"جمعہ کے دن ہر بالغ پر غسل کرناواجب ہے۔ اس دن آدمی کو چاہیے کہ مسواک کر لے اور اگر خوش بو میسر ہو، تو لگا لے۔"

اس حدیث میں آئے ہوئے لفظ "المحتلم" سے مراد بالغ ہے اور بلوغت کی کچھ علامتیں ہوا کرتی ہیں۔ تین علامتیں تو ایسی ہیں، جو مرد اور عورت دونوں کے اندر پائی جاتی ہیں۔ پہلی پندرہ سال کی عمر ہو جانا، دوسری شرمگاہ کے ارد گرد کھردرے بالوں کا اگ آنا اور تیسری احتلام کی وجہ سے، یا شہوت کے ساتھ چاہے بغیر احتلام کے ہی کیوں نہ ہو، منی کا نکل آنا۔ جب کہ چوتھی علامت عورت کے ساتھ خاص ہے اور وہ ہے حیض آ جانا، سو جب عورت کو حیض آ جائے تو وہ بالغ ہو گئی۔