Encyclopedia of Prophetic Hadiths

«Yon kwayan se pa yon moun kap denigre moun, ni kap modi moun, ni kap di pawòl sal ni ki vilgè.»

«Pa joure moun ki mouri yo, paske vrèmanvre yo deja rive jwenn sa yo te akonpli.»

Moun ki te konn anseye nou yo pami konpanyon Pwofèt la (se pou lapè ak benediksyon Allah kouvri li) te rapòte nou ke yo te konn aprann 10 vèsè nan men Mesaje Allah la (se pou lapè ak benediksyon Allah kouvri li), epi yo pat konn pase nan 10 lòt vèsè jiskaske yo aprann sa ki nan yo kòm konesans ak pratik. Yo te di: Konsa, nou te aprann konesans lan ak pratik la.

"Lè yonn nan nou ap fè ablisyon (woudou), se poul mete dlo nan nen li epi poul mouchel. Nenpòt moun kap netwaye tèt li ak wòch (istijmar), se pou li fè sa yon kantite fwa ki enpè. Epi lè yonn nan nou leve nan dòmi, li pa dwe mete men li nan veso dlo ablisyon an san li pa lavel anvan, paske yonn nan nou pa konnen kote men li te pase lannwit lan." Epi nan vèsyon Mouslim nan: "Lè yonn nan nou leve nan dòmi, li pa dwe plonje men li nan veso dlo a toutotan li pa lave li 3 fwa, paske li pa konnen kote men li te pase lannwit lan."

Pwofèt la te mande: "O Aboul-Moundhir, èske ou konnen ki vèsè nan Liv Allah a ou posede ki pi gran?" Mwen reponn: "Allah ak Mesaje Li a pi konnen." Li poze kesyon an ankò: "O Aboul-Moundhir, èske ou konnen ki vèsè nan Liv Allah a ou posede ki pi gran?" Mwen reponn: "{Allah, pa gen lòt dye ki sanble ak Li,Li se Lavi ,Sila a ki soutni tout bagay} [Al-Baqarah: 255]." Lè sa a, li frape mwen lejèman sou lestomak epi li di: "Mwen fè sèman sou Allah, konesans lan ap fèw anpil byen, o Aboul-Moundhir!" »

"Pwofèt la (ke lapè ak benediksyon Allah sou li) pat ni grosye, ni li pat konn fè fòse pou li grosye, epi li te konn di: «Moun ki pi bon pami nou yo se sa ki gen pi bon moralite a.»"

Yon mesye te manje bò kote Mesaje Allah la (se pou lapè ak benediksyon Allah avèk li) ak men gòch li. Epi li di: «Manje ak men dwat ou». Mesye a reponn: Mwen pa kapab. Pwofèt la di: «Se pouw pa kapab». Se sèlman awogans ki te anpeche. Li di: Epi li pat janm ka level mete nan bouch li ankò.

« Soti nan Pwofèt la (Ke lapè ak Benediksyon Allah kouvri li), nan sa lap rapòte soti nan Seyè li a (Allah) ki gen tout pouvwa a, li di: "Yon sèvitè te fè yon peche, li di: 'O Allah, padone pechem lan.' Allah (ki beni epi ki wo anpil) te di: 'Sèvitèm nan te fè yon peche, e li te konnen li gen yon Seyè ki padone peche e ki pini pou peche.' Aprèsa, sèvitè a te retounen fè peche ankò, li di: 'O Seyè mwen, padone pechem lan.' Allah (ki beni e ki wo anpil) te di: 'Sèvitèm nan te fè yon peche, e li te konnen li gen yon Seyè ki padone peche e ki pini pou peche.' Aprèsa, sèvitè a te retounen fè peche ankò, li di: 'O Seyè mwen, padone pechem lan.' Allah (ki beni e ki wo anpil) te di: 'Sèvitèm nan te fè yon peche, e li te konnen li gen yon Seyè ki padone peche e ki pini pou peche. Fè sa ou vle, paske Mwen deja padonew.'" »