“មនុស្ស គឺស្ថិតនៅលើសាសនាមិត្ដភក្ដិរបស់ខ្លួន។ ហេតុនេះ ម្នាក់ៗនៃពួកអ្នកត្រូវពិនិត្យមើលថា តើនរណាដែលខ្លួនត្រូវយកធ្វើជាមិត្ដភក្ដិ”។

ណាពី ﷺ លោកបានបញ្ជាក់ថា មនុស្សម្នាក់ៗមានលក្ខណៈស្រដៀងគ្នានឹងមិត្តភក្តិ និងដៃគូស្និទ្ធស្នាលរបស់ខ្លួននៅក្នុងជីវិតប្រចាំថ្ងៃនិងទម្លាប់របស់ពួកគេ។ មិត្តភាពមានឥទ្ធិពលលើសីលធម៌ ឥរិយាបថ និងអាកប្បកិរិយា។ ហេតុនេះហើយទើបលោកណែនាំឱ្យជ្រើសរើសមិត្តល្អ ព្រោះមិត្តល្អនឹងណែនាំមិត្តភក្តិរបស់ខ្លួនទៅកាន់សេចក្តីជំនឿ ការចង្អុលបង្ហាញ និងប្រការល្អ ហើយនឹងក្លាយជាជំនួយដល់មិត្តរបស់ខ្លួន។