Oj Aishe, vërtet Allahu është i Butë dhe e do butësinë. Allahu jep përmes butësisë çfarë nuk jep përmes vrazhdësisë dhe çfarë nuk jep përmes asgjëje tjetër pos butësisë.

Profeti ﷺ e nxiti nënën e besimtarëve, Aishen (Allahu qoftë i kënaqur me të!), për butësi, duke theksuar se Allahu është i butë dhe i mëshirshëm me robërit e Tij, Ai dëshiron lehtësimin për ta dhe nuk dëshiron vështirësimin për ta, andaj nuk i ngarkon ata përtej mundësive të tyre, si dhe se Ai e do që robi i Tij të cilësohet me butësi në sjellje dhe ta veprojë atë të lehtën; në mënyrë që të mos jetë pa mirësjellje dhe as i ashpër, dhe se Allahu i Lartësuar jep nëpërmjet butësisë në këtë botë lavdërimi të bukur, arritje të kërkesave dhe lehtësim të qëllimeve, kurse në botën tjetër jep shpërblim të madh, më shumë sesa atë që e jep nëpërmjet ashpërsisë, rreptësisë dhe vrazhdësisë, pasi me butësinë vjen ajo që nuk vjen nëpërmjet çdo gjëje tjetër të mundshme.