ഒരു ദീനാറിൻ്റെ നാലിലൊന്ന് മുതൽ മുകളിലേക്ക് മോഷ്ടിച്ചാൽ കൈ മുറിക്കേണ്ടതാണ്

വൻപാപങ്ങളിൽ പെട്ട തിന്മയാണ് മോഷണം.

മോഷ്ടാവിൻ്റെ ശിക്ഷ അല്ലാഹു വ്യക്തമായി നിർണ്ണയിച്ചിരിക്കുന്നു; അവൻ്റെ കൈ ഛേദിക്കപ്പെടണം എന്നതാണത്. അല്ലാഹു പറയുന്നു: "മോഷ്ടാവായ പുരുഷൻ്റെയും സ്ത്രീയുടെയും കൈകൾ നിങ്ങൾ ഛേദിക്കുക." (മാഇദഃ: 38) ഈ വിധി നടപ്പിലാക്കേണ്ടതിൻ്റെ നിബന്ധനകൾ നബി (ﷺ) യുടെ ഹദീഥുകളിലാണ് വിവരിക്കപ്പെട്ടിട്ടുള്ളത്.

കൈത്തണ്ടയും കൈപ്പത്തിയും ചേരുന്ന സന്ധിയിൽ വെട്ടിക്കൊണ്ട്, കൈപ്പത്തിയാണ് വെട്ടിനീക്കേണ്ടത്. കൈ എന്നത് കൊണ്ട് ഹദീഥിൽ ഉദ്ദേശിക്കുന്നത് അതാണ്.

മോഷ്ടാവിൻ്റെ കൈ ഛേദിക്കുന്നതിൻ്റെ പിന്നിലെ യുക്തി ജനങ്ങളുടെ സമ്പത്ത് സംരക്ഷിക്കുക എന്നതും, സമാനമായ അതിക്രമങ്ങൾക്ക് മുതിരാൻ തുനിയുന്നവരെ ഭയപ്പെടുത്തുക എന്നതുമാണ്.