wax ma ci Lislaam wax joo xam ne duma ko laaj kenn ku dul yaw, mu ne ma : "waxal gëm naa Yàlla, te jub kocc".

Jële nañu ci Sufyaan Ibnu Abdullah As-Saxafii -yal na ko Yàlla dolli xéewal ak mucc- mu wax ne :

Wax naa : yaw Yónente Yàlla bi, wax ma ci Lislaam wax joo xam ne duma ko laaj kenn ku dul yaw, mu ne ma : "waxal gëm naa Yàlla, te jub kocc".

قُلْتُ: يَا رَسُولَ اللهِ، قُلْ لِي فِي الْإِسْلَامِ قَوْلًا لَا أَسْأَلُ عَنْهُ أَحَدًا غَيْرَكَ، قَالَ: «قُلْ: آمَنْتُ بِاللهِ، ثُمَّ اسْتَقِمْ».

Muslim soloo na ko, ak Ahmat.
Wér na
Leeral gi

Sahaaba bii di Sufyaan Ibnu Abdullah -yal na ko Yàlla dolli xéewal ak mucc- dafa laaj Yónente bi -yal na ko Yàlla dolli xéewal ak mucc- ngir mu xamal ko wax ju matale maanaay lislaam yi mu jàpp ci te du ko laajaat kenn ku dul moom ? Yónente bi -yal na ko Yàlla dolli xéewal ak mucc- ne ko : waxal : wéetal naa Yàlla, te gëm naa ne mooy sama Yàlla, moom laay jaamu, moo ma bind, moom laay jaamu ci dëgg deesu ko bokkaale ak dara. Topp mu wommatul Yàlla, topp ko, ci ay farataam, ak bàyyi yi Yàlla araamal, te sax ci loolu.

Maanaay baat yi

...:

Bokk na ci njariñi hadiis bi

Cosaanu diine mooy gëm Yàlla cig moomeelam, ak cig jaamu, ak ci ay turam ak i meloom.

Solos njub ginnaaw gëm, ak wéy cig jaamu, ak sax ci loolu.

Ngëm Yàlla sàrt la ngir ñu nangu jëf yi.

Gëm Yàlla, day làmboo lépp luñu war a fas ci ay pas-pasi ngëm ak i cosaanam, ak la cay topp ci ay jëfi xol, ak wommatu ak nangul Yàlla ci li nëbbu ak li feeñ.

Jub mooy taqoo ak yoon wa, ci def yi war ak bàyyi yi ñu tere.

Dellluwaay yi

Téere Muslim bi gën a wér (1/ 65) (38).

Téere Adiisu Ahmat bees leeral càllala ya (24/ 141) (15416).

Yataal gi (5)

المفهم (1/137).

جامع العلوم والحكم (1/507).

فتح القوي المتين للعباد (ص 76).

شرح الأربعين النووية لعبد الكريم الخضير (ص 285).

شرح الأربعين لصالح آل الشيخ (ص 305).

8 Books
Yataal gi (8)
All Cards