Encyclopedia of Prophetic Hadiths

«Lafwa gen plis pase 70 - oswa plis pase 60 - branch, sa ki pi wo a se pawòl ki di: 'La ilaha illa Allah' (Pa gen lòt dye ki merite adorasyon esepte Allah), epi sa ki pi ba a se retire sak ka fè moun mal nan wout la, epi lawont/pudè se yon branch nan lafwa.»

«An verite, Allah pa gade aparans nou ak richès nou, men li gade kè nou ak aksyon nou yo».

«Si yon chen bwè nan veso youn nan nou, se poul lave li 7 fwa.»

«Tout kominotem nan ap antre nan Paradi a, esepte moun ki refize.» Yo te di: O Mesaje Allah a, epi kiyès kap refize? Li te di: «Moun ki obeyi mwen lap antre nan Paradi a, epi moun ki dezobeyi m, se li ki refize.»

'Malè pou li, aprèsa malè pou li, aprèsa malè pou li.' Yo te mande: 'Ki moun? O Mesaje Allah.' Pwofèt la di: 'Moun ki jwenn paran li yo nan vyeyès yo, youn nan yo oswa yo tou 2 epi li pa antre nan Paradi a.'

«Piga nou fè kay nou yo tounen tonb, anverite, Satan kouri soti nan kay kote yo li Sourat Al-Baqarah a».

«Sètènman, Allah Granmèt la di: Nenpòt moun ki fè lènmi ak yon moun ki pwòch mwen (yon wali), mwen deklare lagè kont li. Epi sèvitèm nan pa pwoche vin jwenn mwen ak okenn bagay mwen pi renmen pase sa mwen rann obligatwa pou li a. Epi sèvitèm nan ap kontinye pwoche vin jwenn mwen atravè zak adorasyon siplemantè (nawafil) yo jiskaske mwen vin renmenl. Lè mwen vin renmenl, mwen tounen zòrèy li tande avèl la, zye li wè avèl la, men li aji avèl la, ak pye li mache avèl la. Epi sil mandem yon bagay, asireman map balil, epi sil chèche pwoteksyon nan mwen, asireman map pwotejel.»

«Lè yon moun mouri, zèv li yo kanpe eksepte pou 3 bagay: eksepte pou yon charite kap kontinye, oswa yon konesans moun benefisye de li, oswa yon pitit ki dwat kap priye pou li».