Encyclopedia of Prophetic Hadiths

O Allah! Pa fè kavo mwen tounen yon zidòl yo adore. Allah voye madichon sou yon pèp ki te pran kavo pwofèt yo pou fè yo tounen kote pou yo priye (moske).

Lè Pwofèt la (Lapè ak benediksyon Allah sou li) te antre nan twalèt la, li te konn di: «O Allah! Mwen mande Ou pwoteksyon kont move lespri mal yo ak move lespri femèl yo».

Yon Mesye te mande Mesaje Allah a (ke lapè Allah ak benediksyon li sou li): "Èskew panse sim fè lapriyè ki obligatwa yo, mwen fè jèn nan mwa Ramadan an, mwen konsidere sa ki pèmi kòm pèmi, mwen evite sa ki entèdi a, epim pa ajoute anyen sou sa, èske map antre nan Paradi a?" Li (Pwofèt la) reponn: "Wi."

"Mesaje Allah la (ke lapè ak benediksyon Allah sou li) te bay madichon pou moun kap bay kòripsyon, ak moun kap resevwa kòripsyon nan rann jijman."

«Anverite, Allah mande pou nou aji ak bon kè nan tout sa nap fè. Si nou gen pou nou touye (nan lagè), fèl ak bon jan fason. Si nap touye yon bèt (poun manje), fèl ak bon jan fason: se pou chak moun file kouto li byen file, epi se pou li fè bèt la pa soufri.»

Mwen te yon gason ki te konn gen anpil ekoulman (Mazi), epi mwen te wont poze Pwofèt la (Ke lapè ak benediksyon Allah sou li) kesyon akòz plas pitit fi li a (kòm madanm mwen). Se konsa, mwen te òdone Al-Miqdad bin Al-Aswad, epi li te pozel kesyon an. Li reponn: «Li dwe lave pati intim l epi li pran dlo (fè ablisyon)». Epi daprè rapò Al-Bukhari a, li te di: «Pran dlo (fè ablisyon) epi lave pati entim ou».

Gen yon Mesye avèg ki te vin bò kote Pwofèt la (ke benediksyon ak kè poze Allah sou li), epi li di: "O Mesaje Allah, mwen pa gen pèsonn pou mennen m nan moske a." Li te mande Mesaje Allah a (ke benediksyon ak kè poze Allah sou li) pèmisyon pou li priye lakay li. Pwofèt la te ba li pèmisyon an. Men, pandan gason an tap vire poul ale, Pwofèt la relel, epi li dil: "Èske w tande apèl pou priyè a (Azān lan)?" mesye an reponn: "Wi." Pwofèt la di li: "Enben, reponn li (ale nan moske a)."

Sètènman, Pwofèt la (ke lapè ak benediksyon Allah kouvri li) te konn leve 2 men li nan nivo zepòl li lè lap kòmanse lapriyè a, epi lè li tap di Allahou Akbar poul fè Woukou, ak lè li te leve tèt li sot nan Woukou a, li te leve 2 men li menm jan an tou, epi li te di: «Allah tande moun kap fè lwanj pou Li a, O Senyè nou, epi se pou Ou tout lwanj yo ye», epi li pat konn fè sa lè lap fè Soujoud.