Encyclopedia of Prophetic Hadiths

« Allah Toupwisan an di: "Mwen pataje lapriyè a an 2 pati ant mwen menm ak sèvitè mwen an, e sèvitè mwen an ap jwenn sal mande a. Lè sèvitè a di: {Al-Hamdulillahi Rabbil 'alamin} (Lwanj pou Allah, Mèt tout linivè a), Allah di: Sèvitè mwen an fè lwanj pou mwen. Lè li di: {Ar-Rahmanir Rahim} (Toupwisan an, Toumizerikòdyè a), Allah di: Sèvitè mwen an rekonèt pèfeksyon mwen. Lè li di: {Maliki yawmid-din} (Mèt jou jijman an), Li di: Sèvitè mwen an glorifye mwen" epi yon fwa li te di: "Sèvitè mwen an remèt tout otorite nan men mwen", "Lè li di: {Iyyaka na'budu wa iyyaka nasta'in} (Se ou sèlman nou adore, epi se nan ou sèlman nou chèche èd), Li di: Sa a se ant mwen menm ak sèvitè mwen an, epi sèvitè mwen an ap jwenn sal mande a. Lè li di: {Ihdinas-siratal moustaqim, siratal ladzina an'amta 'alayhim, ghayril maghdoubi 'alayhim waladdallin} (Gide nou sou wout dwat la, wout moun ou te fè favè yo, pa wout moun ou fache kont yo a, ni wout moun ki egare yo), Li di: Sa a se pou sèvitè mwen an, epi sèvitè mwen an ap jwenn sa li mande a." »

«Pou mwen di: Glwa pou Allah, Lwanj pou Allah, Pa gen okenn lòt dye ki merite adorasyon esepte Allah, epi Allah pi gran, sa pi dous nan kèm pase tout sa solèy la leve sou yo.

Gen yon Mesye avèg ki te vin bò kote Pwofèt la (ke benediksyon ak kè poze Allah sou li), epi li di: "O Mesaje Allah, mwen pa gen pèsonn pou mennen m nan moske a." Li te mande Mesaje Allah a (ke benediksyon ak kè poze Allah sou li) pèmisyon pou li priye lakay li. Pwofèt la te ba li pèmisyon an. Men, pandan gason an tap vire poul ale, Pwofèt la relel, epi li dil: "Èske w tande apèl pou priyè a (Azān lan)?" mesye an reponn: "Wi." Pwofèt la di li: "Enben, reponn li (ale nan moske a)."

«Èskem pa ta dwe endike nou sa Allah itilize pou Li efase peche yo epi elve degre yo?» Yo te reponn: «Wi, O Mesaje Allah.» Li te di: «Akonpli ablisyon an yon fason ki pafè malgre difikilte yo, fè anpil pa pou ale nan moske yo, epi tann yon lapriyè aprè yon lòt; ebyen, sa a se angajman konstan an.»

« Pa fè jalouzi youn pou lòt, pa fè magouy sou pri pou twonpe youn lòt, pa rayi youn lòt, pa vire do bay youn lòt, epi youn pa dwe vin antre nan komès lòt la poul gatel ; okontrè, O sèvitè Allah yo, se pou nou viv tankou frè. Yon mizilman se frè yon lòt mizilman : li pa fèl lenjistis, li pa lagel nan tray, epi li pa meprizel . "Krentif pou Allah a (Taqwa) se la a li ye," epi li lonje dwèt li sou pwatrin li 3 fwa. "Li sifi kòm yon gwo mal pou yon moun ta meprize frè mizilman li an. Tout sa yon mizilman genyen se bagay ki sakre pou yon lòt mizilman atake : san l, byen li yo, ak onèl." »

«Dife a kache dèyè dezi yo, epi Paradi a kache dèyè difikilte yo.»

Allah, ki beni epi ki anwo nèt la, di: "Mwen se Sila a ki pi endepandan mwen pa bezwen okenn asosye. Nenpòt moun ki fè yon aksyon kote li asosye yon lòt ansanm avè m, Mwen abandone ni li menm, ni chirk li a (sa li asosye avè m nan).

«Pami sa ki fè Islam yon moun bèl se kite sa ki pa konsène li».