Li ñu njëkk a tàmbalee Yonente Yàlla bi yal na ko Yàlla dolli xéewal ak mucc ci Wahyu mooy gént gu sell

Jële nañu ci Aysatu yaayu jullit ñi yal na ko Yàlla dollee gërëm mu wax ne:

Li ñu njëkk a tàmbalee Yonente Yàlla bi yal na ko Yàlla dolli xéewal ak mucc ci Wahyu mooy gént gu sell, daawul gis dara ci ay gént lu dul ne dana ñëw mel ni suba gu xar, topp ñu bëggloo ko ag wéet, mu daan dem ca xuntum Hiraa wa di fa jaamu guddi yi am ug lim, njëkk mu fay jóge di dellu ca njabootam, da daan yóbb ag dund ngir loolu, topp mu dellu ca Xadiija daal di yóbbal lu mel noonu, ba dëgg dikkal ko fekk ma nga ca xunt wa, Malaaka mi dikkal ko ne ko: jàngal, mu ne ko: "man duma jàngkat" nee na: "mu jàpp ma daal di may naj ba ma sonn lool mu bàyyi ma, daal di ne ma: jàngal, ma ne ko: duma jàngkat, mu jàpp ma ñaareelu yoon, naj ma ba ma sonn lool, mu bàyyi ma, ne ma: jàngal, ma ne ko: duma jàngkat, mu jàpp ma ñatteelu yoon, naj ma ba ma sonn lool, daal di may bàyyi, ne ma: {iqra bismi Rabbika Allasii xalaqa xalaqa Al-Insaana min halaqin iqra wa Rabbuka Al-Akramu}, [Al-Halaxi: 1-3] Yonnente Yàlla dellu ca kër ga cër yi di lox, muy wax naan "sàngleen ma, sàngleen ma" ñu sàng ko ba tiitaange ji deñ ci moom, mu nettali Xadiija xibaar bi ne ko: "ragal naa ci sama bopp" Xadiija ne ko: déedéet, giñ naa ci Yàlla ne Yàlla du la gàccaal mukk, ndax yaw dangay jokk mbokk, di gàddu aji-sonn ji, di wutal ñi amul, di ganale gan gi, di dimbalee ci nattuy dëgg yi, Xadiija yóbb ko ca Waraxatu ibn Nawfal ibn Asad ibn Abdul Husaa, di doomu baay tëxu Xadiija, mu nekkoon koo xam ne dafa duggoon ci diiney Nasaraan ca jamonoy ceddo ga, mu daan bind it téere ci làkkub Hiraaniya bi, daan bind Injiil ci làkkub Hibraaniya lu soob Yàlla mu bind ko ca, mu nekkoon mag mu màggat mu gumba, mu ne ko: yaw sama doomu baay tëx bi, déglul sa doomu mbokk mii, Waraxatu ne ko: yaw sama doomu mbokk mi, ana lan nga gis? Yonente Yàlla bi xibaar ko li mu gis, Waraxatu ne ko: lii de mooy Malaaka mi Yàlla wàcce woon ci Muusaa, aka neexoon mu fekk ma dëgër, aka neexoon mu fekk may dund jamono yi la saw nit di génne, Yonente Yàlla bi yal na ko Yàlla dolli xéewal ak mucc ne ko: "ndax ñoom dañu may génne?", mu ne ko waaw, kenn masut a indi lu mel ni li nga indi lu dul ne noonoo nañu ko, te say bis bu ma fi fekkee dinaa la dimbali ndimbal lu màgg. Topp yàggul dara Waraxatu daal di faatu, Wahyu wi taxaw.

أَوَّلُ مَا بُدِئَ بِهِ رَسُولُ اللَّهِ صَلَّى اللهُ عَلَيْهِ وَسَلَّمَ مِنَ الوَحْيِ الرُّؤْيَا الصَّالِحَةُ فِي النَّوْمِ، فَكَانَ لاَ يَرَى رُؤْيَا إِلَّا جَاءَتْ مِثْلَ فَلَقِ الصُّبْحِ، ثُمَّ حُبِّبَ إِلَيْهِ الخَلاَءُ، وَكَانَ يَخْلُو بِغَارِ حِرَاءٍ فَيَتَحَنَّثُ فِيهِ -وَهُوَ التَّعَبُّدُ- اللَّيَالِيَ ذَوَاتِ العَدَدِ قَبْلَ أَنْ يَنْزِعَ إِلَى أَهْلِهِ، وَيَتَزَوَّدُ لِذَلِكَ، ثُمَّ يَرْجِعُ إِلَى خَدِيجَةَ فَيَتَزَوَّدُ لِمِثْلِهَا، حَتَّى جَاءَهُ الحَقُّ وَهُوَ فِي غَارِ حِرَاءٍ، فَجَاءَهُ المَلَكُ فَقَالَ: اقْرَأْ، قَالَ: «مَا أَنَا بِقَارِئٍ» قَالَ: «فَأَخَذَنِي فَغَطَّنِي حَتَّى بَلَغَ مِنِّي الجَهْدَ ثُمَّ أَرْسَلَنِي، فَقَالَ: اقْرَأْ، قُلْتُ: مَا أَنَا بِقَارِئٍ، فَأَخَذَنِي فَغَطَّنِي الثَّانِيَةَ حَتَّى بَلَغَ مِنِّي الجَهْدَ ثُمَّ أَرْسَلَنِي، فَقَالَ: اقْرَأْ، فَقُلْتُ: مَا أَنَا بِقَارِئٍ، فَأَخَذَنِي فَغَطَّنِي الثَّالِثَةَ ثُمَّ أَرْسَلَنِي، فَقَالَ: {اقْرَأْ بِاسْمِ رَبِّكَ الَّذِي خَلَقَ خَلَقَ الإِنْسَانَ مِنْ عَلَقٍ اقْرَأْ وَرَبُّكَ الأَكْرَمُ}»، [العلق:1-3] فَرَجَعَ بِهَا رَسُولُ اللَّهِ صَلَّى اللهُ عَلَيْهِ وَسَلَّمَ يَرْجُفُ فُؤَادُهُ، فَدَخَلَ عَلَى خَدِيجَةَ بِنْتِ خُوَيْلِدٍ رَضِيَ اللَّهُ عَنْهَا، فَقَالَ: «زَمِّلُونِي، زَمِّلُونِي» فَزَمَّلُوهُ حَتَّى ذَهَبَ عَنْهُ الرَّوْعُ، فَقَالَ لِخَدِيجَةَ وَأَخْبَرَهَا الخَبَرَ: «لَقَدْ خَشِيتُ عَلَى نَفْسِي» فَقَالَتْ خَدِيجَةُ: كَلَّا وَاللَّهِ مَا يُخْزِيكَ اللَّهُ أَبَدًا، إِنَّكَ لَتَصِلُ الرَّحِمَ، وَتَحْمِلُ الكَلَّ، وَتَكْسِبُ المَعْدُومَ، وَتَقْرِي الضَّيْفَ، وَتُعِينُ عَلَى نَوَائِبِ الحَقِّ، فَانْطَلَقَتْ بِهِ خَدِيجَةُ حَتَّى أَتَتْ بِهِ وَرَقَةَ بْنَ نَوْفَلِ بْنِ أَسَدِ بْنِ عَبْدِ العُزَّى، ابْنَ عَمِّ خَدِيجَةَ، وَكَانَ امْرَأً تَنَصَّرَ فِي الجَاهِلِيَّةِ، وَكَانَ يَكْتُبُ الكِتَابَ العِبْرَانِيَّ، فَيَكْتُبُ مِنَ الإِنْجِيلِ بِالعِبْرَانِيَّةِ مَا شَاءَ اللَّهُ أَنْ يَكْتُبَ، وَكَانَ شَيْخًا كَبِيرًا قَدْ عَمِيَ، فَقَالَتْ لَهُ خَدِيجَةُ: يَا ابْنَ عَمِّ، اسْمَعْ مِنَ ابْنِ أَخِيكَ، فَقَالَ لَهُ وَرَقَةُ: يَا ابْنَ أَخِي، مَاذَا تَرَى؟ فَأَخْبَرَهُ رَسُولُ اللَّهِ صَلَّى اللهُ عَلَيْهِ وَسَلَّمَ خَبَرَ مَا رَأَى، فَقَالَ لَهُ وَرَقَةُ: هَذَا النَّامُوسُ الَّذِي نَزَّلَ اللَّهُ عَلَى مُوسَى، يَا لَيْتَنِي فِيهَا جَذَعًا، لَيْتَنِي أَكُونُ حَيًّا إِذْ يُخْرِجُكَ قَوْمُكَ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «أَوَ مُخْرِجِيَّ هُمْ؟»، قَالَ: نَعَمْ، لَمْ يَأْتِ رَجُلٌ قَطُّ بِمِثْلِ مَا جِئْتَ بِهِ إِلَّا عُودِيَ، وَإِنْ يُدْرِكْنِي يَوْمُكَ أَنْصُرْكَ نَصْرًا مُؤَزَّرًا. ثُمَّ لَمْ يَنْشَبْ وَرَقَةُ أَنْ تُوُفِّيَ، وَفَتَرَ الوَحْيُ.