Çdo pejgamberi i janë dhënë mrekulli të atilla që njerëzit (lehtë) i besojnë.
Ebu Hurejra (Allahu qoftë i kënaqur me të!) transmeton se Profeti ﷺ ka thënë:
“Çdo pejgamberi i janë dhënë mrekulli të atilla që njerëzit (lehtë) i besojnë. Mua më është dhënë shpallja, të cilën ma ka shpallur Allahu. Andaj, shpresoj të jem Pejgamberi me më së shumti pasues në Ditën e Gjykimit.”
«مَا مِنَ الأَنْبِيَاءِ نَبِيٌّ إِلَّا أُعْطِيَ مَا مِثْلهُ آمَنَ عَلَيْهِ البَشَرُ، وَإِنَّمَا كَانَ الَّذِي أُوتِيتُ وَحْيًا أَوْحَاهُ اللَّهُ إِلَيَّ، فَأَرْجُو أَنْ أَكُونَ أَكْثَرَهُمْ تَابِعًا يَوْمَ القِيَامَةِ».
Profeti ﷺ përmendi se Allahu i fuqizoi të gjithë profetët dhe u dha atyre shenja dhe mrekulli të jashtëzakonshme, të cilat dëshmojnë profecinë e tyre dhe e bëjnë të domosdoshëm besimin e atij që i sheh në vërtetësinë e tyre, si dhe se ai është i mundur përballë kësaj sfide, aq sa nuk mund t'i refuzojë ato nga vetja, por megjithatë mund të mohojë e të kundërshtojë. Në të vërtetë, argumenti dhe mrekullia e Profetit ﷺ është Kurani, të cilin ia shpalli Zoti; për shkak të mrekullisë së qartë e të vazhdueshme që ai përmban, si dhe dobisë së tij të madhe e gjithëpërfshirëse. Kjo, ngase ai ngërthen thirrjen, argumentin dhe lajmërimin për atë që do të ndodhë. Kësisoj, dobia e tij përfshin si të pranishmit ashtu edhe ata që mungojnë, si ata që ekzistojnë tani ashtu edhe ata që do të vijnë më pas. Më pas, ai tha: "Andaj, shpresoj të jem Pejgamberi me më së shumti pasues në Ditën e Gjykimit.”
Vërtetimi i mrekullive për profetët, dhe kjo është prej mëshirës së Allahut të Lartësuar dhe mirësisë së Tij ndaj popujve.
Sqarimi i mrekullisë madhështore të Profetit ﷺ.
Sqarimi i pozitës së madhe të Profetit ﷺ dhe epërsisë së tij mbi të gjithë profetët.
Ibn Haxheri ka thënë në lidhje me thënien e tij: “Mua më është dhënë shpallja, të cilën ma ka shpallur Allahu”: “Qëllimi nuk është kufizimi i mrekullive të tij vetëm në të, as se atij nuk i janë dhënë mrekulli ashtu siç u janë dhënë atyre para tij, por qëllimi është se ajo është mrekullia më e madhe me të cilën ai është veçuar nga të tjerët.”
Neveviu ka thënë: "Andaj, shpresoj të jem Pejgamberi me më së shumti pasues në Ditën e Gjykimit,” është një nga shenjat e profecisë, pasi Profeti ﷺ tregoi për këtë në kohën kur muslimanët ishin të paktë. Më pas, Allahu i Lartësuar dhuroi mirësinë e Tij, u dha fitore muslimanëve dhe i bekoi ata, derisa kjo çështje arriti dhe u zgjerua në mesin e muslimanëve deri në këtë masë të njohur, dhe falënderimi i takon Allahut."
Sahihu i Buhariut (6/ 182) (4981).
Sahihu i Muslimit (1/ 134) (152).
Më shumë (2)
عمدة القاري شرح صحيح البخاري (25/ 25).
شرح النووي على مسلم (2/ 188).
Cituar në libra
5 LibraMë shumë (4)
- رسالة موجزة عن الإسلام كما جاء في القرآن الكريم والسنة النبوية (مشتملة على الأدلة)رِسَالَةٌُ مُوجَزَةٌُ عَنِ الْإِسْلَامِ كَمَا جَاءَ فِي الْقُرْآنِ الْكَرِيمِ وَالسَّنَةِ النَّبَوِيَّة-مشتملة على الأدلة -للحرمين-«مَا مِنَ الأَنْبِيَاءِ نَبِيٌّ إِلَّا أُعْطِيَ مَا مِثْلهُ آمَنَ عَلَيْهِ البَشَرُ وَإِنَّمَا كَانَ الَّذِي أُوتِيتُ وَحْيًا أَوْحَاهُ اللَّهُ إِلَيَّ فَأَرْجُو أَنْ أَكُونَ أَكْثَرَهُمْ تَابِعًا يَوْمَ القِيَامَةِ» [27].
- موسوعة الأسئلة (المجموعة الأولى)«مَا مِنَ الأَنْبِيَاءِ مِنْ نَبِيٍّ إِلَّا قَدْ أُعْطِيَ مِنَ الآيَاتِ مَا مِثْلُهُ آمَنَ عَلَيْهِ الْبَشَرُ، وَإِنَّمَا كَانَ الَّذِي أُوتِيتُ وَحْيًا أَوْحَاهُ اللهُ إِلَيَّ، فَأَرْجُو أَنْ أَكُونَ أَكْثَرَهُمْ تَابِعًا يَوْمَ الْقِيَامَ
- موسوعة الإيمان«مَا مِنَ الأَنْبِيَاءِ نَبِيٌّ إِلَّا أُعْطِيَ مِنَ الآيَاتِ مَا مِثْلُهُ أُومِنَ، أَوْ آمَنَ عَلَيْهِ البَشَرُ، وَإِنَّمَا كَانَ الَّذِي أُوتِيتُ وَحْيًا أَوْحَاهُ اللَّهُ إِلَيَّ، فَأَرْجُو أَنِّي أَكْثَرُهُمْ تَابِعًا يَوْمَ القِيَامَةِ
- نبراس طالب (4)1«مَا مِنَ الأَنْبِيَاءِ نَبِيٌّ إِلَّا أُعْطِيَ مَا مِثْلهُ آمَنَ عَلَيْهِ البَشَرُ، وَإِنَّمَا كَانَ الَّذِي أُوتِيتُ وَحْيًا أَوْحَاهُ اللهُ إِلَيَّ»