Skip to content
841 Hadithe

Enciklopedia e Hadithit të Pejgamberit

Filtro rezultatet

17 nga 841 kartela

Hiq filtrat

Grada e hadithit

"Ndërsa po ecja, dëgjova një zë nga qielli. Ngrita shikimin, kur ja, meleku që më kishte ardhur në Hira ishte ulur në një fron mes qiellit dhe tokës. U frikësova shumë prej tij, kështu që u ktheva dhe thashë: "Më mbuloni!" Atëherë, Allahu i Lartësuar shpalli: "O ti i mbuluar, ngrihu dhe paralajmëro!" (El Mudethir, 1-2), deri te Fjala e Tij: "dhe ndyrësinë braktise!" (El Mudethir, 5) Më pas, shpallja u shpeshtua dhe u bë e njëpasnjëshme."
Sahih Muttefek alejhi
التصنيف الشرعيمبعثه صلى الله عليه وسلم
“O Allah, unë jam njeri, andaj këdo që qortoj rëndë, mallkoj ose godas me kamxhik prej muslimanëve, këtë bëje pastrim dhe mëshirë për të!”
Sahih Muttefek alejhi
التصنيف الشرعيالصفات الخُلُقية
"Familja e Muhamedit ﷺ nuk është ngopur me ushqim gruri tri net radhazi, që kur erdhi në Medinë e derisa ndërroi jetë."
Sahih Muttefek alejhi
التصنيف الشرعيالزهد والورع، الهدي النبوي
"Profeti ﷺ dërgoi një ekspeditë dhe caktoi si prijës të tyre një burrë nga ensarët, si dhe i urdhëroi ata që t'i bindeshin atij. Ai u zemërua e u tha: "A nuk ju urdhëroi Profeti ﷺ që të më bindeni?" Ata thanë: "Po." Ai u tha: "Atëherë, mblidhni dru për mua!" Ata i mblodhën. Ai u tha: "Ndizni një zjarr!" Ata e ndezën. Më pas u tha: "Hyni në të!" Ata deshën (të hynin), por filluan të mbanin njëri-tjetrin e të thoshin: "Ne kemi ikur te Profeti ﷺ pikërisht nga Zjarri!" Kështu vazhduan derisa zjarri u shua dhe zemërimi i tij u qetësua. Ky lajm i arriti Profetit ﷺ dhe ai tha: "Sikur të hynin në të, nuk do të dilnin prej tij deri në Ditën e Kiametit. Nënshtrimi bëhet vetëm në gjëra të mira."
Sahih Muttefek alejhi
التصنيف الشرعيأحكام الإمامة، غزواته وسراياه صلى الله عليه وسلم
"Profetit ﷺ, gjatë mbathjes së sandaleve, krehjes së flokëve, pastrimit dhe çdo pune tjetër, i pëlqente të fillonte nga ana e djathtë."
Sahih Muttefek alejhi
التصنيف الشرعيالهدي النبوي
"Familja e Muhamedit ﷺ nuk ka ngrënë dy vakte në një ditë, përveçse njëri prej tyre ishte hurma."
Sahih Muttefek alejhi
التصنيف الشرعيالزهد والورع، الهدي النبوي
“Nesër do t'ia jap këtë flamur një njeriu, nëpërmjet të cilit Allahu do të mundësojë çlirimin: njeri që e do Allahun dhe të Dërguarin e Tij ﷺ dhe që Allahu dhe i Dërguari i Tij ﷺ e duan atë.” Kështu, të gjithë njerëzit e kaluan natën duke hamendësuar se kujt do t'i jepej (flamuri). E, kur u gdhinë njerëzit, shkuan tek i Dërguari i Allahut ﷺ, duke shpresuar secili që flamuri t'i jepej atij. Profeti ﷺ pyeti: “Ku është Ali ibën Ebi Talibi?” Dikush tha: "Ka shqetësime me sytë, o i Dërguari i Allahut." - "Thirreni këtu", - tha Profeti ﷺ. Kur erdhi, i Dërguari i Allahut ﷺ vendosi pështymën e tij në sytë e tij, u lut për të dhe ai u shërua, sikur të mos kishte pasur asgjë. Pastaj Profeti ﷺ ia dha flamurin dhe Aliu tha: "O i Dërguari i Allahut, t'i luftoj derisa të bëhen sikurse ne (muslimanë)?" Profeti ﷺ i tha: “Mos vepro asgjë pa shkuar në mesin e tyre e t'i ftosh në Islam dhe t'u tregosh çfarë obligimi kanë kundrejt Allahut në Islam. Pasha Allahun, që Allahu të udhëzojë një njeri nëpërmjet teje është më e mirë për ty sesa të posedosh devetë e kuqe (lloji më i çmueshëm i deveve).”
Sahih Muttefek alejhi
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
"Shtrati i të Dërguarit të Allahut ﷺ ishte prej lëkure, i mbushur me fije palme." Ndërsa te transmetimi i Muslimit qëndron: "Jastëku i të Dërguarit të Allahut ﷺ, mbi të cilin mbështetej, ishte prej lëkure, i mbushur me fije palme."
Sahih Muttefek alejhi
التصنيف الشرعيذم حب الدنيا، الهدي النبوي