Enciklopedia e Hadithit të Pejgamberit

“Betimi (në tregti) mundëson shitjen e produktit, por e zhduk bereqetin.”

“Allahu i Lartmadhëruar thotë: “I biri i Ademit më fyen Mua. Ai e shan kohën, ndërkohë Unë jam koha (Zoti i saj). Unë e sjell natën dhe ditën.”

“A e dini çfarë është përgojimi?” Ata thanë: "Allahu dhe i Dërguari i Tij e dinë më së miri." Profeti ﷺ tha: “Të përmendësh për vëllanë tënd atë që ai e urren.” Dikush pyeti: "Çfarë mendon nëse vëllai im e ka atë që e them?" Profeti ﷺ tha: “Nëse e ka atë që e thua, pikërisht kjo është përgojim, e, nëse nuk e ka, atëherë i ke bërë shpifje atij.”

se e ka pyetur të Dërguarin e Allahut ç'është shpëtimi? Ai i tha: "Përmbaje gjuhën tënde, qëndro në shtëpinë tënde dhe qaj për mëkatin tënd."

“Besimtari nuk është fyes e as mallkues i madh, as i pandershëm e as fjalëndyrë.”

"Në Ditën e Gjykimit, asgjë nuk do të jetë më e rëndë në peshoren e besimtarit sesa morali i mirë. Pa dyshim, Allahu e urren njeriun e pandershëm dhe të paturpshëm."

"Në kohën e Profetit ﷺ ishte një burrë që quhej Abdullah, të cilin e thërrisnin me nofkën gomar. Ai e bënte të qeshte të Dërguarin e Allahut ﷺ. Profeti ﷺ e kishte fshikulluar për shkak të pirjes së alkoolit. Një ditë e sollën atë dhe ai urdhëroi që ta fshikullonin. Një burrë nga të pranishmit tha: “O Allah, mallkoje! Sa shpesh e sjellin!” Profeti ﷺ tha: “Mos e mallkoni! Betohem në Allahun, unë e di që ai e do Allahun dhe të Dërguarin e Tij.”

"Muslimani (i vërtetë) është ai nga gjuha dhe dora e të cilit muslimanët janë të sigurt dhe mërgimtar (i vërtetë) është ai i cili i braktis gjërat që Allahu i ka ndaluar."