ne moom dañu ko a laaj njàngum Yonnente Yàlla bi yal na ko Yàlla dolli xéewal ak mucc
Jële nañu ci Ibn Abii Mulaykata:
Mu jële ci yenn soxnay Yonnente bi yal na ko Yàlla dolli xéewal ak mucc -Abuu Haamir nee na, Naafih nee na: Hafsatu wan na ko- ne moom dañu ko a laaj njàngum Yonnente Yàlla bi yal na ko Yàlla dolli xéewal ak mucc mu wax ne: manuleen ko, nee na: ñi ne ko: wax nu ko. Nee na: mu jàng njàng moom da cee diib Abuu Haamir nee na: Naafih nee na: Ibn Abii Mulaykata jàngal nu {Alhamdu lil-Laahi Rabbil haalamiina} [Al-Faatiha: 1] topp mu taxaw {Ar-Rahmaani Ar-Rahiimi} [Al-Faatiha: 2] topp mu taxaw {Maaliki yawmid diini}.
عَنْ بَعْضِ أَزْوَاجِ النَّبِيِّ صَلَّى اللهُ عَلَيْهِ وَسَلَّمَ -قَالَ: أَبُو عَامِرٍ، قَالَ نَافِعٌ: أُرَاهَا حَفْصَةَ- أَنَّهَا سُئِلَتْ عَنْ قِرَاءَةِ رَسُولِ اللهِ صَلَّى اللهُ عَلَيْهِ وَسَلَّمَ فَقَالَتْ: إِنَّكُمْ لَا تَسْتَطِيعُونَهَا قَالَ: فَقِيلَ لَهَا أَخْبِرِينَا بِهَا. قَالَ: فَقَرَأَتْ قِرَاءَةً تَرَسَّلَتْ فِيهَا قَالَ أَبُو عَامِرٍ: قَالَ نَافِعٌ: فَحَكَى لَنَا ابْنُ أَبِي مُلَيْكَةَ {الحَمْدُ لِلَّهِ رَبِّ الْعَالَمِينَ} [الفاتحة: 2] ثُمَّ قَطَّعَ {الرَّحْمَنِ الرَّحِيمِ} [الفاتحة: 1] ثُمَّ قَطَّعَ {مَالِكِ يَوْمِ الدِّينِ}.
Laj nañu Hafsatu ndayu jullit ñi yal na ko Yàlla dollee gërëm: naka la Yonnente bi yal na ko Yàlla dolli xéewal ak mucc doon jànge alxuraan? Mu wax ne: manuleen lu mel noonu, ñu ne ko: wax nu ko. Naafih nee na Ibn Abii Mulaykata jangal nu njàng mu diib; ngir roy ak jegeelal leen ni Yonnente bi yal na ko Yàlla dolli xéewal ak mucc doon jànge, mu jàng: {Alhamdu lil-Laahi Rabbil haalamiina} topp mu dog njàng mi, {Ar-Rahmaani Ar-Rahiimi}, topp mu dog njàng mi, {Maaliki yawmid diini}.
Leeral njubug Yonnente bi yal na ko Yàlla dolli xéewal ak mucc ci jàng alxuraan.
Wane ci jëf ngir leeral ni njàngum Yonnente bi yal na ko Yàlla dolli xéewal ak mucc meloon.
Yoonalees na teey ci njàngum Alxuraan ndax mooy tax a settantal.
Yittewoog mag ña jiitu woon ci Alxuraan ak jëfi Yonnente bi yal na ko Yàlla dolli xéewal ak mucc.
Njariñu xam Tajwiid ak xam-xami alxuraan.
Téere Adiisu Ahmat bees leeral càllala ya (44/ 70) (26470).
Yataal gi (1)
الفتح الرباني لترتيب مسند أحمد الشيباني (3/237).