Pa mete rad swa ni rad bwode ak swa (dibaj), pa bwè nan veso ki fèt ak lò ak ajan, epi pa manje nan plat ki fèt avèk yo; paske bagay sa yo se pou yo (moun ki pa kwayan yo) nan mond sa a, epi yap pou nou nan lavi kap vini an (nan lòt mond lan).

Abdour-Rahman ibn Abi Layla rapòte ke yo te bò kote Houdayfa, epi li te mande dlo poul bwè. Yon majisyen (adoratè dife) vin ba li bwè; lèl mete gode a nan men li, li voyel jete sou li, epi li di: "Si se pat paske mwen te deja defann li sa plis pase yon fwa oswa 2 fwa — kòmsi li vle di: mwen pa tap janm aji konsa — (mwen pa tap fè l), men mwen te tande Pwofèt la (lapè ak benediksyon Allah sou li) ki tap di:

Pa mete rad swa ni rad bwode ak swa (dibaj), pa bwè nan veso ki fèt ak lò ak ajan, epi pa manje nan plat ki fèt avèk yo; paske bagay sa yo se pou yo (moun ki pa kwayan yo) nan mond sa a, epi yap pou nou nan lavi kap vini an (nan lòt mond lan).

«لاَ تَلْبَسُوا الحَرِيرَ وَلاَ الدِّيبَاجَ، وَلاَ تَشْرَبُوا فِي آنِيَةِ الذَّهَبِ وَالفِضَّةِ، وَلاَ تَأْكُلُوا فِي صِحَافِهَا، فَإِنَّهَا لَهُمْ فِي الدُّنْيَا وَلَنَا فِي الآخِرَةِ».