Encyclopedia of Prophetic Hadiths

«Konnen byen, kapab gen yon mesye, kote yon pawòl (hadith) ki soti nan mwen rive jwenn li pandan lap apiye sou fotèy li, epi li di: "Ant nou menm ak nou menm gen Liv Allah a; sa nou jwenn ladanl ki pèmèt (halal), nou pranl kòm halal, epi sa nou jwenn ladanl ki entèdi (haram), nou pranl kòm haram." Epi, anverite, sa Mesaje Allah la entèdi, li menm jan ak sa Allah entèdi!»

Dife nou an se yon pati nan swasanndis pati dife Lanfè a." Yo dil: "O Mesaje Allah! Si se te jis sa a, li tap sifi." Li reponn: "Li depase yo pa swasant-nèf pati, chak nan yo gen menm chalè ak li."

Yon mesye te poze Pwofèt la (lapè ak benediksyon Allah sou li) kesyon sou Lè a (Jou Jijman an), li te di: "Kilè Lè a ap ye?" Pwofèt la di: "E kisa ou te prepare pou li?" Mesye a reponn: "Anyen, eksepte ke mwen renmen Allah ak Mesajel la (lapè ak benediksyon Allah sou li)." Lè sa a, Pwofèt la di: "Ou pral ansanm ak moun ou renmen an." Anas (sekrètè Pwofèt la) te di: "Nou pa janm te kontan pou anyen jan nou te kontan pou pawòl Pwofèt la lèl te di: 'Ou pral ansanm ak moun ou renmen an.'" Anas te ajoute: "Mwen menm, mwen renmen Pwofèt la, Abou Bakr, ak Oumar, epi mwen espere map ansanm avèk yo gras avèk lanmou mwen genyen pou yo a, menmsi zèv mwen pa rive nan nivo zèv pa yo."

«Sètènman, pami siy Lè a(jou jijman an) : konesans lan ap disparèt, inyorans ap ogmante, ap gen anpil Zina (fònikasyon ak adiltè), moun ap bwè anpil alkòl, kantite gason ap diminye, epi kantite fanm ap ogmante, jiskaske se yon sèl gason ki pral responsab pou pran swen senkant (50) fanm.»

« Pa gen lòt dye esepte Allah ! Malè pandye sou tèt Arab yo poutèt yon gwo danje kap pwoche ! Jodi a, gen yon brèch ki louvri nan baryè Yajouj ak Majouj la, ki gwosè sa a » — epi li fòme yon ti sèk ak gwo pous li ansanm ak dwèt endèks li. Zaynab pitit fi Jahsh te di : Mwen te mande l : « O Mesaje Allah, èske nap peri alòske gen bon moun nan mitan nou ? » Li te reponn : « Wi, si move zak ak peche vin twòp. »

« Mesaje Allah a (lapè ak benediksyon Allah sou li) ; li menm ki toujou di laverite epi pawòl li se laverite ,te rakonte nou sa: "Yo rasanble fòmasyon chak nan nou anndan vant manman li pandan 40 jou ak 40 nwit. Aprèsa, li tounen yon boul san (ki pandye) pandan menm kantite tan an. Apre sa, li tounen yon ti moso chè pandan menm kantite tan an. Apre sa, yo voye yon zanj bò kotel, epi yo ba li lòd poul ekri 4 bagay. Zanj lan ekri: mwayen sibzistans li (sa lap jwenn poul viv), longè lavil, aksyon lap gen pou li fè, epi si lap fini kòm yon moun malere oswa kòm yon moun ere (sove). Lèfini, zanj lan soufle nanm nan nan li. Se konsa, youn nan nou kapab ap fè zèv moun ki prale nan Paradi, jiskaske se sèlman yon distans yon bra ki rete ant li menm ak Paradi a; men sak te deja ekri nan desten li an akonpli, lal fè zèv moun ki prale nan Lanfè, epi li antre nan Lanfè. Epi, youn nan nou kapab ap fè zèv moun ki prale nan Lanfè, jiskaske se sèlman yon distans yon bra ki rete ant li menm ak Lanfè a; men sak te deja ekri nan desten li an akonpli, lal fè zèv moun ki prale nan Paradi, epi li antre nan Paradi." »

« Lè final la pap rive toutotan solèy la pa leve bò kotel kouche a. Lèl leve epi moun yo wè li, yo tout ap kwè an menm tan. Men, se lè sa a vèsè a ap aplike: "Nan jou sa a, lafwa yon moun pap itil li anyen, si li pat kwè depi anvan, oswa si li pat fè byen pandan li te gen lafwa a." [Al-An'am: 158]. Lè final la ap rive toudenkou: gen 2 gason kap louvri yon twal (rad) ant yo pou yo vann, men yo pap gen tan vann li ni pliyel; lap rive pandan yon nonm fèk sot tire lèt bèt li, men lap rive anvan li gen tan bwèl; lap rive pandan yon moun ap repare basen dlo li (pou bèt li bwè), men lap rive anvan li gen tan bay bèt yo bwè ladan li; epi lap rive pandan youn nan nou ap leve manjel pou li mete nan bouch li, men lap rive anvan li gen tan manje li. »

« Yap fè lanmò a parèt sou fòm yon belye mouton ki gen koulè blan ak nwa melanje (gri). Lè sa a, yon moun kap rele pral di: "O nou menm moun ki nan Paradi!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Aprèsa , lap rele: "O nou menm moun ki nan Dife!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Lè sa a, yap koupe kou lanmò a (yap touye l). Aprèsa , li pral di: "O nou menm moun ki nan Paradi! Se pou toutan, pa gen lanmò ankò. Epi nou menm moun ki nan Dife! Se pou toutan, pa gen lanmò ankò." Aprèsa , li te resite vèsè sa a: "Avèti yo konsènan jou lapenn nan, lè yap fin regle zafè a, pandan yo menm yo nan neglijans" [Surat Maryam: 39]. Epi moun ki nan neglijans sa yo, se moun ki nan mond lan (ki pa kwè) {epi yo pa kwè}. »