“అల్లాహుమ్మ ఖినీ అజాబక యౌమ తజ్మ’ఉ అవ్ తబ్’అసు ఇబాదక్” (ఓ అల్లాహ్! నీవు నీ దాసులను సమీకరించే దినమున లేదా నీవు నీ దాసులను తిరిగి బ్రతికించే దినమున (పునరుత్థాన దినమున) నీ శిక్ష నుండి నన్ను రక్షించు).”

ఈ హదీథు ద్వారా శుభప్రదమైన, ఆశీర్వాదకరమైన ఈ దుఆ (ప్రార్థన) యొక్క ఘనత మరియు ప్రవక్త సల్లల్లాహు అలైహి వసల్లం యొక్క ఉదాహరణను అనుసరిస్తూ దానిని కొనసాగించడం యొక్క వాంఛనీయత తెలుస్తున్నాయి.

నిద్రకు ఉపక్రమించినపుడు ముందుగా కుడివైపునకు తిరిగి పడుకోవడం వాంఛనీయము.

అల్ సిందీ (రహిమహుల్లాహ్) ఇలా అన్నారు: “ఈ దుఆలో “ఓ అల్లాహ్! నీ శిక్షనుండి నన్ను రక్షించు” అనే పదాలు, తెలివిగల వ్యక్తి ఎవరైనా తన నిద్రను, మరణాన్ని మరియు దానిని అనుసరించి వచ్చే పునరుథ్థానదినమును స్మరించుకునే ఒక సాధనంగా చేసుకోవాలి” అని సూచిస్తున్నాయి".

పునరుత్థాన దినమున అల్లాహ్ యొక్క శిక్ష నుండి రక్షణ అనేది కేవలం అల్లాహ్ యొక్క దయ మరియు కరుణ ద్వారా మాత్రమే సాధ్యము. అది దాసుడు సత్కార్యాలు చేయడం, తద్వారా అతని పాపాలకు అల్లాహ్ యొక్క క్షమాభిక్ష పొందడం ద్వారా సాధ్యమవుతుంది.

ఈ హదీథు, తన ప్రభువు మరియు యజమాని అయిన సర్వోన్నతుడైన అల్లాహ్ ముందు ప్రవక్త సల్లల్లాహు అలైహి వసల్లం వినయం, విధేయతలను ప్రదర్శిస్తున్నది.

ఈ హదీథు ద్వారా – ప్రజలందరూ సమీకరించబడడం, తిరిగి జీవింపజేయబడడం, మరియు తమ కర్మలకు జవాబుదారులుగా తమ ప్రభువు వైపునకు తిరిగి వస్తారు అనే విషయం నిర్ధారించబడుతున్నది. ఆ దినమున ఎవరైతే మంచిని, శుభాన్ని కనుగొంటాడో, అతడు సర్వోన్నతుడైన అల్లాహ్’ను స్తుతించాలి మరియు ఎవరైతే మంచికి, శుభానికి బదులు మరింక ఏమైనా కనుగొంటాడో, అందుకు అతడు తనను తాను నిందించుకోవడం తప్ప ఏమీ చేయలేడు. నిశ్చయంగా ఆ దినమున అల్లాహ్ లెక్క తీసుకునేది దాసుల కర్మలను గురించే.

సహబాలు రదియల్లాహు అన్హుమ్, ప్రవక్త సల్లల్లాహు అలైహి వ సల్లం నిద్రపోయే విధానాన్ని వివరించడంలో కూడా ఆసక్తి కనబరచడం కనిపిస్తున్నది.

ఈ హదీథులో “ఆయన తన కుడి చేతిని తన కుడి చెంప క్రింద ఉంచుకునేవారు” అనే మాటలు, ప్రతి పనిని ప్రవక్త సల్లల్లాహు అలైహి వసల్లం కుడిచేతితోనే మొదలుపెట్టే ఆయన విధానాన్ని, అలవాటును సూచిస్తున్నవి; అందుకు భిన్నంగా ఏమైనా అధారాలు లభిస్తే తప్ప.