Nëse do të durosh, do ta kesh Xhenetin, e, nëse do, e lus Allahun të të shërojë
Ibn Abasi (Allahu qoftë i kënaqur me të dy!) tregon
se ai i tha Ata ibn Ebu Rabahut: “A të të tregoj një grua prej banorëve të Xhenetit?” Unë i thashë: “Po.” Ai tha: “Kjo grua e zezë erdhi te Profeti ﷺ dhe i tha: “Unë herë pas here alivanosem, rrjedhimisht zbulohem, andaj lute Allahun për mua!” Profeti ﷺ i tha: "Nëse do të durosh, do ta kesh Xhenetin, e, nëse do, e lus Allahun të të shërojë.” Ajo tha: “Do të duroj, pra. Por, unë zbulohem, andaj lute Allahun që të mos zbulohem.” Kështu, Profeti ﷺ u lut për të."
أنَّهُ قَالَ لعَطَاءِ بْنِ أَبِي رَبَاحٍ: أَلَا أُرِيكَ امْرَأَةً مِنْ أَهْلِ الْجَنَّةِ؟ قُلْتُ: بَلَى، قَالَ: هَذِهِ الْمَرْأَةُ السَّوْدَاءُ، أَتَتِ النَّبِيَّ صَلَّى اللهُ عَلَيْهِ وَسَلَّمَ، قَالَتْ: إِنِّي أُصْرَعُ وَإِنِّي أَتَكَشَّفُ، فَادْعُ اللهَ لِي، قَالَ: «إِنْ شِئْتِ صَبَرْتِ وَلَكِ الْجَنَّةُ، وَإِنْ شِئْتِ دَعَوْتُ اللهَ أَنْ يُعَافِيَكِ» قَالَتْ: أَصْبِرُ، قَالَتْ: فَإِنِّي أَتَكَشَّفُ فَادْعُ اللهَ أَنْ لَا أَتَكَشَّفَ، فَدَعَا لَهَا.
Ibn Abasi (Allahu qoftë i kënaqur me të dy!) i ka thënë Ata ibn Ebu Rabahut: A dëshiron të të tregoj një grua që është banore e Xhenetit? Atai u përgjigj: ''Po!'' Ai tha: Kjo grua e zezë abisinase vajti te Profeti ﷺ dhe i tha: "Unë vuaj nga një sëmundje nga e cila rrëzohem/alivanosem dhe zbulohem, duke m'u shfaqur pjesë të trupit pa vetëdije, prandaj lute Allahun të më shërojë!" Ai tha: Nëse dëshiron, duro dhe për ty është Xheneti, e nëse dëshiron, i lutem Allahut të të shërojë. Kësisoj ajo tha: Do të bëj durim atëherë, dhe pastaj tha: "Lute Allahun që të mos zbulohem nëse rrëzohem!" Kështu, ai iu lut Allahut për të.
Durimi gjatë sprovave në këtë botë të bën të fitosh Xhenetin.
Neveviu ka thënë: "Kjo tregon se për alivanosjen (epilepsinë) njeriu shpërblehet me shpërblimin më të plotë."
Dëlirësia dhe turpi i femrave të sahabëve, si dhe kujdesi i tyre për t'u mbuluar (Allahu qoftë i kënaqur me to!), sepse kjo grua më së shumti kishte frikë se mos i zbulohej diçka nga trupi i saj.
Ibn Haxheri ka thënë: "Kapja pas vështirësisë është më e mirë se kapja pas lehtësimit për atë që e di se ka fuqi në veten e tij dhe nuk dobësohet në zbatimin e vështirësisë."
Ibn Haxheri ka thënë: "Kjo tregon se mjekimi i të gjitha sëmundjeve përmes lutjes dhe strehimit tek Allahu është më efikas dhe më i dobishëm se mjekimi me barna, dhe se ndikimi i tij dhe reagimi i trupit ndaj tij është më i madh se ndikimi i barnave fizike. Por, kjo jep rezultat vetëm përmes dy gjërave: e para, nga ana e të sëmurit, e që është qëllimi i sinqertë; kurse e dyta, nga ana e mjekuesit, e që është forca e drejtimit të tij dhe forca e zemrës së tij përmes devotshmërisë dhe mbështetjes tek Allahu. Allahu e di më së miri."
Ibn Haxheri ka thënë: "Në të ka argument për lejimin e braktisjes së mjekimit."
Sahihu i Buhariut (7/ 116) (5652).
Sahihu i Muslimit (4/ 1994) (2576).
Më shumë (4)
بهجة الناظرين شرح رياض الصالحين.
لسليم الهلالي (1/ 95).
شرح رياض الصالحين.
لابن عثيمين (1/ 235).