Di Sourat 'Al-Ikhlas' (Qul huwa Allahu Ahad), ak 2 sourat pwoteksyon yo (Sourat 'Al-Falaq' ak Sourat 'An-Nas') 3 fwa nan aswè (lè lannwit lan ap tonbe) epi 3 fwa nan maten (lè jou a kòmanse), yap sifiw pou tout bagay.

Daprè Abdullah bin Khubayb (se pou Allah satisfè avè l), li te di:

"Nou te soti nan yon nwit lapli ak gwo fènwa, pou nou chache Mesaje Allah a (se pou lapè ak Benediksyon Allah kouvri li); pou li te ka priye pou nou. Li di: Lè mwen te jwenn li, li di: «Di», mwen pa te di anyen. Aprè sa li di: «Di», mwen pa te di anyen. Li di: «Di», epi mwen di: Kisa pou mwen di? Li di: «{Qul Huwa Allahu Ahad} (Di: Li se Allah, Sèl la) ak Al-Mu'awwidhatayn (2 sourat pwoteksyon yo), nan aswè ak nan maten, 3 fwa, yap sifi ou kont tout bagay.»"

خَرَجْنَا فِي لَيْلَةٍ مَطِيرَةٍ وَظُلْمَةٍ شَدِيدَةٍ، نَطْلُبُ رَسُولَ اللهِ صَلَّى اللهُ عَلَيْهِ وَسَلَّمَ؛ يُصَلِّي لَنَا، قَالَ: فَأَدْرَكْتُهُ، فَقَالَ: «قُلْ»، فَلَمْ أَقُلْ شَيْئًا، ثُمَّ قَالَ: «قُلْ»، فَلَمْ أَقُلْ شَيْئًا، قَالَ: «قُلْ»، فَقُلْتُ: مَا أَقُولُ؟ قَالَ: «{قُلْ هُوَ اللهُ أَحَدٌ} وَالْمُعَوِّذَتَيْنِ حِينَ تُمْسِي وَتُصْبِحُ ثَلَاثَ مَرَّاتٍ، تَكْفِيكَ مِنْ كُلِّ شَيْءٍ».