Encyclopedia of Prophetic Hadiths

Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yalsa tõnd sʋk raar a yembre, n maan tõnd waazʋ, waazʋ sẽn ta tεka, tɩ sũy rigim a poorẽ, tɩ nintãm wɩdem a poorẽ, tɩ b yeele: Wẽnd Tẽn-tʋʋma, fo maana tõnd Wẽnd-na-wat-ne waazʋ, bɩ f rɩk alkaool ne tõndo. T'a yeele: «M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».

«Mam na n kõo tap-kao-kãngã raoa, sẽn nong Wẽend la A Tẽn-tʋʋmã, Wẽnd na n paka sẽn tũ ne a nugu». A ʿƲmar ɭbn Al-ẖaṭṭaab yeelame: mam ka yɩ n nong naam sã n ka ra-kãngã, a yeelame: tɩ mam yals m na-biisã zutu, n tẽed tɩ b na bool maam n kõ-a. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) bool a ʿAli ɭbn Abɩɩ Taalib, n kõ-a la a yeele: «Kẽng la f ra wẽnems ye, halɩ tɩ Wẽnd wa pak n kõ-fo». A yeelame: t'a ʿAli kẽng bilfu, rẽ poorẽ t'a yals la a ka wẽnem ye, n yeele: Wẽnd Tẽn-tʋʋmã, m zab ne nebã bõe poorẽ? T'a yeele: «Zab ne-ba halɩ tɩ b maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la b sã n maan woto, sɩd la hakɩɩka b gɩdga foom b zɩɩmã la b arzεgsã, rẽnda hakε-rãmb sẽn nɑ n zomb-ba, la b geelgã bee ne Wẽnde».

«M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah, gãd-y rẽndã ne yẽn-wãbdɩ la m kengd yãmb tɩ y zãag yεl sɩngdsã, tɩ ad Bid'ah buud fãa yaa menengo».

T'a waa kug-sabεllẽ wã n mõk-a, n yeele: « ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye».

M wʋmɑ Nɑbiyɑɑmã (Wẽnd pʋʋsg la A tɩlgr be a yĩnga), tɑoor t'ɑ nɑ pɑ mɑɑn kɑɑlem ne rɑsemɑ nu, t'ɑ yetẽ: « Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã, lɑ mɑm sã n dɑ nɑ n dɩk ned mɑm zãmɑ wã pʋgẽ, m rag n dɩk ɑ Abuu Bɑkr n mɑɑn zoɑ, lɑ sẽn reng-b yãmb tɑoorã b rɑ rɩkdɑ b Nɑbiyɑɑm-dãmbɑ lɑ b nĩn-sõmbsã yɑɑdã n mɑɑnd miisɑ, bɩ yãmb rɑ rɩk yɑɑdã n mɑɑn miisɑ ye, ad mɑm gɩdgdɑ yãmb n yi rẽndɑ».

Yii Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) t'a yeela Ansaar-rãmbẽ wã: «ned ka yɩt b nonglem rẽnda sɩd-kõta, ned ka gẽed-b me rẽnda munaafɩka, ned ning sẽn yɩ b nonglem Wẽnd yɩta a nonglem, la ned ning sẽn gẽ-ba, Wẽnd gẽed-a lame».

Tɩ Nabiyaamã (Wẽnd pʋʋsg la A tɩlgr be a yĩnga) a bao a Saabit ɭbn Ƙays n ka yã ye, tɩ ned yeele: "Wẽnd Tẽn-tʋʋmã, mam na n waa ne a kibarã fo nengẽ". T'a ta a nengẽ n mik t'a zĩ a zãkẽ wã n sulg a zugã. T'a yeel-a: "yaa bõe n tar foom?" T'a yeel-a ad yaa wẽnga. Bala a ra zẽkda a koεεga tɩ yɩɩd Nabiyaamã koεεgã (Wẽnd pʋʋsg la A tɩlgr be a yĩnga), rẽnd a tʋʋmdã lʋɩɩme, a yaa Bugum biiga, tɩ nedã lebg n wa Nabiyaamã nengẽ n kõ-a kibare t'a yeela woto la woto, t'a lebg yaoolem kẽngrã ne kiba-noogo sẽn yaa bedre, Nabiyaamã yeelame: «Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda».

«Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã». A ʿɭmraan yeelame: mam ka mi Nabiyaamã (Wẽnd pʋʋsg lɑ A tɩlgr be ɑ yĩngɑ) togsa yʋʋm kobs a yiib bɩ a tãabo, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «Ad mam loogr poorẽ, neb n na n zĩnd n zãmbdẽ, n ka tar bas-m-yam ye, la b maan kaset-rãmba tɩ b ka kos-b tɩ b maan ye, la b rɩkd pʋlemse la b ka pidsdẽ ye, tɩ nobrã vẽneg b pʋgẽ».