«له تاسو يو هم تر هغه بشپړه ايمان نه شي راوړی ترڅو يې خپله نفسي غوښتنه د هغه څه تابع نه وي ګرځولي چې زه ورسره راغلی يم».

له ابو محمد عبدالله بن عمرو بن العاص رضي الله عنهما څخه روایت دی وایې چې رسول الله صلی الله علیه وسلم فرمایلي:

«له تاسو يو هم تر هغه بشپړه ايمان نه شي راوړی ترڅو يې خپله نفسي غوښتنه د هغه څه تابع نه وي ګرځولي چې زه ورسره راغلی يم».

«لَا يُؤْمِنُ أَحَدُكُمْ حَتَّى يَكُونَ هَوَاهُ تَبَعًا لِمَا جِئْتُ بِهِ».

موږ په کتاب الحجة کې په صحیح سند سره روایت کړی دی
حديث قال النووي: حديث صحيح
تشریح

رسول الله صلی الله عليه وسلم څرګنده کړې ده چې انسان تر هغه وخته پورې بشپړ مؤمن نه شي جوړېدلی چې خوښه یې د هغه څه تابع نه وي چې رسول الله صلی الله علیه وسلم پرې له اوامرو، نواهیو او داسې نورو څخه راتګ کړی دی، نو هغه څه به خوښوي چې هغه پرې امر کړی او له هغه څه نه به کرکه لري چې هغه ترې منع فرمایلي ده.

د حديث له ګټو څخه

حدیث شریعت ته د تسلمېدو او غاړې اېښودلو په باب کې یو اصل دی.

انسان له دې وېرول چې د عقل او عادت له مخې پرېکړې وکړي او پر هغه څه یې مخکې کړي چې رسول الله صلی الله علیه وسلم پرې راتګ کړی دی، ځکه څوک چې داسې کوي، ایمان ترې نفي شوی دی.

د شریعت حاکمول په هر څه کې واجب دي، ځکه چې رسول الله صلی الله عليه وسلم فرمایلي: «لِمَا جِئتُ به» (د هغه څه چې زه ورسره راغلی یم)،

ایمان په اطاعت سره زیاتېږي او په ګناه سره کمېږي.

مراجع
نور (5)

الحجة على تارك المحجة لأبي الفتح نصر بن إبراهيم المقدسي.

برقم (25).

فتح الباري لابن حجر (13/289).

جامع العلوم والحكم (3/1146).

شرح النووي على مسلم (1/77).

5 کتابونه
نور (4)