሁም እንደ አርአያ አድርጎ ሱናቸውን መከተል ነው።

ጥ 9፡ የሚጠበቅብኝን ነገር በሚገባ ተረድቻለሁ፤ አሁን ማድረግ ያለብኝ ምንድን ነው?

መ 9: እኔ የምለውን በል፦ «አሽሀዱ አን ላ ኢላሀ ኢለላህ ወአሽሀዱ አንነ ሙሐመደን ዐብዱሁ ወረሱሉህ»

ጥ 10፡ አሁን ሙስሊም እንደመሆኔ ምን ትመክረኛለህ?

መ 10: አላህ በሃይማኖቱ ላይ ፅናት እንዲለግስህ ዱዓእ እንድታደርግ፤ በዚህ ላይ የሚያግዙህን መልካም ጓደኞችን እንድትመርጥ፤ እንዲሁም እስልምናን እንድትማር እና እስልምናህ በአላህ ፈቃድ እስኪፀና ድረስም ሙስሊምነትህን ከሰዎች እንድትደብቅ እመክርሃለሁ።

ጥ 11፡ ከዱዓእ ሁሉ በላጩ ምን የሚለው ነው?

መ 11፡ ቀጥተኛውን መንገድ ምራን:: [አል_ፋቲሓ፡ 6]

ጥ 12፡ ቀላሉ ዚክር (ውዳሴ) ምን የሚለው ነው?

መ 12፡ ቀላሉ ዚክር: «ቢስሚላህ» (በአላህ ስም) የሚለው ሲሆን ወደ መስጂድም ወደ ቤትም ሲገባ፤ ሲወጣም፤ ቁርአን ሲቀራ፤ ወደ መጸዳጃ ቤትም ሲገባ፤ ልብስ ሲወለቅ፤ ውዱእ ሲደረግ፤ ምግብ ሲበላና ውሃ ሲጠጣ ... እንዲሁም ከዚህ ውጭ በሌሎች ስፍራዎችም የሚባል ነው።

ጥ 13፡ ወደ እስልምና ከመግባቴ በፊት የፈፀምኩት ኃጢአትስ ፍርዱ ምን ይሆን?

መ 13: ከፍጡራን መብት ጋር ተያያዥነት ኖሮት መፈፀሙ ግዴታ የሆነውን ካልሆነ በቀር እስልምና ከእርሱ በፊት የነበሩትን ኃጢአቶች በሙሉ ያጠፋል (ያስምራል)።

ጥ 14፡ ከሸሃዳ በኋላ ምን ማድረግ አለብኝ?

መ 14፡ ገላህን መታጠብ አለብህ።

ጥ 15፡ መታጠቤ ለምን አስፈለገ?

መ 15፡ አንደኛ፡ ሙስሊም (ኢስላማዊ ትእዛዝን ለመተግበር) ለምን አይልም፤ ይልቁንም ሙስሊም የሚለው፡ "ሰምተናል ታዛዦች ነን!" [አን-ኑር: 51]

ሁለተኛ: ልክ ውስጥህን (በእምነት ቃልህ) እንዳፀዳሀው ሁሉ ውጫዊ አካልህንም በገላ ትጥበት እንድታፀዳው ነው።

ጥ 16፡ እሺ! አስተጣጠቡ እንዴት ነው?

መ 16፡ በውስጥህ ገላን መታጠብ በማሰብ «ቢስሚላህ» ብለህ መላ አካልህን በውሃ ማዳረስ ነው።

ጥ 17፡ ከገላ ትጥበት በኋላስ?

መ 17፡ የሶላት ወቅቱ ሲደርስ በአላህ ፈቃድ ሶላት ትሰግዳለህ።

ጥ 18፡ በሶላት ውስጥ የሚባሉ ቃላቶችና ድርጊቶችን መፈፀም ስለሚያስቸግረኝ ሶላት ቢከብደኝስ?

መ 18: ባለችሮታ የሆነው አላህ ምስጋና ይገባውና እስልምና ገር ሃይማኖት እንጅ የሚያጨናንቅ ሃይማኖት አይደለም።

ጥ 19፡ እንዴት ልስገድ?

መልስ 19፡ የኔን አሰጋገድ አይተህ መማር ትችላለህ፤ ወይም የሶላት አሰጋገድ ስርአት የሚያስተምሩ ቪዲዮዎችን ማየትም ትችላለህ፤ ከመዕሀድ ሱናህ በተለያዩ ቋንቋዎች የተዘጋጁ የሶላት አሰጋገድ የሚያስተምሩ ምስሎች የሚገኙበት ሊንክ በዚህ ፅሁፍ ስር መጨረሻ ላይ ታገኛለህ።

ጥ 20፡ ከሶላት በኋላስ ምን አለብኝ?

መ. 20: እስልምናህና ኢማንህ ትክክለኛ እስኪሆን ድረስ እስልምና የተገነባባቸውን አምስቱን ማእዘናት፣ ከዚያም የኢማን ማእዘናት… እንዲሁም መሰል መሰረታዊ ትምህርቶችን መማር ይጠበቅብሃል።

ጥ 21: እስልምናን ለማወቅ የትኞቹን ድህረ ገጾች እንድጎበኝ ትመክረኛለህ?

መ 21: የታላላቅ ዑለማዎች ድህረ ገጾችን እና በሳውዲ አረቢያ ያሉ የደዕዋ ማህበራት ድህረገፆችን እንድትጎበኝ እመክርሃለሁ።

ጥ 22፡ ሙስሊም ካልሆኑ ቤተዘመዶቼ ጋር እንዴት መኗኗር አለብኝ?

መ 22፡ ከነሱ ጋር የምትኗኗረው ልክ ነቢዩ የአላህ ሰላትና ሰላም በእርሳቸው ላይ ይስፈንና ሙስሊም ካልሆኑ ሰዎች ጋር ሲኗኗሩ እንደነበሩት ነው። እሳቸው በአንደበታቸውም፣ በስነምግባራቸውም ይሁን በመስተጋብራቸው ወደ ኢስላም ጥሪ ያደርጉ ነበር።

ጥ 23: አንድ ሰው እስልምናን መቀበል ይፈልጋል፤ ነገር ግን ለቤተሰቡ እስልምናውን ማሳወቅ ደግሞ አይፈልግም። በሸሪዓው እንዴት ይታያል?

መ 23. እስልምናን የተቀበለ ሰው እስልምናውን ለማንም የማሳወቅ ግዴታ የለበትም፤ እስልምናው በእርሱና በአላህ መካከል ነውና።

ጥ 24፡ በእስልምና ውስጥ ምርጡ መጽሐፍ የትኛው ነው?

መ 24: ምርጡ መጽሐፍ የተከበረው ቁርአን ነው። ምክንያቱም የአላህ ቃል ነውና።

ጥ 25፡ በተከበረው ቁርአን ውስጥ እጅግ ወሳኟ ምዕራፍ የትኛይቱ ናት?

መ. 25: እጅግ ወሳኟ ምዕራፍ ሱረቱ አል-ፋቲሐ (የመክፈቻው ምዕራፍ) ናት፤ በሁሉም ረከዓዎች የምንቀራትም ለዛ ነው።

ጥ 26፡ በተከበረው ቁርኣን ውስጥ እጅግ ታላቁ አንቀጽ የትኛው ነው?

መልስ 26: በቁርኣን ውስጥ እጅግ ታላቁ አንቀፅ አየቱል ኩርሲይ ነው።

ጥ 27፡ ቁርኣንን እንዴት መቅራት እችላለሁ?

መልስ 27: ቁርአንን በመማር እና እንደ ሸይኽ አልሑዘይፊ እንደሑሶሪይ የመሰሉ ሌሎች ቃሪኦችንም በማዳመጥ መማር ይቻላል።

ጥ 28፡ ቁርኣንን እንዴት መረዳት እችላለሁ?

መ 28: የተመሰከረላቸው በሆኑ መሻኢኾች የተፃፉ የተፍሲር መጻሕፍት ላይ በማንበብ መረዳት ይቻላል።

ጥ 29፡ የቁርኣን ማብራሪያን የት አገኛለሁ?

መ 29፡ በነቢዩ መዲና በሚገኘው የሙስሐፍ ህትመት ስብጥር ማዕከል እጠቁምሃለሁ።

ጥ 30፡ ከቁርአን በኋላ ምን እንዳነብ ትመክረኛለህ?

መ 30: የነቢዩ ሶለሏሁ ዓላይሂ ወሰለምን ሰሒሕ ሐዲሶች እንድታነብ እመክርሃለሁ።

ጥ 31፡ በነቢያዊ ሐዲሶች በኩል ምርጡ መጽሐፍ ምን የሚባል ነው?

መ 31: ከሐዲሥ መጻሕፍት ውስጥ እጅግ ምርጡና እጅግ ትክክለኛ የሆነው የ«ሰሒሕ አል'ቡኻሪ» መጽሐፍ ነው። ኪታቡ ሙስሊሙ ማህበረሰብ ሁሉ የተስማማበት ምርጥ ከመሆኑም ባሻገር የህዝበ ሙስሊሙ ታላላቅ ዑለሞችም የተደሰቱበት ኪታብ ነው። ለተጨማሪ መረጃ በዚህ መልእክት መጨረሻ ያለውን የመጻሕፍት ማውረጃ አገናኝ (ሊንክ) እንድትቃኘውም እመክርሃለሁ።

ጥ 32፡ በነቢያዊ ሱና ውስጥ እጅግ አንገብጋቢው ሐዲሥ ምን የሚለው ነው?

መ 32: ከሁሉም እጅግ አንገብጋቢው የዲን ሶስቱ እርከኖች ‐ኢስላም፣ ኢማንና ኢሕሳን‐ የተገለፁበት የሆነው የጂብሪል (የአላህ ሰላም በእርሱ ላይ ይስፈን) ሐዲስ ነው።

ጥ 33፡ እስልምናን መማር እንዳይሳነኝ እፈራለሁ?

መ 33: አትፍራ! ይልቁንም በአላህ ላይ ተመካ፤ አላህም በሥራህ ላይ ይረዳሃል። እስልምና ገር ነው፡፡ አላህ ለወደደውና ለሚደሰትበት ሁሉ ይግጠምህና።

መጨረሻ ላይ የተቀመጠውን አገናኝ (ሊንክ) በመጫን እኛ መዕሀድ አስ‐ሱናህ ዘንድ በነፃ የርቀት ትምህርት መማር ትችላለህ።

በመጨረሻም እንዲህ በሚለው የነቢዩ ሶለሏሁ ዓለይሂ ወሰለም ሐዲሥ ምክሬን ለመቋጨት እወዳለሁ: «በሚጠቅምህ ነገር ላይ ጉጉት ይኑርህ፤ በአላህ ታገዝ፤ አትስነፍም።»