Skip to content
477 Hadiths

Encyclopedia of Prophetic Hadiths

Filter results

12 of 477 cards

Clear filters
« Lè Allah te fin kreye Paradi a ak Lanfè a, li te voye Jibril (lapè sou li) nan Paradi a. Li di li: "Ale wè li, epi gade sam prepare ladan li pou moun ki gen pou antre ladan li yo." Jibril ale, li gadel, li tounen epi li di: "Mwen sèman sou pouvwaw la! Pa gen yon moun kap tande pale de li kap rete san li pa antre ladan l." Lè sa a, Allah bay lòd pou yo antoure Paradi a ak difikilte (sa moun pa renmen fè), epi li dil: "Ale wè li ankò, epi gade sam prepare ladan li pou moun ki pou antre yo." Jibril ale, li gadel, epi li wè li antoure ak tout sa ki difisil, li di: "Mwen sèman sou pouvwa w la! Mwen pè pou pa gen pèsonn ki rive antre ladan li." Allah di li: "Ale gade Lanfè a, epi gade sam prepare ladan li pou moun ki pou antre ladan li yo." Jibril ale, li gadel, li wè kote flanm dife yo ap monte sou tèt youn lòt (youn ap vale lòt). Li tounen epi li di: "Mwen sèman sou pouvwaw la! Pa gen pèsonn kap antre ladan l." Lè sa a, Bondye bay lòd pou yo antoure Lanfè a ak tout kalite dezi (bagay ki atire moun). Epi li dil: "Tounen gade li." Jibril ale, li gadel, li wè li antoure ak tout kalite dezi, li tounen epi li di: "Mwen sèman sou pouvwaw la! Mwen pè pou pa gen pèsonn kap chape anba li, pou tout moun pa antre ladan l." »
« Bon » ou « Byen » Rapòte pa Abou Dawoud, At-Tirmidhi ak An-Nasa'i.
التصنيف الشرعيذَمُّ الهوى والشَّهوات، صفات الجنة والنار، الحياة الآخرةموضوعات الحديثالصبر، الإيمان باليوم الآخرمحاور التعريف بالإسلامالجنة، النار
Yon jou, Mesaje Allah a (ke benediksyon ak kè poze Allah sou li) te leve kanpe devan nou, li te fè nou yon prèch ki pwisan anpil, ki te fè kè nou tranble epi ki te fè nou kriye. Yo te dil: 'O Mesaje Allah, se tankou si se te dènye prèch ou tap fè nou an, kidonk ba nou yon rekòmandasyon.' Li te di: 'Mwen rekòmande nou pou nou gen krentif pou Allah ,pou nou koute epi obeyi, menm si se yon esklav abisini (Etyopyen) ki ta dirije nou. Paske, aprèm fin ale, nap wè gwo divizyon, kidonk nou dwe swiv tradisyon mwen an (Sunnah) ak tradisyon kalif ki byen gide yo. Kenbe yo byen fèm avèk dan nou, epi pran prekosyon ak bagay ki fèk parèt yo (inovasyon nan relijyon), paske chak inovasyon se yon devyasyon (erè).
Sahih Rapòte pa Abou Dawoud, At-Tirmidhi, Ibn Majah ak Ahmad.
التصنيف الشرعيالصحابة وفضلهم، حق الإمام على الرعية، حقيقة البدعة، أهمية السنة ومكانتها، الخلافة الراشدة وسير الصحابةموضوعات الحديثأحكام الإمامة، البدعة، متابعة الرسول ﷺ، التقوى
« Yon mesye ki soti nan rejyon Najd te vin jwenn Mesaje Allah a (lapè ak benediksyon Allah sou li), cheve nan tèt li te gaye . Nou tap tande bri vwa li san nou pa te konprann sal tap di, jiskaske li te pwoche bò kote Mesaje Allah a (lapè ak benediksyon Allah sou li), epi nou wè se sou Islam lap poze kesyon. Lè sa a, Mesaje mesaje a (lapè ak benediksyon Allah sou li) dil: — « 5 lapriyè chak jou ak chak nwit.» Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). Epi fè jèn nan mwa Ramadan an. » Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). » Epi Mesaje Allah a (lapè ak benediksyon sou li) te mansyone Zakat (kòm obligatwa) ba li. Nonm nan mande: — « Èske mwen gen lòt sou dom ankò? » Li reponn li: — « Non, sof si ou vle fè volontè (anplis). » (Talha) di: Nonm nan fè bak poul ale pandan li tap di: — « Mwen fè sèman sou Allah, mwen pap mete anyen anplis sou sa, ni mwen pap retire anyen ladan li » Lè sa a, Mesaje Allah a (lapè ak benediksyon Allah sou li) di: — « Lap reyisi sil di laverite toutbon. » »
Sahih Tout moun tonbe dakò sou li
التصنيف الشرعيوجوب الصلاة وفضلها وحكم تاركها، صلاة التطوع، وجوب الزكاة وحكم تاركها، صدقة التطوع، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، صيام التطوع، صدقة التطوع، مكانة الصلاة وفضلها، صلاة التطوعمحاور التعريف بالإسلامأركان الإسلام
Gen 6 kalite aksyon, epi gen 4 kalite moun. Gen 2 aksyon ki detèmine sò yon moun (obligatwa), gen aksyon ki peye menm ak menm, gen bon aksyon ki peye 10 fwa valè yo, epi gen bon aksyon ki peye 700 fwa valè yo. Konsènan 2 aksyon ki detèmine sò yon moun: Moun ki mouri san li pa janm asosye pèsonn ak Allah, lap antre nan Paradi; epi moun ki mouri pandan li tap asosye yon bagay ak Allah, lap antre nan Lanfè. Konsènan aksyon ki peye menm ak menm: Yon moun ki gen entansyon fè yon bon aksyon jiskaske kèl santil, epi Allah konnen entansyon sa a nan men li, yo ekri yon bon aksyon pou li. Yon moun ki fè yon move aksyon, yo ekri yon sèl move aksyon sou kont li. Yon moun ki fè yon bon aksyon, yo peyel 10 fwa valè aksyon sa a. Yon moun ki depanse byen li nan chemen Allah a, yo peye li yon bon aksyon ki egal ak 700 fwa valè li. Konsènan 4 kalite moun yo: 1- Moun ki jwenn anpil benediksyon nan mond sa a, men ki pral gen anpil restriksyon nan lòt mond lan. 2- Moun ki gen anpil restriksyon nan mond sa a, men ki pral jwenn anpil benediksyon nan lòt mond lan. 3- Moun ki gen restriksyon nan mond sa a epi ki pral gen restriksyon tou nan lòt mond nan. 4- Moun ki jwenn anpil benediksyon nan mond sa a epi ki pral jwenn anpil benediksyon tou nan lòt mond nan.
« Bon » ou « Byen » Rapòte pa Ahmad
التصنيف الشرعيفضائل التوحيد، فضائل الأعمال الصالحة، فضائل أعمال القلوب، فضائل أعمال الجوارح، صدقة التطوع، الشركموضوعات الحديثأهمية التوحيد، سعة فضل الله عز وجل، الشرك بالله وأقسامه، الإخلاصمحاور التعريف بالإسلاموجوب إفراد الله بالعبادة، بطلان الشرك وصوره، عدل الإسلام، الحساب، النجاة بالدخول في الإسلام
« Lè final la pap rive toutotan solèy la pa leve bò kotel kouche a. Lèl leve epi moun yo wè li, yo tout ap kwè an menm tan. Men, se lè sa a vèsè a ap aplike: "Nan jou sa a, lafwa yon moun pap itil li anyen, si li pat kwè depi anvan, oswa si li pat fè byen pandan li te gen lafwa a." [Al-An'am: 158]. Lè final la ap rive toudenkou: gen 2 gason kap louvri yon twal (rad) ant yo pou yo vann, men yo pap gen tan vann li ni pliyel; lap rive pandan yon nonm fèk sot tire lèt bèt li, men lap rive anvan li gen tan bwèl; lap rive pandan yon moun ap repare basen dlo li (pou bèt li bwè), men lap rive anvan li gen tan bay bèt yo bwè ladan li; epi lap rive pandan youn nan nou ap leve manjel pou li mete nan bouch li, men lap rive anvan li gen tan manje li. »
Sahih Tout moun tonbe dakò sou li
التصنيف الشرعيالتوبة، تفسير الآيات، أشراط الساعةموضوعات الحديثالقرآن وعلومه، أشراط الساعة، التوبةمحاور التعريف بالإسلامالمبادرة وعدم التسويف، خطورة الإعراض عن الحق
« Allah pral distenge (sove,libere) yon Mesye ,(yon gason) nan kominotem nan devan tout kreyati yo jou Jijman an. Lap dewoule 99 rejis devan li, chak rejis long tankou distans zye ka wè. Aprèsa , Allah ap mande li: "Èskèw demanti anyen nan sa yo? Èske zanj ki ekri aksyon ou yo te fèw enjistis?" Mesye a nan ap reponn: "Non, Seyè." Allah ap mandel: "Èskew gen nenpòt eskiz?" Lap reponn: "Non, Seyè." Lè sa a, Allah ap dil : "Wi, ou gen yon bon aksyon bò kote nou, epi jodi a ou pap sibi okenn enjistis." Yo pral soti yon ti kat ki gen ekri ladan li: Mwen temwaye pa gen lòt dye eksepte Allah, epi mwen temwaye Muhammad se sèvitè li ak Mesaje li. Allah ap di: "Prezante pou yo peze aksyon ou yo." Mesye a ap di: "Seyè, kisa ti kat sa a ye devan tout rejis sa yo?" Senyè toupwisan an ap reponn: "Wap jwenn jistis." Yo pral mete rejis yo nan yon bò balans lan, epi ti kat la nan lòt bò a. Rejis yo pral vole anlè (yo pral vin pi lejè), epi ti kat la pral peze pi lou, paske pa gen anyen ki pi lou pase non Allah. »
Sahih Rapòte pa At-Tirmidhi ak Ibn Majah
التصنيف الشرعيفضائل التوحيد، الحياة الآخرةموضوعات الحديثأهمية التوحيد، سعة فضل الله عز وجل، الإيمان باليوم الآخرمحاور التعريف بالإسلامالحساب، النجاة بالدخول في الإسلام
Lè lanmò te prèt pou pran Abu Talib, Mesaje Allah a (lapè ak benediksyon sou li) te vin kotel, li jwenn Abu Jahl ak Abdullah pitit Abi Umayyah pitit Al-Mughirah te la avèk li. Mesaje a di l: « O tonton m, di: Pa gen lòt dye Sèlman Allah yon pawòl map sèvi avèl kòm agiman pou defann ou devan Allah. » Abu Jahl ak Abdullah pitit Abi Umayyah di: « Èske wap abandone relijyon Abdul-Muttalib la? » Mesaje Allah a (lapè ak benediksyon sou li) te kontinye ap repetel sa, pandan 2 lòt mesye yo tap repete menm pawòl la ba li, jiskaske dènye pawòl Abu Talib te di yo se te: « Mwen rete sou relijyon Abdul-Muttalib », epi li te refize di: « Pa gen lòt dye Sèlman Allah». Mesaje Allah a (lapè ak benediksyon sou li) di: « Pa Allah, map kontinye mande padon pou ou toutotan yo pa entèdim fè sa. » Lè sa a, Allah fè desann vèsè sa a: {Li pa konvnab pou Pwofèt la ak moun ki kwè yo mande padon pou moun kap bay Allah asosye...} [At-Tawbah: 113], epi Allah fè desann konsènan Abu Talib, Li di Mesaje a (lapè ak benediksyon sou li): {Ou pa kapab gide moun ou renmen an, men se Allah ki gide moun Li vle.} [Al-Qasas: 56].
Sahih Tout moun tonbe dakò sou li
التصنيف الشرعيالتفسير، أحكام الولاء والبراء، أسباب النزول، الدعوة إلى الله، الشركموضوعات الحديثالدعوة إلى الله، معاداة الكفار، معنى «شهادة أن لا إله إلا الله»، القرآن وعلومهمحاور التعريف بالإسلامالتعلق بالدين الموروث، النطق بالشهادتين
Dapre Pwofèt la (lapè ak benediksyon Allah sou li) nan sa li rapòte de Seyè li a (ki gen pouvwa ak grandè), li di: Li di: «Anverite, Allah ekri bèl aksyon yo ak move aksyon yo, epi Li esplike sa. Konsa, moun ki gen entansyon fè yon bèl aksyon epi li pa fèl, Allah ekri pou li bò kote Pal yon bèl aksyon konplè. Epi si li gen entansyon fèl epi li fèl, Allah ekri pou li 10 bèl aksyon jiska 700 fwa plis, e menm anpil lòt fwa ankò. Epi, moun ki gen entansyon fè yon move aksyon epi li pa fèl, Allah ekri pou li bò kote Pal yon bèl aksyon konplè. Epi si li gen entansyon fèl epi li fèl, Allah ekri pou li yon sèl move aksyon».
Sahih Tout moun tonbe dakò sou li
التصنيف الشرعيفضائل الأعمال الصالحة، توحيد الأسماء والصفاتموضوعات الحديثسعة فضل الله عز وجلمحاور التعريف بالإسلامعدل الإسلام، الحساب