മുസ്‌ലിമിനെ ചീത്ത പറയൽ (അല്ലാഹുവിനോടുള്ള) ധിക്കാരവും; മുസ്‌ലിമിനോട് യുദ്ധം ചെയ്യൽ കുഫ്റും ആകുന്നു.''

ഈ ഹദീഥിൽ കുഫ്ർ എന്ന് വിശേഷിപ്പിക്കപ്പെട്ട പ്രവൃത്തി ഇസ്‌ലാമിൽ നിന്ന് പുറത്തു പോകുന്ന വിധത്തിലുള്ള വലിയ കുഫ്റല്ല എന്നതിൽ അഹ്‌ലുസ്സുന്നത്തിൻ്റെ പണ്ഡിതന്മാരെല്ലാം ഏകോപിച്ചിരിക്കുന്നു. മുസ്‌ലിംകളിൽ പെട്ട ചിലർ പരസ്പരം യുദ്ധം ചെയ്യുകയും ചേരിതിരിഞ്ഞ് പോരടിക്കുകയും ചെയ്യുന്ന അവസ്ഥയിലും അവർ വിശ്വാസികളും മുഅ്മിനീങ്ങളുമാണെന്ന് വിശുദ്ധ ഖുർആനിൽ തന്നെ വിശേഷിപ്പിക്കപ്പെട്ടിട്ടുണ്ട്. അല്ലാഹു പറയുന്നു:"മുഅ്മിനുകളിൽ പെട്ട ഒരു സംഘം മറ്റൊരു സംഘത്തോട് പരസ്പരം പോരടിക്കുകയാണെങ്കിൽ നിങ്ങൾ അവർക്കിടയിൽ രഞ്ജിപ്പുണ്ടാക്കുക." ശേഷം അല്ലാഹു പറഞ്ഞു: "മുഅ്മിനീങ്ങൾ പരസ്പര സഹോദരങ്ങളാകുന്നു."