«ماته امر شوی چې په اوو اندامونو سجده وکړم

ابن عباس رضي الله عنهما له رسول الله صلی الله علیه وسلم څخه روایت کوي چې فرمایلي یې دي:

«ماته امر شوی چې په اوو اندامونو سجده وکړم: په تندي او په لاس سره یې خپلې، پوزې، دواړو لاسونو، دواړو زنګنونو، او د پښو څوکو ته اشاره وکړه، او دا چې جامې به نه راټولوو او ویښتان به نه غوټه کوو».

«أُمِرْتُ أَنْ أَسْجُدَ عَلَى سَبْعَةِ أَعْظُمٍ: عَلَى الْجَبْهَةِ وَأَشَارَ بِيَدِهِ عَلَى أَنْفِهِ، وَالْيَدَيْنِ، وَالرُّكْبَتَيْنِ، وَأَطْرَافِ الْقَدَمَيْنِ، وَلَا نَكْفِتَ الثِّيَابَ وَالشَّعَرَ».

متفق علیه دی
حديث صحيح
تشریح

رسول الله صلی الله علیه وسلم بیانوي چې الله تعالی ورته د لمانځه پر مهال امر کړی چې د بدن له غړو څخه دې په اوو غړو سره سجده وکړي چې هغه عبارت دي له: لومړی: تندی: چې هغه د پوزې او دواړو سترګو د پاسه د مخ پورته برخه ده. او رسول الله صلی الله علیه وسلم په خپل لاس سره خپل مخ ته اشاره وکړه، تر څو واضحه کړي چې تندی او پوزه دواړه له اوو غړو څخه یو غړی دی، او پر دې د ټینګار لپاره چې سجده کوونکی به پوزه پر ځمکه لګوي. دویم او دریم غړی: دواړه لاسونه. څلورم او پنځم: دواړه زنګنونه. شپږم او اووم: د دواړو قدمونو ګوتې. او مونږ ته یې امر کړی چې د سجدې پر مهال به وېښتان نه غوټه کوو او یا دا چې خپل کالي به یو د بل د پاسه نه راټولوو، بلکې پرېږدو به یې تر دې چې پر ځمکه ولګیږي، نو د غړو سره به یو ځای سجده وکړي.

د کلمو معناوې

ولا نَكْفِت: الكَفت: الجَمع والضَّم.

د حديث له ګټو څخه

په لمانځه کې په اوو غړو سجده کول واجب دي.

په لمانځه کې د جامو او وېښتانو راټولولو او راغونډولو کراهیت.

پر لمونځ کوونکي واجب دي لدې ډاډ حاصل کړي چې په سجده کې یې اووه واړه غړي په ځمکه لګولي، او همداسې پاتې شي تر دې چې (په سجده کې) مشروع ذکر پر ځای کړي.

د وېښتانو غوټه کول یوازې د سړيو پورې خاص دي؛ ځکه چې ښځې ته په لمانځه کې په ځان پټولو امر شوی دی.

مراجع
نور (14)

صحيح البخاري (1/ 162) (812).

صحيح مسلم (1/ 354) (490).

المنهاج شرح صحيح مسلم.

للنووي (4/ 206).

مرقاة المفاتيح شرح مشكاة المصابيح.

لعلي القاري (2/ 718).

سبل السلام شرح بلوغ المرام.

للصنعاني (1/ 270).

توضيح الأحكام مِن بلوغ المرام.

لعبد الله البسام (2/ 229).

فتح ذي الجلال والإكرام شرح بلوغ المرام.

لابن عثيمين (2/ 115).

منار القاري.

لحمزة قاسم (2/ 202).

2 کتابونه
نور (2)
ټول کارتونه