Skip to content
70 Hadiths

Encyclopedia of Prophetic Hadiths

Filter results

8 of 70 cards

Clear filters
"Chokwadi, Allah vanoda kuti mvumo dzavo dzekurerutsa zvinhu dzishandiswe, sekudawo kwavanoita kuti mirairo yavo yakasimba iteverwe.
Ndeyechokwadi Yakarondedzerwa naIbn Hibban
التصنيف الشرعيالأحكام التكليفية والوضعية، مقاصد الشريعة، توحيد الأسماء والصفاتموضوعات الحديثسعة فضل الله عز وجل
«Zvirokwazvo, Allah havadzvinyiriri mutendi wechokwadi pabasa rakanaka (raanenge aita), anopihwa mubairo waro panyika, uye anopihwawaro muHupenyu Hunotevera. Asi uyo asingatendi, anopihwa zvekudya pamusana pemabasa akanaka aanenge aitira Allah panyika, zvekuti kana asvika kuHupenyu Hunotevera, anenge asisina basa rakanaka raangapuhwa mubairo pamusana paro.»
Ndeyechokwadi Yakarondedzerwa naMuslim
التصنيف الشرعيتوحيد الأسماء والصفات، الحياة الآخرة، الإيمان، الكفرموضوعات الحديثسعة فضل الله عز وجل، الإيمان باليوم الآخرمحاور التعريف بالإسلامعدل الإسلام، الحساب، النجاة بالدخول في الإسلام
Ndakati: "Imi Mutumwa waAllah, munoona sei pamusoro pezvinhu zvandaiita senzira yekunamata munguva yeJāhiliyyah (nguva yekusaziva), zvakaita sekupa zvipo (ṣadaqah), kusunungura varanda, pamwe nekuchengetedza hukama hweropa, pane mubairo mazviri here?" Muporofita (rugare nemakomborero aAllah ngazvive kwavari) vakati: "Wakapinda muIslam pamwe chete nemabasa akanaka ose awakaita kare."
Ndeyechokwadi Yakabvumiranwa naAl-Bukhari naMuslim
التصنيف الشرعيفضائل الأعمال الصالحة، خصائص الإسلام وفضله ومحاسنه، الإسلامموضوعات الحديثأهمية التوحيد، سعة فضل الله عز وجلمحاور التعريف بالإسلامفوائد الدخول في الإسلام
«Kana muranda akarwara kana kuenda parwendo, anonyorerwa zvakafanana nezvaaiita panguva yaaigara asiri parwendo uye aine hutano hwakanaka».
Ndeyechokwadi Yakarondedzerwa naAl-Bukhari
التصنيف الشرعيفضائل الأعمال الصالحة، آداب وأحكام السفر، خصائص الإسلام وفضله ومحاسنهموضوعات الحديثسعة فضل الله عز وجل
«Mabasa imhando nhanhatu, uye vanhu imhando ina: kune zvinhu zviviri zvinosungirwa, zvakafanana zvinowana zvakafanana nazvo, basa rakanaka rinowana mubairo unopetwa kagumi, basa rakanaka rinowana mubairo unopetwa kusvika wave mazana manomwe. Zvinhu zviviri zvinosungirwa: Uyo anofa asingasanganisi Allah nechinhu pakunamata achapinda muParadhiso, uye uyo anofa achisanganisa Allah nechinhu achapinda muMoto. Zvakafanana zvinowana zvakafanana nazvo: Uyo anovavarira kuita basa rakanaka kusvikira mwoyo wake wazvinzwa, uye Allah vachizviziva kuti zviri maari, anonyorerwa mubairo webasa rakanaka, uye uyo anoita basa rakaipa, anonyorerwa basa rakaipa (rimwe chete). Uye uyo anoita basa rakanaka, mubairo waro unopetwa kagumi pane rakafanana naro; uye uyo anoshandisa hupfumi hwake munzira yaAllah, anowana mubairo unopetwa mazana manomwe. Kana vari vanhu: vamwe vanopihwa zvakawanda muhupenyu hwepasi pano asi vachapihwa zvishoma muHupenyu Hwemangwana; vamwe vanopihwa zvishoma muhupenyu hwepasi pano asi vachipihwa zvakawanda muHupenyu Hwemangwanai; vamwe vanopihwa zvishoma zvese muhupenyu hwepasi pano nemuHupenyu Hwemangwana; vamwe vanopihwa zvakawanda zvese muhupenyu hwepasi pano nemuHupenyu Hwemangawana.»
Yakanaka Yakarondedzerwa naAhmad
التصنيف الشرعيفضائل التوحيد، فضائل الأعمال الصالحة، فضائل أعمال القلوب، فضائل أعمال الجوارح، صدقة التطوع، الشركموضوعات الحديثأهمية التوحيد، سعة فضل الله عز وجل، الشرك بالله وأقسامه، الإخلاصمحاور التعريف بالإسلاموجوب إفراد الله بالعبادة، بطلان الشرك وصوره، عدل الإسلام، الحساب، النجاة بالدخول في الإسلام
"Ndaiva ndakatasva kumashure kweMuporofita (Allah ngavavakomborere nekuvapa rugare) padhongi rainzi 'Ufayr, vakabva vati: «Iwe Mu'ādh, unoziva here kuti kodzero yaAllah pavaranda vavo ndeipi, uye kuti kodzero yevaranda kuna Allah ndeipi?» Ndikati: "Allah neMutumwa wavo ndivo vanonyanya kuziva." Vakati: «Zvirokwazvo kodzero yaAllah pavaranda vavo ndeyekuti vavanamate uye vasamusanganise nechimwe chinhu zvacho pakunamata (Shirk), uye kodzero yevaranda kuna Allah ndeyekuti havazovarangi avo vasingavasanganisi nechimwe chinhu zvacho pakunamata (Shirk).» Ndikabva ndati: "Imi Mutumwa waAllah! Handingazivisi here vanhu mashoko anofadza aya?" Vakati: «Usavazivisa, kuti vasazogutsikana nazvo, vobva varega kuita mabasa akanaka."
Ndeyechokwadi Yakabvumiranwa naAl-Bukhari naMuslim
التصنيف الشرعيفضائل التوحيد، توحيد الألوهيةموضوعات الحديثأهمية التوحيد، سعة فضل الله عز وجل، الشرك بالله وأقسامهمحاور التعريف بالإسلاموجوب إفراد الله بالعبادة
«Zvirokwazvo, Allah vachanunura mumwe murume kubva muUmmah yangu pamberi pezvisikwa zvose paZuva reRekumutswah, vomuvhurira magwaro makumi mapfumbamwe nemapfumbamwe, gwaro rega rega rakareba kusvika panogumira kuona kweziso. Vachabva vati: 'Pane chaunoramba pane izvi here? Vanyori vangu vanochengetedza vakakuitira hudzvanyiriri here?' Achati: 'Kwete, Tenzi wangu.' Vobva Vati: 'Saka une chikonzero here?' Achati: 'Kwete, Tenzi wangu.' Vobva vati: 'Kwete kudaro, zvechokwadi une chiito chakanaka kwatiri, uye nhasi haumboitirwe hudzvanyiriri.' Kunobva kwabudiswa kapepa kakanyorwa kuti: 'Ndinopupura kuti hakuna akakodzera kunamatwa kunze kwaAllah uye ndinopupura kuti Muhammad muranda wavo neMutumwa wavo.' Vobva vati: 'Unza chikero chako.' Achati: "Tenzi wangu, kapepa aka kane basa rei pakatariswa magwaro ose aya?' Vachati: 'Zvirokwazvo, haumbodzvanyirirwi.' [Mutumwa] akati: 'Zvino magwaro achaiswa mune rimwe divi rechikero, uye kapepa kachiiswa mune rimwe divi. Magwaro achabva areruka uye kapepa korema, nokuti hapana chingaenzana pakurema nezita raAllah.'»
Ndeyechokwadi Yakarondedzerwa naAt-Tirmidhi naIbn Maajah
التصنيف الشرعيفضائل التوحيد، الحياة الآخرةموضوعات الحديثأهمية التوحيد، سعة فضل الله عز وجل، الإيمان باليوم الآخرمحاور التعريف بالإسلامالحساب، النجاة بالدخول في الإسلام
Murume akauya kuMuporofita (Allah ngavavakomborere nekuvapa rugare) ndokuti: "Iwe Mutumwa waAllah, handina kusiya chitadzo chikuru kana chidiki kunze kwekuti ndakachiita." Mutumwa vakati: «Hausi kupupura here kuti hapana chakakodzera kunamatwa kunze kwaAllah uye kuti Muhammad Mutumwa waAllah?» katatu. Akati: "Hongu." Vakati: «Zvirokwazvo izvozvo zvinodzima izvozvo.»
Ndeyechokwadi Yakarondedzerwa naAbu Ya'la naTabarani naAl-Dhiya Al-Maqdisi
التصنيف الشرعيفضائل التوحيد، الإيمان بالله عز وجل، الإيمان بنبينا محمد صلى الله عليه وسلمموضوعات الحديثأهمية التوحيد، سعة فضل الله عز وجل، الإيمان بالرسل عليهم السلاممحاور التعريف بالإسلامفوائد الدخول في الإسلام، النجاة بالدخول في الإسلام، النطق بالشهادتين