Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 91

Чыпкаларды алып салуу

Равий

Бардык равийлерди көрсөтүү (52)
«Ким ажалы жете элек оорулуунун кабарын алып, анын жанында: "Улук Арштын ээси — Улук Аллахтан сага шыпаа берүүсүн тилейм!" — деп жети жолу дуба кылса, Аллах аны ошол оорусунан айыктырат».
Сахих (ишенимдүү) Абу Дауд, ат-Тирмизи жана Ахмад жазып калтырган.
التصنيف الشرعيالرقية الشرعية وأحكامها
Аллахтын элчиси (ага Аллахтын тынчтыгы жана мактоосу болсун) мечитте этикафта отурган. Бирөөлөр үнүн көтөрүп кыраат кылып жатканын угуп, көшөгөнү ачып: «Билип алгыла! Чынында, ар бириңер Раббиңерге кайрылып жатасыңар. Ошондуктан бири-бириңерге тоскоол болбогула жана кыраатта бири-бириңерден үнүңөрдү көтөрбөгүлө», - деди, же: «намазда» - деп айтты.
Сахих (ишенимдүү) Абу Дауд жазып калтырган.
التصنيف الشرعيآداب تلاوة القرآن الكريم
Бир киши Аллахтын элчисине (ага Аллахтын тынчтыгы жана мактоосу болсун) суроо берип мындай деди: О Аллахтын элчиси, биз деңизде жүрөбүз. Жаныбызда аз гана суу болот. Эгер ал сууга даарат алсак, ичкенге суубуз жок чаңкап калабыз. Деңиз суусуна даарат алсак болобу? Аллахтын элчиси (ага Аллахтын тынчтыгы жана мактоосу болсун): "Деңиздин суусу таза, өлүмтүгү адал" - деп жооп берди.
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيأحكام المياه
«Пайгамбарыбыз (ага Аллахтын тынчтыгы жана мактоосу болсун) мааниси кеңири, жалпы жакшылыкты камтыган дубаларды кылууну жакшы көрөр эле жана башка (себепсиз созулган же майдаланган) дубаларды калтырар эле».
Сахих (ишенимдүү) Абу Дауд жана Ахмад жазып калтырган.
التصنيف الشرعيآداب الدعاء
«Кимде-ким бешимден алдын төрт рекет жана андан кийин төрт рекетти такай окуса, Аллах аны тозокко арам кылат».
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالسنن الرواتب
Пайгамбар (ага Аллахтын тынчтыгы жана мактоосу болсун) эки сажданын ортосунда: "Аллахуммагфир лии, вархамнии, ва аъфинии, вахдинии, варзукнии" - деп айтчу.
Хасан бишаваахидихи (башка жакшы айтымдары бар хадис). Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيصفة الصلاة، أذكار الصلاةموضوعات الحديثالدعاء، سنن الصلاة، صفة الصلاة
Мен Пайгамбарга (ага Аллахтын тынчтыгы жана мактоосу болсун): "Сизге Сафиянын ушундай-ушундай болгону жетиштүү" - дедим. -Хадисти жеткиргендердин бири: ал боюнун кыскалыгын назарда туткан - дейт. Ошондо Пайгамбарыбыз: «Сен ушундай бир сөз айттың, эгер ал деңиздин суусуна аралаштырылса, аны да бузуп жибермек» - деди. (Аиша энебиз) айтат: Мен ага бир адамды туурап көрсөттүм эле, ал: «Мага ушундай жана ушундай берилсе да, мен бир адамды туураганды жакшы көрбөймүн» - деди.
Сахих (ишенимдүү) Абу Дауд, ат-Тирмизи жана Ахмад жазып калтырган.
التصنيف الشرعيالأخلاق الذميمة
«Аллахтын күңдөрүн урбагыла!» Ошондо Умар Аллахтын Элчисине (ага Аллахтын тынчтыгы жана мактоосу болсун) келип: «Аялдар күйөөлөрүнө баш ийбей калышты», - деди. Ошондо ал аларды урууга уруксат берди. Андан соң Аллахтын Элчисинин (ага Аллахтын тынчтыгы жана мактоосу болсун) үй-бүлөсүнө күйөөлөрүнүн үстүнөн арызданып көптөгөн аялдар келишти. Ошондо Пайгамбар (ага Аллахтын тынчтыгы жана мактоосу болсун) мындай деди: «Чындыгында, Мухаммаддын үй-бүлөсүнө күйөөлөрүнүн үстүнөн арызданып көптөгөн аялдар келишти. Алар (аялдарын ургандар) силердин жакшыңар эмес».
Сахих (ишенимдүү) Абу Дауд жана Ибн Маажа риваят кылган.
التصنيف الشرعيالفضائل والآداب، العشرة بين الزوجين