Encyclopedia of Prophetic Hadiths

Yonnente Yàlla bi yal na ko Yàlla dolli xéewal ak mucc bi muy faatu bàyyiwul benn Diinaar walla Dërëm du caagine jaam bu góor walla jigéen du caagine dara, lu dul fasam wu weex wi, ak ngànnaayam, ak suuf su mu def ab sarax.

Am mbooloo ci Sahaabay Yonnente bi yal na ko Yàlla dolli xéewal ak mucc dañoo laaj soxnay Yonnente bi yal na ko Yàlla dolli xéewal ak mucc ay jëfam ci li nëbbu? Am ci ñoom ku ne: man du ma takk soxna, keneen ne: man duma lekk ndawal, keneen ne: man duma nelawati ci kaw lal, Yonente bi daldi sant Yàlla tagg ko, wax ne: "ana lan moo dal aw nit ba ñuy wax lii ak lii? man de damay julli di nelaw, di woor di dog, di takk soxna, ku bañ sama yoon wi bokkul ci man".

"yaw Yàlla sama Boroom man dey nit rekk laa kepp ku ma ŋàññ ci jullit ñi walla ma rëbb ko walla ma dóor ko maa ngi lay ñaan nga defal ko ko ag sell ak ug yërmànde".

Njabootu Muhammat de yal na ko Yàlla dolli xéewal ak mucc diirub bi Yonnente bi yal na ko Yàlla dolli xéewal ak mucc ñëwee Madiina masu ñoo suur ci ñamu dugub ñatti guddi yu toftaloo, ba ni mu faatoo.

Yonnente bi yal na ko Yàlla dolli xéewal ak mucc ndayjoor daan na ko yéem ci buy sol dàll, ak buy peñewu, ak buy laab, ak ci mbiram yépp.

Njabootu Muhammat lekkuñu ñaari lekk ci ab bis lu dul ne genn ga tàndarma lay doon.

Lalu Yonnente Yàlla bi yal na ko Yàlla dolli xéewal ak mucc ci der la woon, biir gi nekkoo ay box, ñëw na ci Muslim: ñegeñaay bi Yonnente Yàlla bi yal na ko Yàlla dolli xéewal ak mucc daan wéeru ci der la woon biir gi di ay xob.

Yónente bi -yal na ko Yàlla dolli xéewal ak mucc- moo gënoon a rafet jikko ci nit ñi.