Encyclopedia of Prophetic Hadiths

Yónente bi -yal na ko Yàlla dolli xéewal ak mucc- dafa jàng aaya bii: {Moom Yàlla moo wàcce ci yaw Téere ba: am na ca ay aaya yoy séen i maanaa leer nañu, ñoo di cosaani àtte yi, ak yeneeni aaya yu séen i maanaa fésul. Ña nga xam ne jeng a nekk seeni xol, danañu topp lënt ya ngir sàkku fitna ak jéem leen a firi, te Yàlla doŋŋ a xam séen i piri ak ña sax ci xam-xam. Ñoom danañu wax ne : "Gëm nanu ko: lépp ca sunu Boroom la bawoo!" Woroom xel yi rekk ay waaru} [Aali Imraan: 7]. Neena Yónente Yàlla bi -yal na ko Yàlla dolli xéewal ak mucc- daal di wax ne: "bu ngeen gisee ñiy topp lënt ya xamleen ne ñooñii la Yàlla di wax nangeen leen moytu".

"doomu Aadama feesalul lenn ndab lu yées biiram, doy na sëkk doomu Aadama ji lekk gu mu taxawale ndiggam li, bu manut a ñàkk, kon na def biiram ñatti xaaj benn ba ngir lekkam, beneen ba ngir naanam, ñatteelu xaaj ba ngir noyyeem".

"buleen sàkku xam-xam ngir di ci puukarewu ak woroom xam-xam yi, walla ngir di ci werente ak way-dese ñi, walla ngir am ci wàccuwaay ca jotaay ya, képp ku def loolu, sawara la jëm, sawara la jëm".

"dees na gaaral fitna ci xol yi mu mel ni ag basaŋ nekk bant-bant, xol bu mu dugg ñi tomb ca tomb bu ñuul, xol bu ko weddi ñu tomb ca tomb bu weex, ba mu mujj nekk ci ñaari xol, bu weex mel ni xeer wu weex te rittax fitna du ko lor fii ak asamaan yi ak Suuf si mi ngi fi, beneen di xol bu ñuul bu rax, mel ni baag bu jeng, du xam lu baax te du bañ lu bon, lu dul lu dëppoo ak bànneexam", Husayfata nee na: ma wax ko ne, sa diggante ak moom benn bunt bu ñu tëj moo ci dox te daana ka toj na, Umar ne ko: mo ndax day toj? Moom bu ñu ko tijji woon sax amaana dees na ko tëjaat, ma ne ko: déedéet dañu koy toj, ma xibaar ko ne bunt boobu de benn waay la bu ñuy ray walla mu dee balaa yàgg te lii du ay njaxas. Abuu Xaalid nee na: ma wax Sahd ne ko: yaw Abuu Maalik, lan mooy ñuul gu rax? Mu wax ne: mooy weex gu tar gu nekk ci biir ñuulaay, nee na: ma ne ko: lan mooy baag bu jeng? Mu ne: mooy bu dëng.

«bàyyiwuma sama ginnaaw fitna ju dàq a lor góor ñi ci jigéen ñi»

"kenn ci yéen du gëm ba keroog bànneexam di topp li ma indi".

«Yàlla sadd na misaal ci yoon wu jub, te ci ñaari wetu yoon wi am na ñaari miir yu am bunt yu ubbeeku, ci bunt ya am ay rido yu ñu yoor, te ci buntu yoon wi am na kuy woote naan: “Yéen nit ñi! Duggleen ci yoon wi, te buleen jàdd. Am beneen wootekat buy woote nekk ca kaw yoon wa, bu bëggee ubbi dara ca bunt ya, mu ne ko: toskare ñeel na la bu ko ubbi, ndax boo ko ubbee da nga ca dugg. Yoon wa mooy Lislaam, ñaari miir yi: ñooy digi Yàlla yi, (fimiy yamlu) bunt yu ubbeeku yi: mooy terey Yàlla yi, kooku di woote ci boppu yoon wi: mooy Téereb Yàlla bi, kiy woote ci kaw yoon wi: mooy kiy waarekate ci Yàlla xolu jullit bu nekk».