Encyclopedia of Prophetic Hadiths

"dama doon dox fa saasa ma dégg ag kàddu ci asamaan si, ma yëkkëti samag gis, ma gis malaaka ma ma dikkaloon fa Horaa mu toog ci ag Gàngunaay ci diggante asamaan si ak suuf si, ma ragal ko, ma daal di dellu, di naan: sàngleen ma, Yàlla mu kawe mi wàcce: {éey yaw mi ñuy sàng 1 jugal te xuppe ji 2} ba ci waxam ji {Te it nangay daw bépp bàkkaar} [Al-Mudassir: 5]. Soloo gi daal di bari daal di toppaloo.

Yonnente bi yal na ko Yàlla dolli xéewal ak mucc bu daan julli fajar day toog fa mu jullee ba keroog jant bi di fenk ba leer, mu ne: daawul jug ca jullikaayam ba mu jullee suba walla njël, ba keroog jant bi di fenk, bu jant bi fenkee mu jug, ñu daan waxtaan di jël ca mbiri ceddo ga, ñuy ree muu muuñ.

"yaw Yàlla sama Boroom man dey nit rekk laa kepp ku ma ŋàññ ci jullit ñi walla ma rëbb ko walla ma dóor ko maa ngi lay ñaan nga defal ko ko ag sell ak ug yërmànde".

Yaw yaayu jullit ñi, wax ma jikkóy Yónente bi -yal na ko Yàlla dolli xéewal ak mucc-, mu ne ma: xanaa doo jàng Alxuraan? Ma ne ko: ahakay, mu ne ma: jikkóom moo doon.

Njabootu Muhammat de yal na ko Yàlla dolli xéewal ak mucc diirub bi Yonnente bi yal na ko Yàlla dolli xéewal ak mucc ñëwee Madiina masu ñoo suur ci ñamu dugub ñatti guddi yu toftaloo, ba ni mu faatoo.

Yonnente bi yal na ko Yàlla dolli xéewal ak mucc dafa yónni ag gawar mu jiital ca ab waat ci Ansaar yi, mu digal leen ñu topp ko, mu mer, daal di ne leen: ndax du Yonnente bi yal na ko Yàlla dolli xéewal ak mucc moo leen digal ngeen topp ma? Dajaleelleen ma matt, ñu dajaleel ko, mi daal di ne: duggleen ci, ñu nar ko a def, ñenn ñi téye ñeneen ñi, di wax naan: dañoo daw sawara jëm ci Yonnente bi yal na ko Yàlla dolli xéewal ak mucc, deñuñu ci loolu ba sawara wa fay, meram ma giif, mu egg ci Yonnente bi yal na ko Yàlla dolli xéewal ak mucc, mu wax ne: bu ñu ca duggoon duñu ca genn mukk ba bis-pénc; topp ci njekk lay doon".

Yonnente bi yal na ko Yàlla dolli xéewal ak mucc ndayjoor daan na ko yéem ci buy sol dàll, ak buy peñewu, ak buy laab, ak ci mbiram yépp.

Yonnente Yàlla bi yal na ko Yàlla dolli xéewal ak mucc dafa bind jëme ca Kisraa, ak ca Xaysar, ak ca An-Najaasii, ak ci bépp ponkal di leen woo jëme ci Yàlla mu kawe mi, waaye du An-Najaasii mi Yonnente bi yal na ko Yàlla dolli xéewal ak mucc jullee woon.