Name: Àlsìlàamàtɛ̀rɛ bara Irikpɛ dìyàyo kulu ŋmɛnɛ adiini nɔ̀
Author: Beiyo ŋmɛnɛ Hanŋa ká ǎ latiyo nna Adiini Sénni tɛyo Bɔ̀nŋɔ̀tɛ̀rɛ Gbei dɔ̄ ká à gono Kǎba Jìnjire nna Andebi Jìnjire kuna

Tila wɔ̀ gu àlsìlàamàtɛ̀rɛ kunkuni à hɔnnɛyo ga nɔ̀, kó cìbayo ká à bara Bɔ̀nŋɔ̀ Fɔ̀ tɛ̀rɛɛ Fɔlɔnku ŋmɛnɛ adiini nɔ̀. À gu Irikpɛ Fɔ ká À Bara À Fɔlɔnku Gonoyo cimmanīyo , nna ká Muhammadu (Irikpɛ mà à fɔ̌ ka à sáabu ka à yéenanī) bara Andébiyo mɛ̀ɛwì nɔ̀. Nŋa à gu aadalsi nna dèidèi tɛ̀rɛ barayo tabbataniyo , kó malaayikayo nna ciyáama kɛ̄iyo gonoyo cimmaiyo kpɛ̌nɛ. À dù ka bara adiini ká ň bɔ̀rɔ hɛi nnā nɔ̀ ka yei ka bara lǎakali ŋmɛnɛ adiini ká ǎ cɛ kó kpee nnā jìnde nɔyo kubèntɛ Irikpɛ sɛ ga, kó nàmu anduniya nna láahara ŋmɛnɛ bɔnkáani mà tɛ (à…

Language: lang_ddn

Prepared by: Beiyo ŋmɛnɛ Hanŋa ká ǎ latiyo nna Adiini Sénni tɛyo Bɔ̀nŋɔ̀tɛ̀rɛ Gbei dɔ̄ ká à gono Kǎba Jìnjire nna Andebi Jìnjire kuna

Version: 3.0

Download PDF 172 KB

This PDF is generated automatically from the book's text; its layout may differ from the printed edition.

Translations 6

Dendi French English Sotho Telugu Urdu

Related books

All books

Àlsìlàamàtɛ̀rɛ bara hàliita kulu Nɔ̀rukpɛ ŋmɛnɛ adiini nɔ̀3 languages
Àlsìlàamàtɛ̀rɛ adiini nɔ̀ ká ǎ sawayo nna tabiya dèidèintɛ ká ǹ nà bɔ̀rɔ haliita nnā, lǎakalì ŋmɛnɛ adiini nɔ̀, kpɛ̌nɛ bɔnkaani ŋmɛnɛ adiini nɔ̀10 languages
Andebi (Irikpɛ mà à fɔ̌ ka à saabu ka à yéenanī) jìngari mɔ̀ɔ yaasi .75 languages
Mɛi yaa nà Anduniya haliita ? Mɛi yaa nà hɛi bɔ̀ŋɔɔ haliita ? Ifɔ gànna ?48 languages

Àlsìlàamàtɛ̀rɛ bara Irikpɛ dìyàyo kulu ŋmɛnɛ adiini nɔ̀

Font size

Àlsìlàamàtɛ̀rɛ bara Irikpɛ dìyàyo kulu ŋmɛnɛ adiini nɔ̀

Beiyo ŋmɛnɛ Hanŋa ká ǎ latiyo nna Adiini Sénni tɛyo Bɔ̀nŋɔ̀tɛ̀rɛ Gbei dɔ̄ ká à gono Kǎba Jìnjire nna Andebi Jìnjire kuna

Àlsìlàamàtɛ̀rɛ bara nɔ̀ jìndè nɔyo kùbèntɛ Irikpɛ sɛ Kpei Ká Nŋa nɔ̀ haliita kulu Hàlìitàkpɛ nna à Bɛ̀rɛ̀ Bɛ̀rɛ̀kpɛ, nna bɔ̀ŋɔ kùsǔm nɔyo À sɛ À bàkàsinɛ nna À bèeraniyo nna À jirimaniyo bɔ̀nŋɔ̀. Àlsìlàamàtɛ̀rɛ di kɔsɛ nɔ̀ cimi nɔyo Irikpɛ sɛ, nna cimi nɔyo ká Nŋa nɔ̀ Hàlìitàkpɛ , À bàasi hɛ̀i kulu bara haliita nɔ̀, Nŋa yǎ hìmaayo nna bɔɔtayo À sɛ À Fɔlɔnku À sinna wece, hɛ̀ifɔ si ká ǹ ba bɔɔta ŋmáa à sɛ nna cimi fàase Nŋa. À gonna Maayo Káayo Ǹ Bòoriyo Bìsayo nna Zémyo Káayo Ǹ Jirima nna Ǹ Kùbeyoo Bìsayo. Nŋa Nŋa yǎ gonna Tɔyo ka Kube Hɛnnɔ Kulu ká hartayo fɔ si À Kuna .À ná hɛi Ǹ binɛ ná À hɛi , hɛifɔ binɛ ná bara À cinɛ bère À hìmàkàsìnɛ̀. À suu zùmmu ka hulo À hàliita fɔ gáa kunā À binɛ suu À Bɔŋɔ bɛ̀rɛ ka ci à hàliita fɔ tàka .

Àlsìlàamàtɛ̀rɛ bara Irikpɛ Ká Ǎ Béeriyo ŋmɛnɛ adiini nɔ̀ ká À suu adiini fɔ ta boroo sɛ à bàasi. Nŋa yǎ dù ka bara adiini ká Andebiyo kulu kà nnā (yèenaayo mà tɔ ǹ ga).

Àlsìlàamàtɛ̀rɛ ŋmɛnɛ kɔsɛyo kuna nɔ̀ cimi nɔyo dìyàyo kulu sɛ, nna cimi nɔyo ká Irikpɛ nà dìyáyo di dɔ̌ntɔ kìtɛ nɔ̀ domi ǹ mà À Fòoroyo tɔyani À tàmyo ga, nŋa À nà tilayo zumanī ǹ sɛ, nŋa dìyàyo di kɔ̀kɔ̀rɔ̀ nɔ̀ Muhammadu (fɔ̌yo nna yèenaayo mà tɔ à ga) ká Irikpɛ dɔ̌ntɔ nna À Kpèitɛ̀rɛ ŋmɛnɛ sàriya ká à bara dìyàyo káayo ǹ jina à sɛ ŋmɛnɛ sàrìyàyo mɛ̀ɛwì nna ǹ tùusùkpɛ. Nŋa Irikpɛ nà à tɛ̀ɛmako nna màamaaci hàyà bèeriyo ká ǹ kuna wɔ̀ɔka à bàyoo bìsayo nɔ̀ Àlkùrani Jìrìmàntɛ Ká à bara hàliitayo kulu Nɔrukpɛ ŋmɛnɛ Sénni , tila ká à bayoo bìsayo tila kulu kà bɔ̀rɔ̀ tɛ̀rɛ bei nɔ̀ ya, tila nɔ̀ ya ká ǎ haliita kulu mɔnŋɔyanīyo à tàka kànaayo, hɛ̀ika à gono à kuna dɔ kàmmɛ nna à sénni gure dɔ kàmmɛ nna à sɛsɛrɛyo dɔ kàmmɛ. À kuna hìnì cìbayo ka kpee nnā cimi dɔ gono, cimi ká ǎ tɔyanī bɔnkáani ga anduniya kuna nna laahara, à dù kó sarīyo nɔ̀ hali hɔ̃ nna làarubu cìnɛ̀ ká à zùmmú nnā , ǹ ná bâ ibīi gùre fɔ bɛrɛ à kuna ǹ binɛ ná à bàaru .

Kpɛ̌ɛnɛ Àlsìlàamàtɛ̀rɛ kɔsɛyo kuna nɔ̀ cimi nɔyo malaayikayo sɛ, nna cimi nɔyo hanu kɔkɔ̀rɔ̀ sɛ, hanu di kuna binɛ nɔ̀ Irikpɛɛ boroo turanī zǎ ǹ sàarɛ̄ɛyo kuna ciyaama kɛiyo hɛnɛ domi À mà ǹ gbeiyo kabu ka ǹ bana tɛ ǹ sɛ. Warka à nà ihɛnnɔyo tɛ cimi nɔyo bɔ̀nŋɔ̀ gonna gomini dawwàmàntɛ Àljanna kuna, warka binɛ à céférì ka gbei làalɔyo tɛ gonna azaaba bèerì nìnɛ̀ kuna .Ya nɔ̀ kpɛ̌nɛ Àlsìlàamàtɛ̀rɛ kɔsɛyo kuna nɔ̀ cimi nɔyo hɛ̀ika Irikpɛ haw ka jisi sɛ à ŋmɛnɛ ihɛnnɔ aw à ŋmɛnɛ ilàalɔ.

Àlsìlàamayoo cimi nɔyo nɔ̀ ká Andebi Isa bara Irikpɛ tàm nɔ̀ ka yei ka bara À dìyà, kó cimi nɔyo kpɛ̌nɛ ká à ná bara Irikpɛ kōo; domi Irikpɛɛ Bayo nɔ̀ kó Bara Jirima Béerìkpɛ Ká à suu tɛ À 'n gonna wèi bère kōo. Àmma Irikpɛ nà iri nɔ làabaari àlkùrani kuna ká Isa bara Andebi nɔ̀ ká Irikpɛ nà à gòminī munjiza(1) tùutuuma, nŋa Irikpɛ nà à dɔ̌ntɔ nɔ̀ à mà à boroo cɛ ka kpee nnā bɔ̀ɔta ŋmáayo Irikpɛ Fɔlɔnku Ká À sinna wece sɛ ga. Nŋa À nà iri beiyanī ká Isa ná cèeji boroo ga ǹ mà bɔ̀ɔta à sɛ, cɛrɛ bɔŋɔ mòsóm bara ká à Hàlìitàkpɛ sɛ nɔ̀ ǎ bɔ̀ɔta. ŋmá.

Àlsìlàamàtɛ̀rɛ bara adiini nɔ̀ ká ǎ sawayo nna bɔ̀rɔ haliita tàbiya dèidèintɛ nna laakali àlàafiàntɛ, nŋa bìnɛ̀ dèidèintɛyo gu à tayo. Hàlìitàkpɛ Jirima Bèerìkpɛ yǎ nà à ci àsaria hinì À hàliitayo sɛ, à binɛ bara alhéeri nna bɔnkaani hinì nɔ̀ bɔ̀rɔ̀ kulu sɛ. À suu dimi fɔ fisau ka tɛkɛ dimi fɔ ga, dě binɛ gáa kama fɔ ka tɛkɛ gáa kama fɔ ga, à kuna boroo kuluu sawayo nna cɛrɛ nɔ̀. Àlsìlàamàtɛ̀rɛ di kuna bɔ̀rɔ̀ fɔ su fisauyo kó tɛkɛyo à hansinɛ̀ ga fàase nna à gbéi hɛnnɔ zaka .

À bara tilasi nɔ̀ bɔ̀rɔ̀ làakalintɛ kulu mà cimi nɔ Irikpɛ sɛ ká Nŋa yǎ Bara Nɔrukpɛ, nŋa àlsìlàamàtɛ̀rɛ bara adiini (yardantɛ Nɔrukpɛ di dɔ) , nŋa Muhammadu (Irikpɛ mà à fɔ̌ ka à sáabu ka à yénanī) bara dìyà, zaŋa ya binɛ bara fòoro fɔ nɔ̀ ká à kuna bɔ̀rɔ sinna fisauyo fɔ ; domi ciyaamā kɛiyo hɛnɛ Irikpɛ ba à hã hɛika á tùtu nnā diyàyo sɛ; dě à bara cìmìnɔ̀ɔri nɔ̀ à gonna bàa nna bana bèerì jìrìmàntɛ, dě binɛ à bara cèfri nɔ̀ hasaara bàtùmɛ kpaarɛ ŋmɛnɛ gono à sɛ.

Àlsìlaama binɛ nɔ̀ warka ǎ cì : (Ach'hadu an laa ilaaha illal-lɔɔhu wa Ach'hadu anna Muhammadan rasuulul-lɔɔhi) Á sěda ká kpei fɔ si ká à hima ǹ mà bɔ̀ɔta ŋmáa à sɛ nna cimi fàase Irikpɛ, nŋa á sěda ká Muhammadu bara Irikpɛ dìyà), à 'n dù kó gonna mɛɛcìnɛ̀ di ŋmɛnɛ beiyo kó cimi nɔyo à sɛ, ka yei kó àlsìlàamàtɛ̀rɛ ŋmɛnɛ àsariya cìnniyo beiyo céeji cɛɛnɛ cɛɛnɛ; domi à 'n dùwa kó tùnu nna hɛ̀ikáayo Irikpɛ nà ǹ ci à ga tilasi .

Share as image

Share on WhatsApp Share on X Share on Facebook

Related books

All books

3 languages
Àlsìlàamàtɛ̀rɛ bara hàliita kulu Nɔ̀rukpɛ ŋmɛnɛ adiini nɔ̀
Tila wɔ̀ ká à māa nɔ̀ «Àlsìlàamàtɛ̀rɛ bara nɔ̀ haliita kulu Nɔrukpɛ ŋmɛnɛ àdiinii» tabbatani ká Àsìlàamàtɛ̀rɛ bara nɔ̀ Irikpɛ Ká À bara Àfɔ ŋmɛnɛ àdiini, kó cɛ kó kpee nnā tamtɛrɛ ŋmaayo À Fɔlɔnku Sɛ ga , à du kó kɛiyo nɔ̀ cimi nɔyo diyàyo nna àl-kurani sɛ nna gbei hɛnnɔ tɛyo bɔnŋɔ̀ . Nŋa ǎ aljanna (huroyo) alkawalì zà nna Irikpɛ hàmbùrèkpɛɛyo, kó ninɛ (huroyo) alkawalì zà nna cefèriyo. Nŋa yǎ binɛ bara bɔnkaani nna bàa dǔri hìnì duuniya nna laahara kuna .
Read Book
10 languages
Àlsìlàamàtɛ̀rɛ adiini nɔ̀ ká ǎ sawayo nna tabiya dèidèintɛ ká ǹ nà bɔ̀rɔ haliita nnā, lǎakalì ŋmɛnɛ adiini nɔ̀, kpɛ̌nɛ bɔnkaani ŋmɛnɛ adiini nɔ̀
Tila wɔ̀ɔ cìbayo nɔ̀ ká Àlsìlàamàtɛ̀rɛɛ sawayo nɔ̀ nna bɔ̀rɔ haliita nna laakalì hɛ̀nnɔ, ka yei kó hìnì ká ǎ bɔ̀rɔ tɔ̀yani bɔnkáani ga anduniya nna laahara cìba. Kpɛ̌nɛ tila dii kpàarɛ tɛyo ká cimi nɔyo Irikpɛ sɛ nna bɔɔta ŋmáayo À Fɔlɔnku sɛ yǎ bara guuri ká gànna ǹ nà iri haliita. Nŋa à yei kó cimmanī ká gbei hɛ̀nnɔ nna cimi nɔyo yǎ bara hɛ̀ika ň fefei tɛ nnā boroo bīnni.
Read Book
75 languages
Andebi (Irikpɛ mà à fɔ̌ ka à saabu ka à yéenanī) jìngari mɔ̀ɔ yaasi .
Andebi (Irikpɛ mà à fɔ̌ ka à saabu ka à yéenani) jìngari mɔ̀ɔ yaasi tila kuna , beikpɛɛ jìrìmantɛ Abdul Aziz bnu Baz (Irikpɛ mà mãa à sisibi) nà andebi (Irikpɛ mà à fɔ̌ ka à saabu ka à yéenani) jìngari mɔ̀ɔ yaasi kunkuni nɔ̀ yaasi sɔ̀ɔcintɛ nna hìni cirici lóoyo bɔnŋɔ, zeeriyo mɛɛcìnɛ̀ hɛnnɔ alàafiantɛyo ga bɔnŋɔ kpɛ̌nɛ, domi tila di mà hìni cìba àlsilàama sɛ à jìngariyo kuna . Tila di kuna à nà jìngari ziigoyo nna à sunnayo nna à tɛyo yaasi kpaaranī , zǎ alwàla tɛyo halī sallamayo, dàliili nna kpáarani tɛyo marguyo ka kana bɔnŋɔ, koo ŋmaarɛ boroo mó…
Read Book
48 languages
Mɛi yaa nà Anduniya haliita ? Mɛi yaa nà hɛi bɔ̀ŋɔɔ haliita ? Ifɔ gànna ?
Tila wɔ̌ Anduniya nna bɔ̀rɔ hunù dɔ̀ kpàarɛ̄ ŋmɛnɛ fàtii fàtiiyo tɛ nɔ̀, kó làabaari nɔyo gaabi ká à gonna Halìitàkpɛ Bèeri Ká Nŋa nɔ̀ Irikpɛ, Kpei Ká À nà sàriyayo káayo bɔnŋɔ hunayoo dìrà dam . Nŋa Tila di yei kó Irikpɛ ŋmɛnɛ Zemyo nna cimi nɔɔyo diyàyo sɛ nna tilayo káayo ǹ zumani kitɛ zǎ bɔnŋɔ dɔ̀ kpàarɛ̄ tɛ, ka yei kó mɛɛcinɛ̀ sennani ká Àlsìlàamàtɛ̀rɛ yaa bara adiini cimi ŋmɛnɛ ká à gono nɔ̀ bɔnkaani ga tɔyo Anduniya nna Laahara kuna gànna .
Read Book

Share on WhatsApp Share on X Share on Facebook

The Islamic Content Encyclopedia: a trusted reference for the Noble Quran and its translations, verified scholarly books, and hadith encyclopedias.

Explore

About Us

Àlsìlàamàtɛ̀rɛ bara Irikpɛ dìyàyo kulu ŋmɛnɛ adiini nɔ̀

Related books

Àlsìlàamàtɛ̀rɛ bara hàliita kulu Nɔ̀rukpɛ ŋmɛnɛ adiini nɔ̀

Àlsìlàamàtɛ̀rɛ adiini nɔ̀ ká ǎ sawayo nna tabiya dèidèintɛ ká ǹ nà bɔ̀rɔ haliita nnā, lǎakalì ŋmɛnɛ adiini nɔ̀, kpɛ̌nɛ bɔnkaani ŋmɛnɛ adiini nɔ̀

Andebi (Irikpɛ mà à fɔ̌ ka à saabu ka à yéenanī) jìngari mɔ̀ɔ yaasi .

Mɛi yaa nà Anduniya haliita ? Mɛi yaa nà hɛi bɔ̀ŋɔɔ haliita ? Ifɔ gànna ?

Scan to Share