Skip to content
70 Hadiths

Encyclopedia of Prophetic Hadiths

Filter results

17 of 70 cards

Clear filters
"Ndaiva ndakatasva kumashure kweMuporofita (Allah ngavavakomborere nekuvapa rugare) padhongi rainzi 'Ufayr, vakabva vati: «Iwe Mu'ādh, unoziva here kuti kodzero yaAllah pavaranda vavo ndeipi, uye kuti kodzero yevaranda kuna Allah ndeipi?» Ndikati: "Allah neMutumwa wavo ndivo vanonyanya kuziva." Vakati: «Zvirokwazvo kodzero yaAllah pavaranda vavo ndeyekuti vavanamate uye vasamusanganise nechimwe chinhu zvacho pakunamata (Shirk), uye kodzero yevaranda kuna Allah ndeyekuti havazovarangi avo vasingavasanganisi nechimwe chinhu zvacho pakunamata (Shirk).» Ndikabva ndati: "Imi Mutumwa waAllah! Handingazivisi here vanhu mashoko anofadza aya?" Vakati: «Usavazivisa, kuti vasazogutsikana nazvo, vobva varega kuita mabasa akanaka."
Ndeyechokwadi Yakabvumiranwa naAl-Bukhari naMuslim
التصنيف الشرعيفضائل التوحيد، توحيد الألوهيةموضوعات الحديثأهمية التوحيد، سعة فضل الله عز وجل، الشرك بالله وأقسامهمحاور التعريف بالإسلاموجوب إفراد الله بالعبادة
Mutumwa waAllah (rugare nemakomborero aAllah ngazvive pavari) vakatitungamirira mumunamato wemangwanani (Ṣubḥ) kuHudaybiyyah mushure memvura yakanaya husiku hwacho. Pavakapedza, vakatendeukira kuvanhu, ndokubva vati: "Munoziva here kuti Tenzi venyu vati kudii?" Vakati: "Allah neMutumwa wavo ndivo vanonyatsoziva." Vakati: "Pavaranda vangu vamwe vamuka vachitenda mandiri, uye vamwe vasingatendi. Kune uyo ati: 'Tanaisirwa mvura nenyasha dzaAllah netsitsi dzavo', iyeye anotenda mandiri, uye haatendi munyeredzi. Asi kune uyo ati: 'Tanaisirwa mvura nenyeredzi yakati neyakati', iyeye haatendi mandiri, uye anotenda munyeredzi».
Ndeyechokwadi Yakabvumiranwa naAl-Bukhari naMuslim
التصنيف الشرعيالأذكار للأمور العارضة، توحيد الربوبية، الكفر، الشركموضوعات الحديثالذِّكْر، أهمية التوحيد، الشرك بالله وأقسامه، الكفر وأنواعه، الكهانة والعرافة والتنجيم وإتيان من يتلبس بهذه المنكرات، الشكرمحاور التعريف بالإسلامبطلان الشرك وصوره، ربوبية الله للعالمين، التذكير بنعم الله علينا
"Mumwe murume akati: "Imi Mutumwa waAllah, tichabatwa nemhosva here nezvatakaita munguva yeJahiliyyah (nguva yekusaziva)?" Mutumwa vakati: "Uyo anoita zvakanaka muIslam haazobatwi nemhosva nezvaakaita munguva yeJahiliyyah, uye uyo anoita zvakaipa muIslam achabatwa nemhosva yezvekutanga nezvekupedzisira."
Ndeyechokwadi Yakabvumiranwa naAl-Bukhari naMuslim
التصنيف الشرعيالتوبة، الإسلامموضوعات الحديثأهمية التوحيد، التوبةمحاور التعريف بالإسلامما بعد الدخول في الإسلام، فوائد الدخول في الإسلام، النجاة بالدخول في الإسلام
«Ani naani anosangana naAllah (Mwari) asingavabatanidzi nechimwe chinhu mukuvanamata; achapinda muJannah (Paradhiso), uye ani naani anosangana navo achivabatanidza nezvimwe zvinhu mukuvanamata; achapinda muMoto (Gehena).»
Ndeyechokwadi Yakarondedzerwa naMuslim
التصنيف الشرعيفضائل التوحيد، صفات الجنة والنار، الشركموضوعات الحديثأهمية التوحيد، الشرك بالله وأقسامهمحاور التعريف بالإسلاموجوب إفراد الله بالعبادة، بطلان الشرك وصوره، النجاة بالدخول في الإسلام
«Zvirokwazvo, Allah vachanunura mumwe murume kubva muUmmah yangu pamberi pezvisikwa zvose paZuva reRekumutswah, vomuvhurira magwaro makumi mapfumbamwe nemapfumbamwe, gwaro rega rega rakareba kusvika panogumira kuona kweziso. Vachabva vati: 'Pane chaunoramba pane izvi here? Vanyori vangu vanochengetedza vakakuitira hudzvanyiriri here?' Achati: 'Kwete, Tenzi wangu.' Vobva Vati: 'Saka une chikonzero here?' Achati: 'Kwete, Tenzi wangu.' Vobva vati: 'Kwete kudaro, zvechokwadi une chiito chakanaka kwatiri, uye nhasi haumboitirwe hudzvanyiriri.' Kunobva kwabudiswa kapepa kakanyorwa kuti: 'Ndinopupura kuti hakuna akakodzera kunamatwa kunze kwaAllah uye ndinopupura kuti Muhammad muranda wavo neMutumwa wavo.' Vobva vati: 'Unza chikero chako.' Achati: "Tenzi wangu, kapepa aka kane basa rei pakatariswa magwaro ose aya?' Vachati: 'Zvirokwazvo, haumbodzvanyirirwi.' [Mutumwa] akati: 'Zvino magwaro achaiswa mune rimwe divi rechikero, uye kapepa kachiiswa mune rimwe divi. Magwaro achabva areruka uye kapepa korema, nokuti hapana chingaenzana pakurema nezita raAllah.'»
Ndeyechokwadi Yakarondedzerwa naAt-Tirmidhi naIbn Maajah
التصنيف الشرعيفضائل التوحيد، الحياة الآخرةموضوعات الحديثأهمية التوحيد، سعة فضل الله عز وجل، الإيمان باليوم الآخرمحاور التعريف بالإسلامالحساب، النجاة بالدخول في الإسلام
"Ndakati: "Imi Mutumwa waAllah, Ibn Jud'ān munguva yekusaziva aichengetedza hukama, uye aipa zvekudya kuvarombo, zvino izvozvo zvingamubatsira here?" Mutumwa vakati: "Hazvimubatsire, nokuti zvirokwazvo haana kumbobvira ati zuva rimwe: 'Tenzi vangu, ndiregererei zvitadzo zvangu paZuva reKutongwa'."
Ndeyechokwadi Yakarondedzerwa naMuslim
التصنيف الشرعيفضائل التوحيد، الكفرموضوعات الحديثأهمية التوحيد، الشرك بالله وأقسامه، الكفر وأنواعه، الإيمان باليوم الآخرمحاور التعريف بالإسلاملا يقبل الله غير دين الإسلام، النجاة بالدخول في الإسلام
""Musaita dzimba dzenyu semakuva, uye musaita guva rangu nzvimbo yemhemberero, uye nditumirei minamato (kuvakumbirira makomborero nerugare); nekuti minamato yenyu inosvika kwandiri kwese kwamunenge muri.""
Yakanaka Yakarondedzerwa naAbu Dawud
التصنيف الشرعيفضائل الأعمال الصالحة، صلاة التطوع، زيارة القبور، الإيمان بنبينا محمد صلى الله عليه وسلمموضوعات الحديثأهمية التوحيد، اتخاذ القبور مساجد، حقوق النبي ﷺمحاور التعريف بالإسلامالغلو في الأنبياء
Murume akauya kuMuporofita (Allah ngavavakomborere nekuvapa rugare) ndokuti: "Iwe Mutumwa waAllah, handina kusiya chitadzo chikuru kana chidiki kunze kwekuti ndakachiita." Mutumwa vakati: «Hausi kupupura here kuti hapana chakakodzera kunamatwa kunze kwaAllah uye kuti Muhammad Mutumwa waAllah?» katatu. Akati: "Hongu." Vakati: «Zvirokwazvo izvozvo zvinodzima izvozvo.»
Ndeyechokwadi Yakarondedzerwa naAbu Ya'la naTabarani naAl-Dhiya Al-Maqdisi
التصنيف الشرعيفضائل التوحيد، الإيمان بالله عز وجل، الإيمان بنبينا محمد صلى الله عليه وسلمموضوعات الحديثأهمية التوحيد، سعة فضل الله عز وجل، الإيمان بالرسل عليهم السلاممحاور التعريف بالإسلامفوائد الدخول في الإسلام، النجاة بالدخول في الإسلام، النطق بالشهادتين