Encyclopedia of Prophetic Hadiths

"waat day jariñ liñuy jaay waaye day yàq tonowu".

"Yàlla mu màgg mi nee na: doomu Aadama moo ngi may lor day ŋàññ jamono ji te man maay jamono, ci sama loxo la mbir yi nekk maa koy wëlbati guddi ak bëccëg".

«ndax xam ngeen luy jëw?», ñu ne ko: Yàlla ak Yónenteem a xam, mu daa di ne mooy: «tudd sa mbokk ci lu ko neexul», ñu ne ko: waaw bu dee li ma wax moo ngi ci sama mbokk mi nag? Mu wax ne: «bu nekkee ci moom kon jëw nga ko, bu nekkul ci moom nag kon duural nga ko».

«aji-gëm nekkul kiy jamaate, walla kiy rëbbaate, mbaa kiy def ñaawteef, walla aji-bon lammiñ ji».

«amul dara lu gën a diis ci màndxem jullit bi ëllëg bis-pénc jikko yu rafet, te Yàlla dafa bañ ku ñaaw i wax ñaaw i jëf».

Amna jenn waay ci jamonoy Yonnente bi yal na ko Yàlla dolli xéewal ak mucc mu tudd Abdulla, ñu koy dàkkantale Mbaam, mu daan reeloo Yonnente Yàlla bi yal na ko Yàlla dolli xéewal ak mucc, Yonnente Yàlla bi yal na ko Yàlla dolli xéewal ak mucc dóoroon ko yari yoon, ñu indi ko benn bis mu digle ñu dóor ko, jenn waay ne: Yàlla rëbb ko, ana lan moo gën a bari lu ñu koy indi? Yonnente bi yal na ko Yàlla dolli xéewal ak mucc daal di ne: "buleen ko rëbb, giñ naa ci Yàlla ne xamuma lu dul ne bëgg na Yàlla ak ub Yonnenteem".

«jullit mooy ki nga xam ne jullit ñi mucc nañu ci làmmiñam ak ci loxoom,gàddaaykat nag mooy ki gàddaay li Yàlla araamal ci moom».

"bu nit waxee mbokkam: yaw yéefar bi, kon kenn ci ñoom ñaar yóbb na ko, bu dee li mu wax noonu la, lu ko moy mu dellusi ci moom".