"तिमीहरू हरेकको सृष्टि उसको आमाको गर्भमा चालीस दिन र चालीस रात सम्म

अब्दुल्लाह बिन मसऊद (रजियल्लाहु अन्हु) ले वर्णन गरेका छन्, हामीलाई अल्लाहको रसूल (सल्लल्लाहु अलैहि वसल्लम) ले भन्नुभयो; जो (सादिक); आफ्नो वचनमा सत्य र (मस्दूक); जसलाई अल्लाहले सत्यवादी घोषित गर्नुभएको छ, उहाँले भन्नुभयो: तिमीहरु मध्ये प्रत्येकको सृष्टिको तत्त्व जम्मा गरिन्छ, अर्थात् पुरुषले आफ्नी श्रीमतीसँग सहवास गर्दा, महिलाको पाठेघरमा छरिएको वीर्य चालीस दिनसम्म शुक्रकीटको रूपमा संकलित रहन्छ, त्यसपछि त्यो 'अलकाह' बन्छ जुन बाक्लो र जमेको रगत हो, र यो दोस्रो ४० दिनमा हुन्छ । त्यसपछि त्यो 'मुद्घाह' बन्छ जुन चपाउन सकिने जति मासुको टुक्रा हो, र यो तेस्रो ४० दिनमा हुन्छ । त्यसपछि अल्लाहले फरिश्ता पठाउनुहुन्छ, र तेस्रो ४० दिन सकिएपछि उसले त्यसमा रूह (आत्मा) हाल्छ । अनि फरिश्तालाई चार कुराहरू लेख्न आदेश दिइन्छ जुन हुन्: उसको जीविका, अर्थात् आफ्नो जीवनकालमा उसले कति अनुग्रह प्राप्त गर्नेछ; उसको आयु, अर्थात् संसारमा उसको बसाइको अवधि; उसको कर्म, त्यो के हुनेछ?; र ऊ दु:खी वा सुखी हुने कुरा । त्यसपछि नबी (सल्लल्लाहु अलैहि वसल्लम) ले कसम खाएर भन्नुभयो कि एक व्यक्तिले स्वर्गवासीहरूको कर्म गर्छ र उसको कर्म असल हुन्छ, अर्थात् मानिसहरूलाई देखिने सन्दर्भमा, र ऊ त्यस्तै रहिरहन्छ जबसम्म उसको र स्वर्गको बीचमा एक हातको दूरी मात्र बाँकी रहँदैन, अर्थात्: उसको र स्वर्गमा पुग्नको बीचमा त्यति मात्र दूरी बाँकी रहन्छ जति कुनै व्यक्तिको र पृथ्वीको कुनै स्थानको बीचमा एक हातको दूरी हुन्छ, त्यतिखेर उसको भाग्य र उसमाथि निर्धारण गरिएको कुरा उसमाथि हावी हुन्छ, अनि त्यसबेला उसले नर्कवासीहरूको कर्म गर्छ र उसको अन्त्य त्यसैमा हुन्छ अनि ऊ नर्कमा प्रवेश गर्दछ; किनकि उसको कर्म स्वीकार हुनुको सर्त यो हो कि ऊ त्यसमा अडिग रहोस् र त्यसलाई नबदलोस् । र मानिसहरूमध्ये अर्को एक व्यक्तिले नर्कवासीहरूको कर्म गर्छ यहाँसम्म कि ऊ नर्कमा प्रवेश गर्न नजिक हुन्छ, र मानौं उसको र नर्कको बीचमा जमिनको एक हातको दूरी जति मात्र रहन्छ, तब उसको भाग्य र उसमाथि निर्धारण गरिएको कुरा उसमाथि हावी हुन्छ, र उसले स्वर्गवासीको कर्म गर्छ अनि उसको अन्त्य त्यसैमा हुन्छ र ऊ स्वर्गमा प्रवेश गर्दछ ।