এক চতুৰ্থাংশ দীনাৰ অথবা তাতোকৈ অধিক পৰিমাণৰ বস্তু চুৰি কৰিলে হাত কৰ্তন কৰা হ'ব।

চুৰি কাৰ্য হৈছে কবীৰাহ গুনাহ তথা মহাপাপ।

মহান আল্লাহে চোৰৰ শাস্তিৰ বাবে বিধান নিৰ্ধাৰণ কৰিছে। সেয়া হৈছে যে, চোৰৰ হাত কৰ্তন কৰা হ'ব। যেনে- মহান আল্লাহে পৱিত্ৰ কোৰআনত কৈছেঃ "চোৰ পুৰুষ আৰু চোৰ নাৰী উভয়ৰে হাত কাটি দিয়া, এয়া হৈছে সিহঁতৰ কৃতকৰ্মৰ ফল আৰু আল্লাহৰ তৰফৰ পৰা শিক্ষণীয় শাস্তি।" (ছুৰা আল-মায়িদাহঃ ৩৮) হাদীছত হাত কৰ্তনৰ চৰ্তসমূহ স্পষ্টভাৱে বৰ্ণিত হৈছে।

হাতৰ দ্বাৰা ইয়াত হাতৰ মণিবদ্ধলৈকে বুজোৱা হৈছে। অৰ্থাৎ হাতৰ সৰু গাঁঠিলৈকে কৰ্তন কৰা হ'ব।

চোৰৰ হাত কৰ্তনৰ অন্যতম এটা হিকমত হৈছে এই যে, যাতে মানুহৰ সম্পদ সুৰক্ষিত থাকে, আৰু আনৰ ওপৰত হোৱা অন্যায়-অত্যাচাৰ বন্ধ হয়।